Read መ/ቅዱስ ትግርኛ, Tigrigna Bible, 1997 ኦሪት ዘጸአት 40 Bible Online

ኦሪት ዘጸአት 40 - መ/ቅዱስ ትግርኛ, Tigrigna Bible, 1997 bible

ኦሪት ዘጸአት 40

¹እግዚኣብሄር ንሙሴ ኸምዚ ኢሉ ተዛረቦ፡

²በቐዳመይቲ ወርሒ፡ ካብቲ ወርሒ ኸኣ ብቐዳመይቲ መዓልቲ ነቲ ማሕደር ድንኳን ምርኻብ ትኸሎ።

³ነቲ ታቦት ምስክር ድማ ኣብኡ ኣንበሮ፡ ነቲ መጋረጃ ኸኣ ኣብ ቅድሚ ታቦት ጋርዶ።

⁴ነቲ ሰደቓ ናብኡ ኣእቲኻ ድማ፡ እቲ ኣእቡኡ ዚንበር ኣቓሑ ስርዓሉ። ቀዋሚ ቐንዴል ኣእቲኻ ከኣ፡ እቲ ቐንዴሉ ኣንብረሉ።

⁵ነቲ መዕጠኒ መሰውኢ ወርቂ ድማ ኣብ ቅድሚ ታቦት ምስክር ኣንብሮ፡ ነቲ መጋረጃ ኸኣ ኣብ ኣፍ ደገ ማሕደር ግበሮ።

⁶ነቲ መሰውኢ ምሕራር ድማ ኣብ ቅድሚ ኣፍ ደገ ማሕደር ድንኳን ምርኻብ ግበሮ።

⁷ነቲ ገበራ ድማ ኣብ መንጎ ድንኳን ምራኻብን መሰውአን ኣንብሮ ማይ ከኣ ግበረሉ።

⁸ነቲ ኣጸድ ድማ ኣብ ዙርያኡ ገብሮ።

⁹ዘይቲ ቕብእእት ወሲድካ ኸኣ ነቲ ማሕደርን ኣብኡ ንዘሎ ኹሉን ቅባእ፡ ንእኡን ንኹሉ ኣቓሑኡን ቀድሶ እሞ ቅዱስ ይኸውን።

¹⁰ንመሰውኢ ምሕራርን ንኹሉ ኣቕሑኡን ድማ ቅብኣዮ፡ ነቲ መሰውኢ ቐድሶ ኣሞ እቲ መሰውኢ ቅዱስ ቅዱሳን ይኸውን።

¹¹ነቲ ገብራን ንኣእጋሮኡን ከኣ ቅብኣዮን ቀድሶን።

¹²ንኣሮንን ንደቁን ድማ ናብ ኣፍ ደገ ድንኳን ምርኻብ ኣቕሪብካ ብማይ ሕጸቦም።

¹³ንኣሮን ነቲ ቅዱስ ኣልባስ ከዲንካ ድማ ክህነይ ኪኸን፡ ቅብኣዮን ቀድሶን።

¹⁴ንደቁ ኸኣ ኣቕሪብካ ቐመውሽ ታሕቲ ኽደኖም።

¹⁵ነቦኦም ከም ዝቐባእካዮ፡ ንኣታቶም ድማ ካህናተይ ኪኾኑኒ ቕብኣዮም። እቲ ምቕባኦም ከኣ ንውሉድ ወለዶኣኦም ንኽህነት ዘለኣለም ይኹነሎም።

¹⁶ሙሴ ድማ ከምቲ እግዚኣብሄር ዝኣዘዞ ኹሉ ገበረ፡ ከምኡ ገበረ።

¹⁷ኾነ ኸኣ፡ እቲ ማሕደር ኣብ ቀዳመይቲ ወርሒ ኣብ ካልኣይቲ ዓመት፡ በታ ወርሒ ድማ ኣብ ቀዳመይቲ መዓልቲ ተተኽለ።

¹⁸ሙሴ ኸኣ ነቲ ማሕደር ኣቖሞ፡ ኣእጋሩ ተኺሉ ነቲ ኣልዋሑ ደው አበሎ፡ ጋድማቱ ኣእተወ ኣዕኑዱውን ተኸለ።

¹⁹ነቲ ድንኳን ከኣ ብልዕሊ እቲ ማሕደር ዘርግሖ፡ ኣብ ልዕሊኣኡ ድማ መደረብታ እቲ ድንኳን ገብረ። ከምቲ እግዚኣብሄር ንሙሴ ዝኣዘዞ ገበረ።

²⁰ነቲ ምስክር ወሲዱ ኸኣ ናብ ታቦት ኣእተዎ እሞ ነታ ታቦት መሰላታት ገበረሉ፡ ነቲ መኽደን መተዓረቒ ኸኣ ኣብ ልዕሊ ታቦት ኣንበሮ።

²¹ከምቲ እግዚኣብሄር ንሙሴ ዝኣዘዞ፡ ነቲ ታቦት ናብ ውሽጢ ማሕደር ኣእተውዎ፡ ነቲ ዚጋርድ መጋረጃ ድማ ሰቐሎ እሞ ነታ ታቦት ምስክር ጋረደሉ።

²²ነቲ ሰደቓ ኸኣ ኣብ ድንኳን ምርኻብ ብሸነኽ ሰሜን ማሕደር፡ ብወጻኢ እቲ መጋረጃ ገብሮ።

²³ነቲ ዚስራዕ እንጌራ ድማ፡ ከምቲ እግዚኣብሄር ንሙሴ ዝኣዘዞ፡ ኣብ ልዕሊኡ ኣብ ቅድሚ እግዚኣብሄር ሰርዖ።

²⁴ነቲ ቐዋሚ ቐንዴል ድማ ኣብቲ ድንኳን ምርኻብ፡ ኣብ መንጽር ሰደቓ ብሸነኽ ደቡብ ማሕደር ኣንበሮ።

²⁵ነቲ ቕልዒ ቐንዴል ከኣ፡ ከምቲ እግዚኣብሄር ንሙሴ ዝኣዘዞ፡ ኣብ ቅድሚ እግዚኣብሄር ኣብርሆ።

²⁶ነቲ መሰውኢ ወርቂ ድማ ናብ ድንኳን ምርኻብ ኣብ ቅድሚ መጋረጃ ኣንበሮ።

²⁷ከምቲ እግዚኣብሄር ንሙሴ ዝኣዘዞ ድማ፡ ኣብኡ ምኡዝ ዕጣን ዐጠነ።

²⁸ነቲ መጋረጃ ኸኣ ኣብ ኣፍ ደገ እቲ ማሕደር ድንኳን ምርኻብ ኣንበሮ፡ ኣሞ፡ ከምቲ እግዚኣብሄር ንሙሴ ዝኣዘዞ፡ ዚሐርር መስዋእትን መስዋእቲ ብልዕን ኣብኡ ኣዕረገ።

²⁹ነቲ ገበራ ድማ ኣብ መንጎ ድንኳን ምርኻብን መሰውእን ኣንቢሩ፡ ንምሕጻብ ዚኸውን ማይ ኣዕረቐሉ።

³⁰ነቲ ገበራ ድማ ኣብ መንጎ ድንኳን ምርኻብን መሰውእን ኣንቢሩ፡ ንምሕጻብ ዚኸውን ማይ ኣዕረቐሉ።

³¹ሙሴን ኣሮንን ደቁን ከኣ ኣእዳዎምን ኣእጋሮምን ካብኡ ይሕጸቡ ነበሩ።

³²ናብ ድንኳን ምርካብ ምስ ኣተውን፡ ናብ መሰውኢ ምስ ቀረቡን፡ ከምቲ እግዚኣብሄር ንሙሴ ዝኣዘዞ፡ ይሕጸቡ ነበሩ።

³³ኣብ ዙርያ ማሕደርን መሰውእን ከኣ ኣጸድ ኣቖመ፡ ነቲ ኣፍ ደገ ኣጸድ ድማ መጋረጃ ጋረደሉ። ሙሴ ኸኣ ነቲ ዕዮ ፈጸሞ።

³⁴ሽዑ ነቲ ድንኳን ምርኻብ ደበና ኣጎልበቦ፡ ክብሪ እግዚኣብሄር ከኣ ነቲ ማሕደር መልኦ።

³⁵እቲ ደበና ኣብ ልዕሊኡ ስለ ዝዐረፈ፡ እቲ ኽብሪ እግዚኣብሄር ድማ ነቲ ማሕደር መሊእዎ ስለ ዝነበረ፡ ሙሴ ናብ ድንኳን ምርኻብ መሊእዎ ስለዝነበረ፡ ሙሴ ናብ ድንኳን ምርኻብ ኪአቱ ኣይከኣለን።

³⁶ብኹሉ እቲ ምጉዓዞም ደበና እግዚኣብሄር ኣብ ቅድሚ ኹሉ ቤት እስራኤል ብመዓልቲ ኣብ ልዕሊ እቲ ማሕደር ነበረ፡ ብለይቲ ኸኣ ሓዊ ነበሮ እሞ፡ ደቂ እስራኤል ብኹሉ ምጉዓዞም እቲ ደበና ኻብ ልዕሊ እቲ ደበና ኻብ ልዕሊ እቲ ማሕደር ምስ ዚልዐል፡ ይነቕሉ ነበሩ። እቲ ደበና እንተ ዘይተላዕለ ግና፡ ክሳዕ እታ ዚልዐለላ መዓልቲ ኣይነቐሉን ነብሩ።

³⁷ብኹሉ እቲ ምጉዓዞም ደበና እግዚኣብሄር ኣብ ቅድሚ ኹሉ ቤት እስራኤል ብመዓልቲ ኣብ ልዕሊ እቲ ማሕደር ነበረ፡ ብለይቲ ኸኣ ሓዊ ነበሮ እሞ፡ ደቂ እስራኤል ብኹሉ ምጉዓዞም እቲ ደበና ኻብ ልዕሊ እቲ ደበና ኻብ ልዕሊ እቲ ማሕደር ምስ ዚልዐል፡ ይነቕሉ ነበሩ። እቲ ደበና እንተ ዘይተላዕለ ግና፡ ክሳዕ እታ ዚልዐለላ መዓልቲ ኣይነቐሉን ነብሩ።

³⁸ብኹሉ እቲ ምጉዓዞም ደበና እግዚኣብሄር ኣብ ቅድሚ ኹሉ ቤት እስራኤል ብመዓልቲ ኣብ ልዕሊ እቲ ማሕደር ነበረ፡ ብለይቲ ኸኣ ሓዊ ነበሮ እሞ፡ ደቂ እስራኤል ብኹሉ ምጉዓዞም እቲ ደበና ኻብ ልዕሊ እቲ ደበና ኻብ ልዕሊ እቲ ማሕደር ምስ ዚልዐል፡ ይነቕሉ ነበሩ። እቲ ደበና እንተ ዘይተላዕለ ግና፡ ክሳዕ እታ ዚልዐለላ መዓልቲ ኣይነቐሉን ነብሩ።