Read መ/ቅዱስ ትግርኛ, Tigrigna Bible, 1997 መጽሓፍ ምሳሌ 4 Bible Online

መጽሓፍ ምሳሌ 4 - መ/ቅዱስ ትግርኛ, Tigrigna Bible, 1997 bible

መጽሓፍ ምሳሌ 4

¹ኣቱም ቆልዑ፡ ተግሳጽ ወላዲ ስምዑ፡ ልቦና ኽትፈልጡ ኸአ ኣቕልቡ።

²ጽቡቕ ትምህርቲ እህበኩም አሎኹ እሞ፡ ንሕገይ ኣይትሕደግዎ።

³ኣነውን ነቦይ ውሉድ፡ ንወላዲተይ ከአ ሕጻንን ሓደ ጥራይን ነበርኩ።

⁴ሽዑ ኣስተምሀረኒ በለኒውን፡ ልብኻ ንቓላተይ ኣጽኒዑ ይሐዞ። ንትእዛዛተይ ሐልዎ እሞ፡ ብህይወት ክትነበር ኢኻ።

⁵ንጥበብ ኣጥርያ፡ ንምስትውዓል ኣጥርያ፡ ንቓል ኣፈይ ኣይትረስዓዮ፡ ካብኡውን ኣይትዘምብል።

⁶ኣይትሕደጋ፡ ንሳ ኸአ ክትሕልወካ፡ ኣፍቅራ፡ ንሳውን ከተዕቁበካ እያ።

⁷ጥበብ ኣውራ ነገር እያ እሞ፡ ንጥበብ ኣጥርያ፡ እወ፡ ብኹሉ ጥሪትካ ክብ ከተብለካ እያ። እንተ ሐቖፍካያ፡ ክትህበካ እያ።

⁸ልዕል ኣብላ፡ ንሳውን ክብ ከተብለካ እያ። እንተ ሓቖፍካያ፡ ከትኽብረካ እያ።

⁹ኣብ ርእስኻ ዘውዲ ጸጋ ኽትደፍኣልካ፡ ዝጸበቐ ኣኽሊል ከአ ክትህበካ እያ።

¹⁰ወደየ፡ ስማዕ፡ ቃለይ ድማ ተቐበል፡ ዓመታት ዕድሜኻውን ኪበዝሕ እዩ።

¹¹ብጎደና ጥበብ መሀርኩኻ፡ ብመገዲ ቕንዕናመራሕኩኻ።

¹²ክትከይድ ከሎኻ፡ ስጉምትኻ ኣይኪሐጽርን፡ እንተ ጎየኻውን ኣይክትዕንቀፍን ኢኻ።

¹³ህይወትካ እያ እሞ፡ ንተግሳጽ ሐዛ፡ ኣይትሕደጋ፡ ሐልዋውን።

¹⁴ናብ መገዲ ረሲኣን ኣይትእቶ፡ ብጎደና እቶም እኩያት ከአ ኣይትኺድ።

¹⁵ካብኣ ርሓቕ፡ ብእኣ ኣይትሕለፍ፡ ብጎደና እቶም እኩያት ከአ ኣይትኺድ።

¹⁶እንጌራ ረሲእነት ይበልዑ፡ ወይኒ ዓመጻ ድማ ይሰትዩ፡ እከይ ከይገብሩ ኸአ ኣይድቅሱን እዮም እሞ፡

¹⁷ገለ እንተ ዘየውደቑስ፡ ድቃስ ካብኦም ይበርር።

¹⁸መገዲ ጻድቃን ግና ከም ብርሃን ወገግታ እያ፡ ፍጹም መዓልቲ ኽሳዕ ዚኸውን ከአ፡ እናወሰኸት ትበርህ።

¹⁹መገዲ ረሲኣን ግና ጸልማት እያ፡ እንታይ ከም ዘኦንቅፎም ኣይፈልጡን።

²⁰ወደየ፡ ናብ ቃላተይ ኣቕልብ፡ እዝንኻ ናብ ዘረባይ ኣድንን።

²¹ንዝረኸበን ሀይወቱ፡ ንብዘሎ ስጋኡ ኸአ ፈውሱ እየን እሞ፡

²²ንካብ ቅድሚ ዓይንኻ ኣይትርሕቀን፡ ኣብ ውሽጢ ልብኻ ዕቖረን።

²³ህይወት ካብኡ እያ እትፍልፍል እሞ፡ ልዕሊ ኹሉ ንልብኻ ሐልዎ።

²⁴ንለግመኛ ኣፍ ካባኻ ደርብዮ፡ ንውስልትና ኸናፍር ከአ ካባኻ ኣርሕቆ።

²⁵ኣዒንትኻ ቀኒዔን ይርአያ፡ ቁላሕታኽውን ንቕድሚት ይጠምታ።

²⁶ንመገዲ እግርኻ ኣቕንዓያ፡ ኩሉ ጎደናኻ ምዱብ ይኹን።

²⁷ንየማን ወይስ ንጸጋም ኣይተግልስ፡ ንእግርኻ ኻብ እከይ ኣርሕቆ።