Read መ/ቅዱስ ትግርኛ, Tigrigna Bible, 1997 መዝሙር ዳዊት 130 Bible Online

መዝሙር ዳዊት 130 - መ/ቅዱስ ትግርኛ, Tigrigna Bible, 1997 bible

መዝሙር ዳዊት 130

¹ዎ እግዚኣብሄር፡ ካብ ዓሚቚ ናባኻ ኣእዌኹ፡

²ጐይታየ፡ ድምጸይ ስማዕ፡ ኣእዛንካ ናብ ድምጺ ምህለላይ የቕልባ።

³ዎ እግዚኣብሄር፡ ኣበሳ እንተ ተቘጻጸርካስ፡ ጐይታየ፡ መን ደው ኪብል እዩ?

⁴ግናኸ ምእንቲ ኺፈርሁኻ፡ ይቕሬታ ምሳኻ አሎ።

⁵ንእግዚኣብሄር እጽበ፡ ነፍሰይ ትጽበ ኣላ፡ ብቓሉውን ተስፋ እገብር ኣሎኹ።

⁶ሓለፋ እቶም ወጋሕታ ዚጽበዩ ሓለውቲ፡ እወ፡ ሓለፋ እቶም ወጋሕታ ዚጽበዩ ሓለውቲ ነፍሰይ ንእግዚኣብሄር ትጽበዮ ኣላ።

⁷ሳህሊ ኣብ እግዚኣብሄር፡ ብዙሕ ምድሓን ከኣ ኣብኡ እዩ እሞ፡ ዎ እስራኤል፡ ንእግዚኣብሄር ተጸበዮ።

⁸ንሱውን ንእስራኤል ካብ ኲሉ ኣበሳኡ ኼድሕኖ እዩ።