Read መ/ቅዱስ ትግርኛ, Tigrigna Bible, 1997 መዝሙር ዳዊት 87 Bible Online

መዝሙር ዳዊት 87 - መ/ቅዱስ ትግርኛ, Tigrigna Bible, 1997 bible

መዝሙር ዳዊት 87

¹መሰረታ ኣብቶም ቅዱሳን ኣኽራን እያ፡

²እግዚኣብሄር ካብ ኲሉ ማሕደራት ያእቆብሲ ንደጌታት ጽዮን የፍቅር እዩ።

³ኣቲ ኸተማ ኣምላኽ፡ ብዛዕባኺ ኽቡር ነገር ተዘርበ።ሴላ።

⁴ካብተን ዚፈልጣኒ፡ ረሃብን ባቢሎንን ምስ ኢትዮጵያ፡ እንሆ፡ ፍልስጥኤምን ጢሮስን ምስ ኢትዮጵያ፡ እዚኣቶም ኣብኣ ተወሊዶም እዮም።

⁵ብዛዕባ ጽዮን ድማ፡ እዝን እትን ኣብኣ ተወሊዶም፡ ኪበሀል እዩ፡ እቲ ልዑልውን ባዕሉ ኼጽንዓ እዩ።

⁶እግዚኣብሄር ነህዛብ ኪጽሕፎም ከሎ፡ እዚ ኣብኣ ተወሊዱ፡ ኢሉ ኪቘጽር እዩ።ሴላ።

⁷እናደረፉን እናሳዕስዑን፡ ኲለን ዓይኒ ማያተይ ኣባኻ እየን፡ ኪብሉ እዮም።