Read መ/ቅዱስ ትግርኛ, Tigrigna Bible, 1997 ኦሪት ዘጸአት 4 Bible Online

ኦሪት ዘጸአት 4 - መ/ቅዱስ ትግርኛ, Tigrigna Bible, 1997 bible

ኦሪት ዘጸአት 4

¹ሙሴ ድማ፡ እንሆ ንሳቶም እግዚኣብሄር ኣይተራእየካን፡ ኪብሉኒ እዮም እሞ፡ ኣይኣምኑንን፡ ቃለይውን ኣይሰምዑን እዮም፡ ኢሉ መለሰ።

²እግዚኣብሄር ድማ እዛ ኣብ ኢድካ ዘላ እንታይ እያ፡ በሎ። ንሱ ኸኣ በትሪ በለ።

³ንሱ ድማ ናብ ምድሪ ደርብያ በሎ። ናብ ምድሪ ደርበያ፡ ተመን ከኣ ኾነት። ሙሴ ድማ ካብ ቅድሚኡ ሀደመ።

⁴እግዚኣብሄር ከኣ ንሙሴ፡ ኢድካ ዘርግሕ እሞ፡ ብዓለሊኣኡ ሓዞ በሎ። ኢዱ ዘርጊሑውን ሓዞ፡ ኣብ ኢዱ ኸኣ በትሪ ኾነ።

⁵እዚ፡ እግዚኣብሄር ኣምላኽ ኣቦታቶም፡ ኣምላኽ ኣብርሃም፡ ኣምላኽ ይስሃቅ፡ ኣምላኽ ያእቆብ ከም እተራእየካ፡ ምእንቲ ኸኣምኑ እዩ።

⁶እግዚኣብሄር ድማ ወሲኹ፡ ኢድካ ናብ ትሽትሽካ ኣእቱ፡ በሎ። ናብ ትሽትሹ ኸኣ ኣእተዋ። ምስ ኣውጽኣ ድማ እንሃ፡ ኢዱ ብለምጺ ኸም በረድ ጻዕድያ ነበረት።

⁷ኢድካ ናብ ትሽቱሽካ ኣእቱ፡ ከኣ በለ። ኢዱ ናብ ትሽትሹ ኣእተወ። ካብ ትሽትሹ ምስ ኣውጽአ ድማ፡ እንሃ፡ መሊሳ ኸምቲ ኻልእ ስጋኡ ኾነት።

⁸ኪኸውን ድማ እዩ፡ እንተዘይኣመኑኻ፡ ንቓል እቲ ቐዳማይ ትእምርቲ እንተ ዘይሰምዑ ንቓል እቲ ዳሕራይ ትእምርቲ ኺኣምኑ እዮም።

⁹ኪኸአን ከኣ እዩ፡ ነዚ ኽልተ ትእምርቲ እዚ እንተ ዘይኣመኑ፡ ንቓልካውን እንተ ዘይሰምዑ ካብቲ ርባ ማይ ውሰድ እሞ፡ ናብቲ ንቑጽ ክዖዎ። እቲ ኻብ ርባ ዝወሰድካዮ ማይ ከኣ ኣብቲ ንቑጽ ምድሪ ደም ኪኸውን እዩ።

¹⁰ሙሴ ድማ ንእግዚኣብሄር፡ ኣየ ጐይታይ ኣነ ኣፈይ ወታእ፡ ልሳነይ ኮርታዕ እየ እሞ፡ ትማሊ ኾነ፡ ቅድሚ ትማሊ ኾነ፡ ሕጂ ንባርያኻ ምስ ተዛረብካኒውን፡ ኣነ ተዛራቢ ሰብ ኣይኮንኩን፡ በሎ።

¹¹እግዚኣብሄር ድማ፡ ንሰብ ኣፍ ዝገበረሉ መን እዩ፡ ወይ ዓባስ ወይ ጸማም ወይ ዚርኢ ወይ ዕውር ዝገብሮኸ መን እዩ፡፡ ኣነ እግዚኣብሄር ኣይኮንኩን፡

¹²ሕጂ ኺድ ኣነ ምስ ኣፍካ ኾይነ፡ እቲ እትዛረቦ ኽምህረካ ኣየ፡ በሎ

¹³ሽዑ ኹራ እግዚኣብሄር ብሙሴ ነደደ በሎ ኸኣ፡ ኣሮን ሓውካ፡ እቲ ሌዋዊዶ የሎን፡ ንሱ ጽቡቕ ተዛረቢ ምዃኑ እፈልጥ ኣሎኹ። እንሆ ኽኣ ንሱ ኪቕበለካ ይወጽእ ኣሎ፡ ምስ ረአየካ ድማ ብልቡ ኺሕጎስ እዩ።

¹⁴ሽዑ ኹራ እግዚኣብሄር ብሙሴ ነደደ በሎ ኸኣ፡ ኣሮን ሓውካ፡ እቲ ሌዋዊዶ የሎን፡ ንሱ ጽቡቕ ተዛረቢ ምዃኑ እፈልጥ ኣሎኹ። እንሆ ኽኣ ንሱ ኪቕበለካ ይወጽእ ኣሎ፡ ምስ ረአየካ ድማ ብልቡ ኺሕጎስ እዩ።

¹⁵ንስኻ ንእኡ ኽትዛረቦ ኢኻ፡ እቲ ቓላት ድማ ኣብ ኣፉ ኣንብር። ኣነ ኸኣ ምስ ኣፍካን ምስ ኣፉን ኮይነ እቲ እትገብርዎ ኽምህረኩም እየ።

¹⁶ኪኸውን ከኣኣ እዩ፡ ንሱ ኣፍ ይኾነካ፡ ንስኻ ድማ ከም ኣምላኽ ትኾኖ፡ ንሱ ኣብ ክንዳኻ ንህዝቢ ይዛረብ።

¹⁷ነዛ በትሪ እዚኣ ኸኣ፡ እቲ ትእምርትታት ክትገብረላ፡ ኣብ ኢድካ ውሰዳ።

¹⁸ሙሴ ኸደ፡ ናብ ሓሙኡ የትሮ ተመሊሱ ኸኣ፡ ናብቶም ኣብ ግብጺ ዘለው ኣሕዋተይ ተመሊሰ፡ ገና ብህይወት እንተ ኣልዮም ደኣ ክርኢ ክኸይድ በሎ።

¹⁹ሙሴ ኸኣ ሰበይቱን ደቁን ወሲዱ ኣብ ኣድጊ ኣወጢሕዎም፡ ናብ ምድሪ ግብጺ ተመልሰ። ሙሴ ድማ ነታ በትሪ ኣምላኽ ኣብ ኢዱ ወሰዳ።

²⁰ሙሴ ኸኣ ሰበይቱን ደቁን ወሲዱ ኣብ ኣድጊ ኣወጢሕዎም፡ ናብ ምድሪ ግብጺ ተመልሰ። ሙሴ ድማ ነታ በትሪ ኣምላኽ ኣብ ኢዱ ወሰዳ።

²¹እግዚኣብሄር ድማ ንሙሴ በሎ፡ ናብ ግብጺ ኽትምለስ ኢልካ ኽትከይድ ከሎኻ ተኣምራት ኣብ ቅድሚ ፈርኦን ክትገብረን ተጠንቀቕ። ኣነ ግና ልቡ ኬጽንዕ እየ፡ ንሱ ኸኣ ነቲ ህዝቢ ኣይሓድጎን።

²²ንፈርኦን ድማ ክትብሎ ኢኻ፡ እግዚኣብሄር ከምዚ ይብል፡ እስራኣኤል በኹሪ ወደይ እዩ፡

²³እሞ ንወደይ ኬገልግለኒ ይኺድ ሕደጎ፡ ኢለካ ነበርኩ፡ ግናኸ ምሕዳጉ ኣቤኻ። እንሆ ኣነ ንበኹሪ ወድኻ ክቐትል እየ።

²⁴ኮነ ድማ፡ ሙሴ ኣብ መገዲ ኣብ ሓደ መሕደሪ ኸሎ፡ እግዚኣብሄር ተራኸቦ፡ ኪቐትሎውን ደለየ።

²⁵ሽዑ ጺጶራ ጽልጽሊ ወሲዳ፡ ዕልቦ ወዳ ገዘረት፡ ናብ እእጋሩ ደርብያቶ ኸኣ፡ ንስኻ ንኣይ ናይ ደም መርዓዊ ኢኻ፡ በለት።

²⁶ካብኡ ኸኣ ኣልገሰ። ሽዑ ድማ፡ ብምኽንያት ናይ ደም መርዓዊ ኢኻ፡ በለት።

²⁷እግዚኣብሄር ከኣ ናሮን፡ ኪድ ንሙሴ ኣብ በረኣኻ ተቐበሎ፡ በሎ። ከይዱ ድማ ኣብ ከረን ኣምላኽ ተጓነፎ፡ ሰዐሞ ኸኣ።

²⁸ሙሴ ድማ እቲ እግዚኣብሄር ብእኡ ዝለኣኾ ኹሉ ቓልን እቲ ዝኣዘዞ ኹሉ ትእምርትታትን ናኣሮን ነገሮ።

²⁹ሙሴን ኣሮንን ከኣ ከይዶም ንኹሎም ዓበይቲ ደቂ እስራኤል ኣከቡ።

³⁰ኣሮን ድማ እቲ እግዚኣብሄር ንሙሴ እተዛረቦ ኹሉ ነገር ኣዛረቦም። እቲ ትእምርትታት ከኣ ኣብ ቅድሚ እቲ ህዝቢ ገበሮ።

³¹እቲ ህዝቢ ድማ ኣመነ። እግዚኣብሄር ንደቂ እስራኤል ከም ዝበጽሖም፡ ጸበብኦምውን ከም ዝረኣየ ምስ ሰምዑ ፍግም ኢሎም ሰገዱ።