Read መ/ቅዱስ ትግርኛ, Tigrigna Bible, 1997 መዝሙር ዳዊት 112 Bible Online

መዝሙር ዳዊት 112 - መ/ቅዱስ ትግርኛ, Tigrigna Bible, 1997 bible

መዝሙር ዳዊት 112

¹ሃሌሉያ። ብትእዛዛቱ ኣዝዩ ባህ ዚብሎ ሰብ ብጹእ እዩ።

²ዘርኡ ኣብ ምድሪ ኺስልጥን፡ ወለዶ ቕኑዓት ኪባረኽ እዩ።

³ሃብትን ጽጋብን ኣብ ቤቱ እዩ፡ ጽድቁውን ንዘለኣለም ይነብር።

⁴ንቕኑዓት፡ ነቲ መሓርን ርሕሩሕን ጻድቕን፡ ኣብ ጸልማት ብርሃን ይወጸሎም።

⁵ዚርሕርሕን ዜለቅሕን ሰብ ብጹእ እዩ። ንሱ ንነገሩ ብፍርዲ ይፍጽሞ።

⁶ንዘለኣለም ኣይኪናወጽን እዩ እሞ፡ መዘከርታ ጻድቕ ንዘለኣለም ይነብር።

⁷ክፉእ ወረ ኣይፈርህን፡ ልቡ ብእግዚኣብሄር ተወኪሉ ይጸንዕ።

⁸ልቡ ጽኑዕ እዩ፡ ትምኒቱ ኣብ ተጻረርቱ ኽሳዕ ዚርኢ ኣይፈርህን።

⁹ዘረወ፡ ንድኻታት ሀበ፡ ጽድቁ ንዘለኣለም ይነብር፡ ቀርኑ ብኽብሪ ልዕል ኪብል እዩ።

¹⁰ረሲእ ነዚ ርእዩ ኺሐርቕ፡ ኣስናኑ ኺሕርቅምን ኪማስንን፡ ትምኒት ረሲኣን ኪጠፍእ እዩ።