Read መ/ቅዱስ ትግርኛ, Tigrigna Bible, 1997 መኃልየ መኃልየ ዘሰሎሞን 8 Bible Online

መኃልየ መኃልየ ዘሰሎሞን 8 - መ/ቅዱስ ትግርኛ, Tigrigna Bible, 1997 bible

መኃልየ መኃልየ ዘሰሎሞን 8

¹ኣየ፡ ወላዲተይ ዝጠቦኻ ኸም ሓውይ እንተ ትኾነለይ፡ ኣብ ወጻኢ ምስ ዝረኸበካ፡ ምስዐምኩኻ ነይረ፡ ሓደ እኳ ኣይምነዐቐንን።

²መሪሔ ናብ ቤት ኣደይ መእቶኹኻ፡ ንስኻ ምመሀርካኒ፡ ኣነውን ካብ እተቓመመ ወይኒ፡ ካብ ሮማነይ እተጸምቔ መስቴኹኻ።

³ጸጋመይቱ ተተርእሰኒ፡ የመነይቱ ኸአ ትሐቑፈኒ።

⁴ኣትን ኣዋልድ ዮርሳሌም፡ ንፍቕሪ፡ ክሳዕ እትደሊ፡ ከይተተንስኣኣን ከይተበራብርኣን ኢለ ኤምሕለክን ኣሎኹ።

⁵እዛ፡ ፈታዊኣ ተመርኩሳ፡ ካብ በረኻ እትድይብ ዘላስ መን እያ፡ ኣብ ትሕቲ ኦም ትርንጎ ኣንቃሕኩኻ፡ ኣብኡ ኣዴኻ ወለደትካ፡ ኣብኡ ወላዲትካ ወለደትካ።

⁶ፍቕሪ ኸም ሞት ሓያል እያ፡ ቅንኣታ ኸም ሲኦል ብርቱዕ እዩ፡ ረስና ኸም ረስኒ ሓዊ፡ ሃልሃልታ እግዚኣብሄር እዩ እሞ፡ ከም ማሕተም ኣብ ልብኻ፡ ከም ማሕተም ኣብ ቅልጽምካ ኣንብረኒ።

⁷ንፍቕርስ ብዙሕ ማያት እኳ ኼጥፍእ ኣይክእልን። ወሓይስ ከአ ኣየስጥማን፡ ሰብሲ ምእንቲ ፍቕሪ ኢሉ ኹሉ ጥሪት ቤቱ ዚህብ እንተ ዚህሉ፡ ኣዝዩም ምነዐቕዎ ነይሮም።

⁸ጡብ ዘይውጽኤት ንእሽቶ ሓብቲ አላትና፡ እትድለየላ መዓልቲ ክንገብረላ ኢና፡

⁹ቀጽሪ እንተ ኾነት፡ ኣብ ልዕሊኣ ግምቢ ብሩር ክንሰርሓላ፡ ደገ እንተ ኾነት ከአ፡ ብጽሩብ ጽሕዲ ኽንከባ ኢና።

¹⁰ኣነ ቑጽሪ እየ፡ ኣጥባተይ ከአ ከም ግምብታት እየን፡ ሽዑ ኣብ ኣዒንቱ ኸም ሰላም ዝረኸበት ኮንኩ።

¹¹ሰሎሞን ኣብ በዓልኣሞን ኣታኽልቲ ወይኒ ነበሮ። ነዚ ኣታኽልቲ ወይኒ እዚ ኸአ ንሓለውቲ ኣብ ክንዲ ፍሬኡ ነፍሲ ወከፎም ሽሕ ብሩር ኬምጽኡስ ሀቦም።

¹²እታ ናተይ ዝኾነት ኣታኽልቲ ወይነይ ኣብ ቅድመይ እያ፡ ዎ ሰሎሞን፡ ሽሕ ንኣኻ እዩ፡ ፍሬኣ ንዚሕልው ድማ ክልተ ሚእቲ ይኹን።

¹³ኣቲ ኣብ ኣታኽልትታት እትነብሪ፡ እቶም ብጾት ንድምጽኺ ጽን ይብሉ አለው፡ ንኣይ ኮታ ኣስምዕኒ።

¹⁴ኣታ ፍትወየ፡ ቀልጥፍ፡ ኣብ ምኡዝ ኣኽራን ከአ

¹⁵ከም ሜዳቑ ወይስ ከም ኣርሕዶ እራብ ኩን።