Read መ/ቅዱስ ትግርኛ, Tigrigna Bible, 1997 መዝሙር ዳዊት 82 Bible Online

መዝሙር ዳዊት 82 - መ/ቅዱስ ትግርኛ, Tigrigna Bible, 1997 bible

መዝሙር ዳዊት 82

¹ኣምላኽ ኣብ ማሕበር ኣማልኽቲ ደው ይብል፡ ኣብ ማእከል ኣማልኽቲ ይፈርድ ኣሎ።

²ክሳዕ መኣዝ ኢኹም ሓሶት እትፈርዱ? ንገጽ ረሲኣንስ እተድልዉ? ሴላ።

³ንምግዱርን ንዘኽታምን በይኑሎም፡ ንጭኑቕን መስኪንን ፍትሒ ኣውጽኡሎም።

⁴ንድኻን መስኪንን ኣናግፍዎም፡ ካብ ኣእዳው ረሲኣን ኣድሕንዎም።

⁵ኣይፈልጡን፡ ኣየስተውዕሉን፡ ኣብ ጸልማት ይመላለሱ፡ ብዘሎ መሰረታት ምድሪ ይናወጽ ኣሎ።

⁶ኣነስ፡ ኣማልኽቲ ኢኹም፡ ኲላትኩም ውሉድ እቲ ልዑል ኢኹም፡ ግናኸ ከም ሰብ ክትሞቱ፡

⁷ከም ሓደ ኻብቶም መሳፍንቲውን ክትወድቁ ኢኹም፡ በልኩ።

⁸ዎ ኣምላኽ፡ ንዂሎም ኣህዛብ ክትወርስሲ፡ ተንስእ ንምድሪ ፍረዳ።