Read መ/ቅዱስ ትግርኛ, Tigrigna Bible, 1997 መዝሙር ዳዊት 107 Bible Online

መዝሙር ዳዊት 107 - መ/ቅዱስ ትግርኛ, Tigrigna Bible, 1997 bible

መዝሙር ዳዊት 107

¹እግዚኣብሄር ሰናይ እዩ፡

²እቶም እግዚኣብሄር እተበጀዎም፡ ካብ ኢድ ገፋዒ እተበጀዎም፡ ካብ ሃገራት፡

³ካብ ምብራቕን ምዕራብን፡ ካብ ሰሜንን ደቡብን ዝኣከቦም፡ ከምዚ ይበሉ።

⁴ኣብ በረኻ፡ ኣብ ጽምዋ መገዲ ዀብለሉ፡ ዚነብሩላ ዓዲ ኣይረኸቡን።

⁵ጠምዮም፡ ጸሚኦም፡ ነፍሶም ሰልከየት።

⁶ሽዑ ብመከራኦም ናብ እግዚኣብሄር ኣእወዩ፡ ንሱውን ካብ ጸበባኦም ኣናገፎም።

⁷ናብ ዚነብሩላ ዓዲ ኺበጽሑስ፡ ብቕኑዕ መገዲ መርሖም።

⁸ንጽምእቲ ነፍሲ ኣጽጊብዋ፡ ንጥምይቲ ነፍሲ ብሰናይ መሊእዋ እዩ እሞ፡

⁹ንእግዚኣብሄር ስለ ሳህሉን፡ ስለቲ ንደቂ ሰብ ዝገበሮ ተኣምራቱን የመስግንዎ።

¹⁰ብመከራን ሓጺንን ተኣሲሮም፡ ኣብ ጸልማትን ኣብ ድነ ሞትን ነበሩ።

¹¹ንቓል ኣምላኽ ስለ እተሃላለኽዎ፡ ንምኽሪ እቲ ልዑል ከኣ ስለ ዝነዐቕዎ፡

¹²ንልቦም ብጻዕሪ ኣዋረዶ፡ ወደቑ፡ ዚረድእውን ሓደ እኳ ኣይነበረን።

¹³ሽዑ ብመከራኦም ናብ እግዚኣብሄር ኣእወዩ፡ ንሱውን ካብ ጸበባኦም ኣናገፎም።

¹⁴ካብ ጸልማትን ድነ ሞትን ኣውጽኦም፡ መቐውሖም ከኣ ሰባበረ።

¹⁵መዓጹ ኣስራዚ ሰቢሩ፡ መሸጐር ሓጺን ሰባቢሩ፡ እዩ እሞ፡

¹⁶ንእግዚኣብሄር ስለ ሳህሉን፡ ስለቲ ንደቂ ሰብ ዝገበሮ ተኣምራቱን የመስግንዎ።

¹⁷ዓያሱ ብሰሪ ግህሰቶምን ብሰሪ ኣበሳኦምን ተጨነቑ፡

¹⁸ነፍሶም ንመብልዕ ዘበለ ፈንፈነቶ፡ ክሳዕ ደጌታት ሞትውን በጽሑ።

¹⁹ሽዑ ብመከራኦም ናብ እግዚኣብሄር ኣእወዩ፡ ንሱውን ካብ ጸበባኦም ኣናገፎም።

²⁰ቃሉ ልኢኹ ኣሕወዮም፡ ካብ ጒድጓዶም ከኣ ኣናገፎም።

²¹ንእግዚኣብሄር ስለ ሳህሉን ስለቲ ንደቂ ሰብ ዝገበሮ ተኣምራቱን የመስግንዎ።

²²መስዋእቲ ምስጋና ኸኣ ይሰውኡ፡ ንግብርታቱውን ብእልልታ ይንገሩ።

²³ብመራኽብ ናብ ባሕሪ ዚወርዱ፡ ኣብ ዓበይቲ ማያት ዚነግዱ፡

²⁴ንሳቶም ግብርታት እግዚኣብሄር፡ ኣብ ዓሚቚ ድማ ተኣምራቱ ረኣዩ።

²⁵ኣዘዘ እሞ፡ ማዕበላት ዜልዕል ህቦብላ ንፋስ ኣተንስኤ።

²⁶ናብ ሰማይ ደየቡ፡ ናብ መዓሙቚ ወረዱ፡ ነፍሶም ብመከራ መኸኸት።

²⁷ከም ሰካር ኣሕወዝወዙን ሰንከልከል በሉን፡ ኲሉ ጥበቦም ከኣ ጠፍኤ።

²⁸ሽዑ ብመከራኦም ናብ እግዚኣብሄር ኣእወዩ፡ ንሱውን ካብ ጸበባኦም ኣውጽኦም።

²⁹ንህቦብላ ናብ ህድኣት ለወጦ፡ ማዕበላት ከኣ ዝግ በሉ።

³⁰ስለ ዝሀድኤ ተሐጐሱ፡ ናብቲ ዝደለይዎ ወደብ ድማ ኣብጽሖም።

³¹ንእግዚኣብሄር ስለ ሳህሉን ስለቲ ንደቂ ሰብ ዝገበሮ ተኣምራቱን የመስግንዎ፡

³²ኣብ ማሕበር ኣህዛብ ልዕል የብልዎ፡ ኣብ ባይቶ ሽማግሌታት ድማ የመስግንዎ።

³³ንወሓዝቲ ናብ በረኻ፡ ንዓይኒ ማያት ናብ ንቑጽ ምድሪ፡ ንፍርያም ምድሪ፡

³⁴ብሰሪ ኽፍኣት እቶም ዝነበርዋ፡ ናብ ጐልጐል ጨው ለወጦ።

³⁵ንበረኻ ናብ መዕቈር ማያት፡ ንንቑጽ ምድሪ ኸኣ ናብ ዓይኒ ማያት ለወጦ።

³⁶ንጥሙያት ኣብኣ ኣሕደሮም፡ ንሳቶም ከኣ ዚነብሩላ ዓዲ ሰረቱ።

³⁷ግርሁ ዘርኡ፡ ወይንታት ተኸሉ፡ ብዝሒ ፍረ ኸኣ ሀቦም።

³⁸ባረኾም እሞ ኣዝዮም በዝሑ። ንኸብቶም ድማ ኣየውሐደሎምን።

³⁹ደሓር ከኣ ብምጥቃዕ፡ ብመከራ፡ ብጓሂ ወሐዱን ተዋረዱን።

⁴⁰ኣብ ልዕሊ መሳፍንቲ ሓሳር ከዐወ፡ መገዲ ኣብ ዜብሉ በረኻ ኣዀብለሎም።

⁴¹ንድኻ ኻብ ሽጋሩ ልዕል ኣበሎ፡ ንዓሌታት ድማ ከም መጓሰ ኣብዝሖም።

⁴²ቅኑዓት ርእዮምዎ ኺሕጐሱ፡ ኣበሳ ዘበለውን ኣፉ ኺዐጹ እዩ።

⁴³ለባም ዘበለ ነዚ ኼስተብህሎ እዩ፡ ንጸጋ እግዚኣብሄር ከኣ ኬስተውዕሎ እዩ።