Read መ/ቅዱስ ትግርኛ, Tigrigna Bible, 1997 ኦሪት ዘሌዋውያን 11 Bible Online

ኦሪት ዘሌዋውያን 11 - መ/ቅዱስ ትግርኛ, Tigrigna Bible, 1997 bible

ኦሪት ዘሌዋውያን 11

¹እግዚኣብሄር ድማ ንሙሴን ንኣሮንን ንኣታቶም ከምዚ ኢሉ ተዛረቦም፡

²ንደቂ እስራኤል ከምዚ ኢልኩም ተዛረብዎም፡ ካብ ኩሎም ኣብ ድብ ምድሪ ዘለው ህይወት ዘለዎም፡ እትበልዕዎም እንስሳታት እዚኣቶም እዮም፡

³ካብ እንስሳ ጽፉፍ ስንጡቕ፡ ሸኾናኡ ድማ እተመቕለ፡ መጉስዕ ዚመልስ ዘበለ ብልዑ።

⁴ግናኸ መጉስዕ ካብ ዚመልሱ ወይስ ካብ ሸኾናኦም ዝምቐል፡ እዚኣቶም ኣይትብልዑ፡ ገመል መጉስዕ ትመልስ እያ፡ ሸኾናኣ ግና ኣይተመቕለን እዩ እሞ፡ ንሳ ንኣኻትኩም ርኽስቲ እያ።

⁵ጊሔ ድማ መጉስዕ ትመልስ እያ፡ ሸኾናኣ ግና ኣይተመቕለን እዩ እሞ፡ ንሳ ንኣኻትኩም ርኽስቲ እያ።

⁶ማንትሌ ኸኣኣ፡ መጉስዕ ትመልስ እያ፡ ሸኾንኣ ግና ኣይተመቕለን እዩ እሞ፡ ንሳ ንኣኻትኩም ርኽስቲ እያ።

⁷ሓሰማ ድማ ሸኾናኣ ምቑል እዩ፡ መጉስዕ ግና ኣይትመልስን እያ እሞ፡ ንሳ ንኣኻትኩም ርኽስቲ እያ።

⁸ንኣኻትኩም ርኹሳት እየን ኣሞ፡ ካብ ስጋኤን ኣይትብልዑ ገምበንውን ኣይትተንክዩ።

⁹ኣብ ማይ ካብ ዘሎ ኹሉ እዚ ብልዑ፡ ኣብ ማይ፡ ኣብ ባሕርን ኣብ ርባታትን ዚነብሩ፡ ክንፍን ቅረፍትን ዘለዎም ኹሎም፡ ንኣታቶም ብልዕዎም።

¹⁰ግናኸ ኣብ ማይ ካብ ዚዋሳወሱ ኩለን፡ ኣብ ማይ ካብ ዚነብር ኩሉ ህያው ትንፋስን፡ ኣብ ባሕርን ኣብ ርባን ዘሎ ኽንፍን ቅረፍትን ዜብሉ ኹሉ፡ ንሳቶም ንኣኻትኩም ፍንፉናት እዮም።

¹¹ንኣኻትኩም ፍንፉናት ይኹኑ፡ ካብ ስጋኦም ኣይትብልዑ፡ ንገምቦም ከኣ ፈንፍንዎ።

¹²ኣብ ማይ ዘሎ ኽንፍን ቅረፍትን ዜብሉ ኹሉ፡ ንሱ ንኣኻትኩም ፍንፉን ይኹን።

¹³ካብ ኣዕዋፍ ድማ እትፍንፍንወን፡ ዘይትብልዓ፡ እዚኣትን ኣየን፡ ንሳተን ፍንፋናት እየን፡ ንስርን ገምብን ወሓጥ ዓሳን፡

¹⁴ጻዕዳ ኸርሶ፡ በላዕ ልኻይ በብዓይነቱ።

¹⁵ኩሉ ዃኹ በብዓይነቱ፡

¹⁶ሰገንን ጉጉትን ሮብራን፡ ተገዳር ሓረስታይ ድማ በብዓይነቱ።

¹⁷ንእሽቶ ጉንጓን ሓሓትን ዓባይ ጉንጓን፡

¹⁸ንእሽቶ ጉንጓን ሓሓትን ኣሞራን፡

¹⁹ራዛን ሰብ ጸራድ ድማ በብዓይነቱ ተምብሃአጆ መንካዕን።

²⁰ኩሉ ነፋሪ በርባዕተ መሓውር ዚኸይድ ለምምታ ንኣኻትኩም ፍንፋን ኣዩ።

²¹ኣርባዕተ መሓውር ካብ ዘለዎ ኹሉ ነፋሪ ለመምታ ኣብ ልዕሊ እግሩ ኣብ ልዕሊ ምድሪ ዚስረአን ክልተ ሰለፍ ዘለዋኦ ብልዑ።

²²ካባታቶም እትበልዕዎ እዚኣቶም እዮም፡ ፋንጣ በብዓይነቱን ገደበ በብዓይነቱን።

²³ኣርባዕተ መሓውር ዘለዎ ኹሉ ነፋሪ ለመምታ ግና ንሱ ንኣኻትኩም ፍንፉን እዩ።

²⁴በዚኣቶም ትረኽሱ ኢኹም፡ ነፍስ ወከፍ ገምቦም ዝተንከየ ኽሳዕ ምሸት ርኹስ እዩ።

²⁵ነፍስ ወከፍ ገምቦም ዘልዐለ ኸኣ፡ ክዳኑ ይሕጸብ፡ ክሳዕ ምሸት ድማ ይርከስ።

²⁶ኩሉ እንስሳ ምቑል ሸኾና ዘለዎ እሞ ፈጺሙ ዘይተሰንጠቀ መጉስዕ ድማ ዘይመልስ፡ ንኣኻትኩም ርኹስ እዩ፡ ዝተንከዮ ዘበለ ርኩስ እዩ።

²⁷በርባዕተ መሓውር ካብ ዚኸይድ ኩሉ ንስሳ ብግናዕ ኢዱ ዚኸይድውን፡ ንሳቶም ንኣኻትኩም ርኹሳት እዮም። ገምቦም ዝተንከየ ዘበለ ኽሳዕ ምሸት ርኹስ እዩ።

²⁸ገምቦም ዘልዐለ ዘበለ ድማ ክዳኑ ይሕጸብ፡ ክሳዕ ምሸትውን ይርከስ። እዚኣቶም ንኣኻትኩም ርኹሳት እዮም።

²⁹ኣብ ምድሪ ለመም ካብ ዚብሉ ለመምታ ድማ እዚኣቶም ንኣኻትኩም ርኹሳት እዮም፡ ፍሒራን ኣንጭዋን ሓማት ተመን ከኣ በብዓይነቱ ነፋሒቶን።

³⁰ካብ ኩሉ ለመም ዚብል እዚኣቶም ንኣኻትኩም ርኹሳት እዮም። ምስ ሞቱ፡ ዝተንከዮም ዘበለ ኽሳዕ ምሸት ይረክስ።

³¹ካብ ኩሉ ለመም ዚብል እዚኣቶም ንኣኻትኩም ርኹሳት እዮም። ምስ ሞቱ፡ ዝተንከዮም ዘበለ ኽሳዕ ምሸት ይረክስ።

³²ኣብ ልዕሊ ዝኾነ ነገር ኣቕሓ ዕጭ ኣንተ ኾይኑ፡ ወይ ክዳን ወይ ጉኖ ወይ ከረጺት፡ ዝኾነ ዚዕየዩ ኣቕሓ፡ ካብ እዚኣኣቶም ምስ ሞተ፡ ዝወደቖ ድማ ይረክስ እሞ ናብ ማይ ይእቶ፡ ክሳዕ ምሸት ድማ ይረክስ፡ ሽዑ ይነጽህ።

³³ኣብ ዝኾነ ኣቕሓ መሬት ካብ እዚኣቶም ኣብ ውሽጡ ዝወደቖ ኸኣ ኣብ ውሽጡ ዘሎ ኹሉ ይረክስ፡ ነቲ ኣቕሓ ድማ ስበርዎ።

³⁴ኣብኡ ኻብ ዘሎ ዚብላዕ ኩሉ ማይ ዝኣትዎ ብልዒ ይረክስ። ብዝኾነ ኸምዚ ዝበለ ኣቕሓ ዚስተ ኹሉ መስተ ርኹስ እዩ።

³⁵ዝኾነ ነገር ካብ ገምቢ እዚኣቶም ዝወደቖ ኸኣኣ ይረክስ፡ እቶን ወይ ምድጃ ይፍረስ፡ ንሳቶም ርኹሳት እዮም፡ ንኣኻትኩም ድማ ርኹሳት ይኹኑ።

³⁶ዓይኒ ማይ ወይ ማይ ዚዕቆሮ ሓጺቢ ግና ንጹህ እዩ። ነቲ ገምቢ ዝተንከየ ደኣ ይረክስ።

³⁷ካብ ገምቦም ገለ ኣብ ዚዝራእ ዘርኢ እንተ ወደቐ ኸኣ፡ ንሱ ንጹህ እዩ።

³⁸ኣብ ልዕሊ ኣቲ ዘርኢ ማይ እንተ ተኻዕዎ እሞ ካብቲ ገምቦም ገለ እንተ ወደቆ፡ ንኣኻትኩም ርኹስ ኣዩ።

³⁹ካብቶም ንመብልዕ ዚኾነኹም እንስሳ ገለ ኣንተ ሓለቐ፡ እቲ ነቲ ገምቡ ዝተንከየ ክሳዕ ምሸት ይረክስ።

⁴⁰ካብቲ ገምቡ ዝበልዔ ኸኣ ክዳኑ ይሕጸብ፡ ክሳዕ ምሸት ድማ ይረክስ። ነቲ ገምቡ ዘልዐሎውን ክዳኑ ይሐብ፡ ክሳዕ ምሸት ድማ ይረክስ።

⁴¹ኣብ ምድሪ ለመም ዚብል ኩሉ ለመምታ ኸኣ ፍንፉን እዩ፡ ኣይበላዕ ድማ።

⁴²ኩሉ ብኸብዱ ዚኸይድን በርባዕተ መሓውር ዚኸይድ፡ ወይ ብዙሕ ኣእጋር ዘለዎ ዘበለ፡ ኣብ ልዕሊ ምድሪ ለመም ዚብል ኩሉ ለመምታን፡ ንሳቶም ፍንፉናት እዮም እሞ፡ ኣይትብልዕዎም።

⁴³በቲ ለመም ዚብል ኩሉ ለመምታ ንነፍሳትኩም ኣይተፈንፍኑ፡ ብኣታቶም ከይትረኽሱስ ርእስኹም ብኣታቶም ኣይተርክሱ።

⁴⁴ኣነ ኣግዚኣብሄር ኣምላኽኩም እየ እሞ፡ ተቐደሱ። ኣነ ቅዱስ እየ እሞ፡ ቅዱሳት ኩኑ። ኣብ ምድሪ ብዚዋሳወስ ኩሉ ለመምታ ነፍሳትኩም ኣይተርክሱ።

⁴⁵ኣምላኽኩም ኪኸውን ኢለ ኻብ ምድሪ ግብጺ ዘደየብኩኹም፡ ኣነ እግዚኣብሄር እየ፡ ኣነ ቅዱስ እየ እሞ ቅዱሳት ኩኑ።

⁴⁶ኣብ መንጎ ርኹስን ንጹህን ኣብ መንጎ ዚብላዕ ህያውን ዘይብላዕ ህያውን ምእንቲ ኽይፈልዮ፡ ብዛዕባ እንስሳን ኣዕዋፍን ኣብ ማይ ዚዋሳወስ ህይወት ዘለዎ ኹሉ እንስሳን ኣብ ምድሪ ለመም ዚብል ኩሉ ኣንስሳን እቲ ሕጊ እዚ እዩ።

⁴⁷ኣብ መንጎ ርኹስን ንጹህን ኣብ መንጎ ዚብላዕ ህያውን ዘይብላዕ ህያውን ምእንቲ ኽይፈልዮ፡ ብዛዕባ እንስሳን ኣዕዋፍን ኣብ ማይ ዚዋሳወስ ህይወት ዘለዎ ኹሉ እንስሳን ኣብ ምድሪ ለመም ዚብል ኩሉ ኣንስሳን እቲ ሕጊ እዚ እዩ።