Read መ/ቅዱስ ትግርኛ, Tigrigna Bible, 1997 መዝሙር ዳዊት 140 Bible Online

መዝሙር ዳዊት 140 - መ/ቅዱስ ትግርኛ, Tigrigna Bible, 1997 bible

መዝሙር ዳዊት 140

¹ዎ እግዚኣብሄር፡ ካብቲ እኩይ ሰብ፡ ካብቲ ዓመጸኛ ሰብ ኣናግፈኒ፡

²ካብቶም ብልቦም እከይ ዚህቅኑ፡ ኲሉ መዓልቲውን ውግእ ዜልዕሉ ሐልወኒ።

³መልሓሶም ከም ኣትማን የብልሑ፡ ኣብ ትሕቲ ኸናፍሮም ሕንዚ ኣፍዑት ኣሎ።ሴላ።

⁴ዎ እግዚኣብሄር፡ ካብ ኣእዳው ረሲእ ባልሃኒ፡ ካብ ዓመጸኛ ሰብ፡ ካብቶም ንስጒምተይ ኪሕንኲሉ ዚህቅኑ ሐልወኒ።

⁵ዕቡያት መፈንጠራን ገመድን ሐብኡለይ፡ ኣብ ጥቓ መገዲ መርበብ ዘርግሑ፡ መድፈና ኣጻወዱለይ።ሴላ።

⁶ንእግዚኣብሄር፡ ንስኻ ኣምላኸይ ኢኻ፡ በልክዎ፡ ዎ እግዚኣብሄር፡ ንድምጺ ምህለላይ ጽን በሎ።

⁷ዎ እግዚኣብሄር፡ ጐይታይ፡ ሓይሊ ምድሓነይ፡ ብመዓልቲ ውግእ ንርእሰይ ትጋርዳ።

⁸ዎ እግዚኣብሄር፡ ከይዕበዩስ፡ ንረሲእ ትምኒቱ ኣይትፈጽመሉ፡ ሃቐናኡ ኣይተስልጠሉ።ሴላ።

⁹እቶም ዚኸቡንስ እከይ ከናፍሮም ኣብ ርእሶም ይምጻእ።

¹⁰ጒሁር ፈሓም ይውደቆም፡ ናብ ሓዊ፡ ናብቲ ዘይወጽሉ ዓሚቚ ጒድጓድ ይደርበዩ።

¹¹ወስላታ መልሓስ ዘለዎ ኣብ ሃገር ኣይኪቐውምን፡ ንገፋዒ፡ ክሳዕ ዚወድቕ፡ እከይ ኪሀድኖ እዩ።

¹²እግዚኣብሄርሲ ፍትሒ ንጭኑቓት፡ ቅንዕና ኸኣ ንድኻታት ከም ዚገብረሎም፡ እፈልጥ እየ።

¹³ብርግጽ፡ ጻድቃን ንስምካ ኼማስዉ፡ ቅኑዓት ኣብ ቅድሜኻ ኺነብሩ እዮም።