Read መ/ቅዱስ ትግርኛ, Tigrigna Bible, 1997 መዝሙር ዳዊት 92 Bible Online

መዝሙር ዳዊት 92 - መ/ቅዱስ ትግርኛ, Tigrigna Bible, 1997 bible

መዝሙር ዳዊት 92

¹ኣታ ልዑል፡ ንግሆ ሳህልኻ፡ ለይቲውን እምነትካ ምውራይ፡

²ዓሰርተ ኣውታር ብዘለዎ በገናን ብጭራን ብምውቃዕ መሰንቆን ንእግዚኣብሄር ምምስጋን፡

³ንስምካ ምዝማር ሰናይ እዩ።

⁴ዎ እግዚኣብሄር፡ ብግብርታትካ ኣሐጒስካኒ ኢኻ እሞ፡ ብዛዕባ ተግባር ኣእዳውካ እልል ክብል እየ።

⁵ዎ ጐይታይ፡ ግብርኻ ኸመይ ዓብዪ እዩ፡ ሓሳብካ ኣዝዩ ዓሚቚ እዩ።

⁶ዳንደ ኣይፈልጦን፡ ዓሻውን ኣየስተውዕሎን እዩ።

⁷ረሲኣን ከም ሳዕሪ እንተ ለምለሙ፡ ኲሎም ገበርቲ እከይውን እንተ ዐምበቡ፡ ንሓዋሩ ምእንቲ ኺጠፍኡ እዮም።

⁸ጐይታየ፡ ንስኻ ግና ንዘለኣለም ልዑል ኢኻ።

⁹ጐይታየ፡ እንሆ ጸላእትኻ፡ እነዉ ጸላእትኻ ይጠፍኡ ኣለዉ እሞ፡ ኲሎም ገበርቲ እከይ ኪብተኑ እዮም።

¹⁰ግናኸ ንቐርነይ ከም ናይ ጎባይ ኣልዐልካዮ፡ ብሓድሽ ዘይቲ ተቐባእኩ።

¹¹ዓይነይ ድማ ነቶም ተጻረርተይ ባህ ኢልዋ ትምልከቶም፡ ኣእዛነትይውን ብናይቶም ዚትንስኡኒ ኽፉኣት ተሐጒሰን ይሰምዓ።

¹²ጻድቕ ከም ስየ ይልምልም፡ ከም ጽሕዲ ሊባኖስ ይዐቢ።

¹³እቶም ኣብ ቤት እግዚኣብሄር እተተኽሉ ኣብ ኣጸድ ኣምላኽና ይልምዑ።

¹⁴እግዚኣብሄር ጻድቕ ምዃኑ ምእንቲ ኼውርዩስ፡ ብእርግናኦም ድማ ይፈርዩ፡

¹⁵ይረውዩን ይልምዑን። እግዚኣብሄር ከውሔይ እዩ፡ ኣብኡውን ዓመጻ የልቦን።