Read መ/ቅዱስ ትግርኛ, Tigrigna Bible, 1997 መዝሙር ዳዊት 101 Bible Online

መዝሙር ዳዊት 101 - መ/ቅዱስ ትግርኛ, Tigrigna Bible, 1997 bible

መዝሙር ዳዊት 101

¹ብዛዕባ ጸጋን ፍርድን ክዝምር፡ ዎ እግዚኣብሄር፡ ምስጋና ኽዝምረልካ እየ።

²ብፍጽምቲ መገዲ እጣበብ ኣሎኹ፡ መኣዝ ክትመጸኒ ኢኻ? ኣብ ውሽጢ ቤተይ ብፍጹም ልበይ እመላለስ ኣሎኹ።

³ኣብ ቅድሚ ዓይነይ ገለ ነውሪ ኣየንብርን፡ ንግብሪ ብልያል እጸልኦ ኣሎኹ፡ ኣይኪጠብቀንን እዩ።

⁴ቄናን ልቢ ኻባይ ይርሐቕ፡ ንኽፉእ ክፈልጦ ኣይደልን።

⁵ነቲ ንብጻዩ ብሕቡእ ዚሐሚ ኤጥፍኦ፡ ነቲ ዕቡይ ዓይንን ኲሩዕ ልብን ዘለዎ ኣይዕገሶን እየ፡

⁶ምሳይ ኪነብሩስ፡ ኣዒንተይ ኣብቶም ናይ ሃገር እሙናት እየን፡ እቲ ብፍጽምቲ መገዲ ዚመላለስ ኬገልግለኒ እዩ።

⁷ተንኰል ዚገብር ኣብ ውሽጢ ቤተይ ኣይነብርን፡ ሓሶት ዚዛረብ ኣብ ቅድሚ ኣዒንተይ ኣይጸንዕን እዩ።

⁸ንዓመጸኛታት ካብ ከተማ እግዚኣብሄር ከጽንትሲ፡ ንዂሎም ረሲኣን ምድሪ ንግሆ ንግሆ ኸጥፍኦም እየ።