Read መ/ቅዱስ ትግርኛ, Tigrigna Bible, 1997 ኦሪት ዘጸአት 38 Bible Online

ኦሪት ዘጸአት 38 - መ/ቅዱስ ትግርኛ, Tigrigna Bible, 1997 bible

ኦሪት ዘጸአት 38

¹መሰውኢ ምሕራር ድማ ካብ ዕጨይቲ ሸጢም ገበረ ምንዋሑ ኣመት ምግፋሑ ኸኣ ሓሙሽተ እመት፡ ኣርባዕተ መኣዝኑ ማዕረ፡ ምብራኹ ድማ ስለስተ እመት።

²ኣብ ኣርባዕቲኡ መኣዝኑ ኸኣ ኣቕርንቲ ገበረሉ፡ እቲ ኣቕርንቱ ምስኡ ሓደ ነበረ፡ ብስራዚ ድማ ለበጦ።

³ኩሉ ኣቓሑ መሰውኢ ኸኣ ገበረ፡ መአከብ ሓሙኽስትን መጽሓርንያ ጭሔሎን መውግእ ስጋን ምድጃን ንኹሉ ኣቓሑኡ ኻብ ኣስራዚ ገበሮ።

⁴ንመሰውኢ ዚኸውን ከም መንፊት ዝበለ መጋረዲ ኻብ ኣስራዚ ገይሩ ኣብ ትሕቲ ኣርከኑ፡ ብሸነኽ ታሕቲ ኽሳዕ ፍርቁ ዚበጽሕ ገበሮ።

⁵ነቲ ኣርባዕተ መኣዝን መጋረዲ ኣስራዚ ኸኣ መሰላታት ኪኣትዎ፡ ኣርባዕተ ቐለቤት ኣፍሰሰሉ።

⁶መሰላታት ከኣ ካብ ዕጨይቲ ሽጢም ገበረ፡ ብስራዚ ኸኣ ለበጦ።

⁷ነቲ መሰላታት ከኣ፡ ብእኡ ኺጽወር፡ ናብቲ ኣብ ጎቦታት መሰውኢ ዘሎ ቐላብቲ ኣእተዎ። ካብ ሉሕ ጓንጓ ገይሩ ሰርሖ።

⁸ገብራ ድማ ካብ ኣስራዚ፡ ኣጋሮኡውን ካብ ኣስራዚ ገበረ፡ ካብ መስትይታት እተን ኣብ ኣፍ ደገ ድንኳን ምርኻብ ዜገልግላ ዝነበራ ኣንስቲ ገበሮ።

⁹ኣጻድ ድማ ገበረ። ነቲ ኣጸድ ብሸነኽ ደቡብ፡ ካብ እተፋሕሰ ልሕጺ እንጣጢዕ ሚእቲ ኣመት ዝምንዋሑ መጋረኣታት ገበሮ።

¹⁰ኣዕኑዱ ዕስራ፡ ኣእጋሩውን ዕስራ ኻብ እስራዝ ነበረ፡ ናይቲ ኣዕኑድ መሰቓቐልን ኣዛንግን ከኣ ካብ ብሩር ነበረ።

¹¹ብሸነኽ ሰሜን ድማ ሚእቲ እመት፡ ኣዕኑዱ ዕስራ፡ ኣእጋሩ ኸኣ ዕስራ ካብ ኣስራዚ፡ ናይቲ ኣዕኑድ መሰቓቐልን ኣዛንግን ከኣ ካብ ብሩር ነበረ።

¹²ብሸነኽ ምዕራብ ድማ ሓምሳ እመት ዝምንዋሑ መጋረጃታት ኣዕኑድ ዓሰርተ፡ ኣእጋሩውን ዓሰርተ ናይቲ ኣዕኑድ መሰቓቐልን ኣዛንግን ከአ ካብ ብሩር ነበረ።

¹³ብሸነኽ ምብራቕ፡ በቲ ጸሓይ እትወጸሉ ድማ ሓምሳ እመት ነበረ።

¹⁴ነቲ ኣፍ ደገ ብሓደ ሸነኹ ዓሰርተው ሃሙሽተ ኣመት መጋረኣ ምስ ስለስተ ዓንድን ሰለስተ እግርን ነበረ።

¹⁵ከምኡ ድማ ብኻልኣይ ሸነኽ፡ እሞ ኣቲ ኣፍ ደገ ኣጸድ በዝን በትን ዐዐሰርተው ሓሙሽተ እመት መጋረጃታት ምስ ሰለስተ ዓንዱን ሰለስተ እግሩን ነበሮ።

¹⁶ኩሉ መጋረጃታት ዙርያ እቲ ኣጸድ ካብ እተፋሕሰ ልሕጺ እንጣጢዕ ነበረ።

¹⁷ኣእጋር እቲ ኣዕኑድ ድማ ካብ ኣስራዚ ነበረ። ናይቲ ኣዕኑድ መሰቓቐልን ኣዛንግን ከኣ ከብ ብሩር ነበረ። ጉልላት እቲ ኣዕኑድ ድማ ብሩር ነበረ። ጉልላት እቲ ኣዕኑድ ድማ ብብሩር ተለቢጡ ነበረ፡ ኩሉ ኣዕኑድ እቲ ኣጸድውን ኣዛንግ ብሩር ነበረ።

¹⁸መጋረጃ ኣፍ ደገ ኣጸድ ድማ ካብ ሰማያውን ሕብሪ ደምን ጽሩይ ቀይሕን እተፋሕሰ ልሕጺ እንጣጢዕን ተጠልፈ፡ ምንዋሑ ዕስራ እመት፡ ቁመቱ ኸኣ ብምግፋሑ ኸምቲ መጋረጃታት ኣጸድ ሓሙሽተ እመት ነበረ።

¹⁹ኣዕኑዱ ኣርባዕተ፡ ኣእጋሩውን ኣርባዕተ ኻብ ኣስራዚ ነበረ፡ መሰቓቐሊኡ ኸኣ ካብ ብሩር ነበረ፡ ጉልላቱን ኣዛንጉን ብብሩር ተለበጠ።

²⁰ኩሉ ሸኻውልቲ ማሕደርን ናይቲ ኣጸድ ብዙርያኡን ካብ ኣስራዚ ነበረ።

²¹ጸብጻብ ነይቲ ማሕደር፡ ናይ ምስክር ማሕደር፡ ብትእዛዝ ሙሴ ፡ ንኣገልግሎት ሌዋውያን ቢድ ኢታማር፡ ወዲ ኻህን ኣሮን እተጸብጸበ እዚ እዩ።

²²በሳልኤል ወዲ ኡር ወዲ ሁር ካብ ነገድ ይሁዳ ድማ እቲ እግዚኣብሄር ንሙሴ ዝአዘዞ ኹሉ ገበረ።

²³ኦሆልያብ ወዲ ኢሃሲማኻ ካብ ነገድ ዳን ከኣ፡ ምስኡ ነበረ፡ ንሱ ቑራጽን ብሰማያውን ሕብድሪ ደምን ጽሩይ ቀይሕን ልሕጺ እንጣጢዕን ብልሓተኛ ኣላምን ጠላፍን ነበረ።

²⁴እቲ ንኹሉ ዕዮ ቤት መቕደስ ንመስርሒ ዝኾነ ኹሉ ወርቂ፡ እቲ እተዋህበ ወርቂ፡ ብሲቃል መቕደስ ዕስራን ትሽዐትን ታለንትን ሾብዓተ ሚእትን ሰላሳን ሲቃል ኮነ።

²⁵ካብቶም ናይ ኣኼባ እትቑጸሩ እተዋህበ ብሩር ድማ ብሲቃል መቕደስ ሚእቲ ታለንትን ሽሕን ሾብዓተ ሚእትን ሰብዓን ሓሙሽተን ሲቃል ኮነ።

²⁶ንነፍስ ወከፍ ሰብ ካብቶም በቲ ቁጽሪ ዝሓለፉ፡ ካብ ወዲ ዕስራ ዓመት ንላዕሊ እሞ ካብ ሽዱሽተ ሚእትን ስለስተን ሽሕ ሃሙሽተ ሚእትን ሓምሳን ሰብ ሓደ ቤቃ፡ ንሱ ኸኣ ፈረቓ ሲቃል መቕደስ በጽሔ።

²⁷ኣቲ ሚእቲ ታለንት ብሩር ድማ ንምፍሳስ ኣእጋር መቕደስን ኣእጋር መጋረጃን፡ ሚእቲ ታለንት ንሚእቲ እግሪ፡ ሓደ ታለንት ናደ እግሪ ኾነ።

²⁸በቲ ሽሕን ሾብዓተ ሚእት ሰብዓን ሓሙሽተን ሲቃል ድማ ነቲ ኣዕኑድ መሰቓቐሊ ገበረሉ፡ ንጉልላቱ ኸአ ለበጦ፡ ኣዛንግውን ገበረሉ።

²⁹እቲ እተዋህበ ኣስራዚ ድማ ሰብዓ ተለንትን ክልተ ሽሕን ኣርባዕተ ሚእትን ሲቃል እዩ።

³⁰ብእኡ ኣእጋር ኣፍ ደገ ድንኳን ምርኻብን መሰውኢ ኣስራዝን ናይ ኣስራዚ መጋርዲኡን ኹሉ ኣቓሑ መሰውእን፡

³¹ኣእጋር ኣጸድ ብዙርያኡን ኣእጋር ኣፍ ደገ ኣጸድን ኩሉ ሸኻውልቲ ማሕደርን ኩሉ ሸኻውልቲ ኣጸድ ናይ ብዙርያኡን ገበረ።