Read መ/ቅዱስ ትግርኛ, Tigrigna Bible, 1997 መዝሙር ዳዊት 148 Bible Online

መዝሙር ዳዊት 148 - መ/ቅዱስ ትግርኛ, Tigrigna Bible, 1997 bible

መዝሙር ዳዊት 148

¹ሃሌሉያ። ኣብ ኣርያም ኣመስግንዎ።

²ኲሉኹም መላእኽቱ፡ ኣመስግንዎ፡ ብዘሎኹም ሰራዊቱ፡ ኣመስግንዎ።

³ኣትን ጸሓይን ወርሕን፡ ኣመስግንኦ፡ ኣቱም ብሩሃት ከዋኽብቲ፡ ኣመስግንዎ።

⁴ኣቱም ናይ ሰማየ ሰማያትን ኣብ ልዕሊ ሰማያት ዘሎኹም ማያትን፡ ኣመስግንዎ።

⁵ንሱ ኣዚዙ፡ ተፈጢሮም እዮም እሞ፡ ንስም እግዚኣብሄር የመስግንዎ።

⁶ንዘለኣለም ኣለም ኣቘሞም፡ ዘይሐልፍ ሕጊ ኸኣ ሀቦም።

⁷ንእግዚኣብሄር ካብ ምድሪ ኣመስግንዎ፡ ኣቱም ገበላት ባሕርን መዓሙቚን ኲሉኹም፡

⁸ኣቱም ሓውን በረድን ኣስሓይታን ግመን ቃሉ እተስልጥ ህቦብላን፡

⁹ኣቱም ኣኽራንን ኰረቢትን ኲሉኹም፡ ፈረይቲ ኣእዋምን ጽሕድታትን ኲሉኹም፡

¹⁰ኣራዊትን ኲላትኩም እንስሳን ለመም እትብሉን ነፈርቲ ኣዕዋፍን፡

¹¹ነገስታት ምድርን ኲላትኩም ኣህዛብን፡ መሳፍንትን ኲላትኩም ፈረድቲ ምድርን፡

¹²ኣጒባዝን ጐራዙትን፡ ዓበይቲ ምስ ናእሽቱ።

¹³ስሙ በይኑ ልዑል እዩ፡ ግርማኡ ኣብ ልዕሊ ሰማይን ምድርን እዩ እሞ፡ ንስም እግዚኣብሄር የመስግንዎ።

¹⁴ንህዝቡውን ቀርኒ ኣልዐለ፡ ስለዚ ዂሎም ቅዱሳኑ፡ ደቂ እስራኤል፡ እቲ ዚቐርቦ ህዝቢ፡ የመስግኖ ኣሎ።