Read መ/ቅዱስ ትግርኛ, Tigrigna Bible, 1997 መዝሙር ዳዊት 76 Bible Online

መዝሙር ዳዊት 76 - መ/ቅዱስ ትግርኛ, Tigrigna Bible, 1997 bible

መዝሙር ዳዊት 76

¹ኣምላኽ ኣብ ይሁዳ ፍሉጥ እዩ፡ ስሙ ኣብ እስራኤል ዓብዪ እዩ።

²ድንኳኑ ኣብ ሳሌም፡ ማሕደሪኡውን ኣብ ጽዮን እዩ።

³ኣብኡ ናይ ቀስቲ ፍላጻ፡ ዋልታን ሰይፍን መሳርያ ሰባበረ።ሴላ።

⁴ንስኻ ኻብ ኣኽራን መንጠልቲ ዚበልጽ ብሩህን ክቡርን ኢኻ።

⁵እቶም ተባዓት ልቢ ተገፉ፡ ድቃሶም ደቀሱ፡ ኲላቶም ጀጋኑውን ኣእዳዎም ኣይረኸቡን።

⁶ዎ ኣምላኽ ያእቆብ፡ ብተግሳጽካ ሰረገላታትን ኣፍራስን ድቃስ ከቢድዎም ዛሕ በሉ።

⁷ንስኻ ግና እተፈራህካ ኢኻ፡ ክትቊጣዕ ከሎኻኸ፡ ኣብ ቅድሜኻ መን ደው ኪብል ይኽእል?

⁸ፍርድኻ ኻብ ሰማይ ኣስማዕካ፡ ኣምላኽ ንዂሎም ትሑታት ምድሪ ምእንቲ ኼድሕን ንፍርዲ ምስ ተንስኤ፡ ምድሪ ፈርሄት ስቕውን በለት።ሴላ።

⁹ፍርድኻ ኻብ ሰማይ ኣስማዕካ፡ ኣምላኽ ንዂሎም ትሑታት ምድሪ ምእንቲ ኼድሕን ንፍርዲ ምስ ተንስኤ፡ ምድሪ ፈርሄት ስቕውን በለት።ሴላ።

¹⁰ኲራ ሰብ ኬመስግነካ እዩ እሞ፡ ትርፊ ዂራ ኽትዕጠቕ ኢኻ።

¹¹ንእግዚኣብሄር፡ ንኣምላኽኩም፡ ተመባጽዑሉ ፈጽምዎ ኸኣ። ኣቱም ኣብ ዙርያኡ ዘሎኹም ኲሉኹም፡ ገጸ በረኸት ነቲ ዜፍርህ ኣቕርቡሉ።

¹²ንሱ ንመንፈስ መሳፍንቲ ኺዐጽዶ እዩ፡ ንነገስታት ምድሪ ዜፍርህ እዩ።