Read መ/ቅዱስ ትግርኛ, Tigrigna Bible, 1997 ኦሪት ዘሌዋውያን 1 Bible Online

ኦሪት ዘሌዋውያን 1 - መ/ቅዱስ ትግርኛ, Tigrigna Bible, 1997 bible

ኦሪት ዘሌዋውያን 1

¹እግዚኣብሄር ንሙሴ ጸውዖ፡ ካብቲ ድንኳን ምርኻብ ድማ ከምዚ ኢሉ ተዛረቦ።

²ንደቂ እስራኤል ተዛረቦም በሎም ከኣ፡ ካባኻትኩም ሰብ ንእግዚኣብሄር መስዋእቲ ምስ ዜቕርብ፡ መስዋእትኹም ካብ ማል፡ ካብ ኣሓን ካብ ጤለበጊዕ ኣቕርቡ።

³እቲ ዚሓርር መስዋእቲ ኻብ ኣሓ እንተ ኾነ፡ ጎደሎ ዜብሉ ተባዕታይ የቕርብ፡ እሞ ኣብ ቅድሚ እግዚኣብሄር ፍትዊ ኪኸውን፡ ናብ ኣፍ ደገ ድንኳን ምርኻብ የቕርቦ።

⁴ኣብ ርእሲ እቲ ዚሓርር መስዋእቲ ኢዱ የንብር እሞ ንምትዕራቑ ቕቡል ይኸውን።

⁵ነቲ ዝራብዕ ድማ ኣብ ቅድሚ እግዚኣብሄር ይሕረዶ፡ ነቲ ድሙ ኸኣ ደቂ ኣሮን፡ እቶም ካህናት፡ የቕርብዎ ነቲ ደም ኣብ ልዕሊ እቲ ኣብ ኣፍ ደገ ድንኳን ምርኻብ ዘሎ መሰውኢ ኣብ ዙርያ ይንጸግው። ነቲ ዚሓርር መስዋእቲ ቖርበኡ ጠቢሑ፡ በብኽፍሉ ይቑረጾ።

⁶ደቂ ኣሮን እቲ ኻህን ድማ ኣብ መሰውኢ ሓዊ ይእጎዱ፡ ኣብ ልዕሊ እቲ ሓዊ ኸኣ ዕጨይቲ ይጸፍጽፉ።

⁷ደቂ ኣሮን እቲ ኻህን ድማ ኣብ መሰውኢ ሓዊ ይእጎዱ፡ ኣብ ልዕሊ እቲ ሓዊ ኸኣ ዕጨይቲ ይጸፍጽፉ።

⁸እቶም ካህናት፡ ደቂ ኣሮን ድማ ነቲ ኽፍልታት፡ ርእስን ስብሕን፡ ኣብ ልዕሊ እቲ ኣብ መሰውኢ፡ ኣብ ልዕሊ ሓዊ ዘሎ ዕጨይቲ ይስርዕዎ።

⁹ናቲ ናውቲ ኸብዱን ኣእጋሩን ግና ብማይ ይሕጸቦ፡ ንመሰዋእቲ ሓዊ፡ ናግዚኣብሄር ንጥዑም ጨና ኣብቲ መሰውኢ የሕርሮ።

¹⁰እቲ መስዋእቲ ኻብ ጤለበጊዕ እንተ ደኣ ኾይኑ፡ ካብ ኣባጊዕ ወይ ካብ ኣጣል፡ ጎደሎ ዜብሉ ተባዕታይ ንዚሓርር መስዋእቲ የቕርቦ።

¹¹ኣብ ቅድሚ እግዚኣብሄር፡ ንመሰውኢ ብሸነኽ ሰሜኑ፡ ይሕረዶ። እቶም ካህናት፡ ደቂ ኣሮን ድማ ነቲ ደሙ ኣብ ልዕሊ መሰውኢ ኣብ ዙርያኡ ኡንጸግዎ።

¹²በብኽፍሉ ምስ ርእስን ስብሑን ይቑረጾ፡ እቲ ኻህን ከኣ ኣብ ልዕሊ እቲ ኣብ መሰውኢ ኣብ ልዕሊ ሓዊ ዘሎ ዕጨይቲ ይስርዓዮ።

¹³ነቲ ናውቲ ኸብዱን ኣእጋሩን ግና ብማይ ይሕጸቦ፡ ኣቲ ኻህን ኸብዱን ኣእጋሩን ግና ብማይ ይሕጸቦ፡ እቲ ኻህን ድማ ንኹሉ የቕርቦ፡ ኣብ መሰውኢ ኸኣ የሕርሮ። እዚ ዚሐርር መስዋእቲ፡ መስዋእቲ ሓዊ፡ ንእግዚኣብሄር ጥዑም ጨና እዩ።

¹⁴እቲ ንእግዚኣብሄር ዚስውእ ዚሓርር መስዋእቲ ኻብ ኣዕዋፍ እንተ ደኣ ኾይኑ፡ ካብ ባሬቶታት ወይ ካብ ጨጨዊት ርግቢ መስዋእቱ የቕርብ።

¹⁵እቲ ኻህን ድማ ናብ መሰውኢ ኣቕሪቡ፡ ነቲ ርእሱ ይጥወዮ፡ ኣብ መሰውኢ ኸኣ የሕርሮ፡ እቲ ደሙ ኸኣ ኣብ ጎቦ መሰውኢ ይጸመቑ።

¹⁶ጭንጫራኣኡ ምስናይ ፈርሱ ናብ ጎቦ መሰውኢ ብሸነኽ ምብራቕ ናብቲ ስፍራ ሓሙኽሽቲ ይደርብዮ።

¹⁷በክናፉ ይጭደዶ፡ ግናኸ ኣይፈላልዮ፡ እቲ ኻህን ከኣ ኣብ ልዕሊ እቲ ኣብ መሰውኢ ሓዊ ንእግዚኣብሄር ጥዑም ጨና እዩ።