Read መ/ቅዱስ ትግርኛ, Tigrigna Bible, 1997 ኦሪት ዘሌዋውያን 13 Bible Online

ኦሪት ዘሌዋውያን 13 - መ/ቅዱስ ትግርኛ, Tigrigna Bible, 1997 bible

ኦሪት ዘሌዋውያን 13

²ሰብ ኣብ ቆርበት ስጋኡ ሕበጥ ወይ ሽሒር ወይ ብሩሕ ብሮት እንተለዎ፡ ኣብ ቆርበት ስጋኡ ኸኣ ከም ቁስሊ ለምዚ ዝበለ እንተ ኾነ፡ ናብ ካህን ኣሮን ወይ ካብቶም ደቁ ካህናት ናብ ሓደ የምጽእዎ።

³እቲ ኻህን ድማ ነቲ ኣብ ቆርበት ስጋኡ ዘሎ ቑስሊ ይርኤ፡ ኣብቲ ቑስሊ ዘላ ጸጉሪ እንተ ጻዕደወት፡ እቲ ቑስሊ ኸኣኣ ኣብ ቆርበት ስጋኡ ጎድጓድ እንተ ተራእየ፡ ቁስሊ ለምዚ እዩ። እቲ ኻህን ምስ ረአዮ፡ ርኹስ ምዃኑ ይንገር።

⁴እቲ ብሩህ ብሮት ኣብ ቆርበት ስጋኡ እንተ ጻዕደወ፡ ካብቲ ቖርበት ከኣ ዐሚቑ እንተ ዘይተርኤ፡ ጸጉሪውን ኣንተ ዘይጻዕደወ፡ ኣቲ ኻህን ድማ ነቲ ቑሱል ሾብዓተ መዓልቲ ይዕጸዎ።

⁵እቲ ኻህን ከኣ ኣብ ሳብዐይቲ መዓልቲ ይርኣዮ፡ እንሆ ድማ እቲ ቑስሊ ኸምቲ ዝነበሮ እንተሎ፡ እቲ ቁስሊ ኸኣኣ ኣብ ቆርበት እንተ ዘይለሐመ፡ እቲ ኻህን ካልኦት ሾብዓተ መዓልቲ ይዕጸዎ።

⁶ኣቲ ኻህን ድማ ኣብ ሳብዐይቲ መዓልቲ ኻልኣይ ሳዕ ይርኣዮ፡ ኣንሆ ኸኣ፡ እቲ ቑስሊ ኣንተ ፋሕሸወ፡ ኣብቲ ቖርበትውን እንተ ዘይለሓመ፡ ንሱ ሽሒር እዩ፡ እቲ ኻህን ድማ ንጹህ ምዃኑ ይንገር። ክዳውንቱ ይሕጸብ እሞ ይነጽህ።

⁷ንምንጻህ ኣብ ካህን ምስ ተራኣየ፡ እቲ ሽሒር ኣብ ቆርበቱ እንተ ለሐመ፡ ካልኣይ ሳዕ ኣብ ካሕን ይርኤ።

⁸እቲ ኻህን ድማ ይርኣዮ፡ እንሆ ኸኣ፡ እቲ ሽሒር ኣብቲ ቖርበት እንተ ለሓመ፡ ንሱ ለምጺ እዩ፡ ሽዑ ርኹስ ምዃኑ እቲ ኻህን ይንገር።

⁹ንሰብ ቁስሊ ለምጺ እንተለዎ፡ ናብ ካህን የምጽእዎ።

¹⁰እቲ ኻህን ድማ ይርኣዮ፡ እንሆ ኸኣ፡ ኣብ ቆርበቱ ጻዕዳ ሕበጥ እንተሎ፡ ንሱ ኸኣኣ ነቲ ጸጉሪ እንተ ኣጻዕደዎ፡ ኣብቲ ሕበጥ ድማ ብርንዶ ዚመስል ስጋ እንተሎ፡

¹¹ንሱ ኣብ ቆርበት ስጋኡ ኣረጊት ለምጺ እዩ፡ ርኹስ ምዃኑ ድማ እቲ ኻህን ይንገር። ርኹስ እዩ እሞ ኣይዕጸዎ።

¹²እቲ ለምጺ ኣብ ቆርበት ገፊሑ እንተ ወጸ፡ እቲ ለምጺ ኸኣ ነቲ ቑሱል፡ ዓይኒ እቲ ኻህን ዚርእዮ ዘበለ፡ ካብ ርእሱ ኽሳዕ እግሩ ንኹሉ ቖርበቱ እንተ ኸደኖ፡

¹³ሽዑ እቲ ኻህን ይርኣዮ፡ እንሆ ኸኣ፡ ንብዘሎ ስጋኡ ለምጺ እንተ ኸደኖ፡ ሽዑ ኣቲ ቑሱል ከም ዝነጽሄ ይንገር። ብዘሎ ጻዕድዩ እዩ፡ ንሱ ንጹህ እዩ።

¹⁴በታ ብርንዶ ዚመስል ስጋ እተራእየላ መዓልቲ ግና ርኹስ እዩ። እቲ ኻህን ብርንዶ ዚመስል ስጋ ምስ ዚርኢ፡ ርኹስ ምዃኑ ይንገር። እቲ ብርንዶ ዚመስል ስጋ፡ ንሱ ርኹስ እዩ፡ ንሱ ለምጺ እዩ።

¹⁵እቲ ኻህን ብርንዶ ዚመስል ስጋ ምስ ዚርኢ፡ ርኩስ ምዃኑ ይንገር። እቲ ብርንዶ ዚመስል ስጋ፡ ንሱ ርኹስ እዩ፡ ንሱ ለምጺ እዩ።

¹⁶ወይ ኣቲ ብርንዶ ዚመስል ስጋ መሊሱ ኣብ ጻዕዳ እንተ ተለወጠ፡ ናብ ካህን ይምጻእ።

¹⁷እቲ ኻህን ድማ ይርኣዮ፡ እንሆ ኸኣ፡ እቲ ቑስሊ መሊሱ እንተ ጻዕደወ፡ ስዑ ኣቲ ኻህን እቲ ቑስሉ ንጹህ ምዃኑ ይንገር፡ ንሱ ንጹህ እዩ።

¹⁸ንስጋ ኣብ ቆርበቱ ዝሓወየ ቑስሊ እንተለዎ።

¹⁹ኣብቲ በሰላ ኸኣ ጻዕዳ ሕበጥ ወይ ብሩህ ቀይሕ ዝበለ ጻዕዳ ብሮት እንተሎ፡ ሽዑ ኣብ ካህን ይረኤ።

²⁰እቲ ኻህን ድማ ይርኣዮ፡ እንሆ ኸኣ፡ ካብቲ ቖርበት ጎድጉዱ እንተ ተራእየ፡ ጸጉሪ ኸኣ መሊሱ እንተ ጻዕደወ፡ ሽዑ ርኹስ ምዃኑ ኣቲ ኻህን ይንገር፡ ንሱ ኣብ በሰላ ዝወጸ ቑስሊ ለምጺ እዩ።

²¹እቲ ኻህን እንተ ረእዮ እሞ፡ ኣንሆ ኸኣ፡ ኣብኡ ጻዕዳ ጸጉሪ እንተ ዜልቦ፡ ካብቲ ቖርበትውን እንተ ዘይጎደጎደ፡ ንሱ ድማ እንተ ፋሕሸወ፡ ሽዑ እቲ ኻህን ሾብዓተ መዓልቲ ይዕጸዎ።

²²ኣብቲ ቖርበት እንተ ለሐመ ኸኣ፡ ንሱ ቑስሊ ለምጺ እዩ፡ ሽዑ ርኹስ ምዃኑ እቲ ይንገር።

²³እቲ ብሩህ ብሮት ከይለሓመ ኣብቲ ዘለዎ እንተ ቖመ ድማ፡ ንሱ በሰላ ቑስሊ እዩ፡ ንጹህ ምዃኑ ኸኣ እቲ ኻህን ይንገር።

²⁴ወይ ስጋ ኣብ ቆርበቱ ንዳድ ሓዊ እንተለዎ፡ እሞ ኣብቲ ንዳድ ሓዊ ቀይሕ ዝበለ ጻዕዳ ወይ ጻዕዳ ብሩህ ብሮት እንተ ኾነ፡

²⁵ሽዑ እቲ ኻህን ይርኣዮ፡ ኣንሆ ኸኣ፡ ጸጉሪ ኣትዪ ብሩህ ብሮት መሊሱ እንተ ጻዕደወ፡ ካብቲ ቖርበት ከኣ ጎድጓድ እንተ ተራኣየ፡ ንሱ ኣብቲ በሰላ ሓዊ ዝወጸ ለምጺ እዩ፡ ንሱ ቑስሊ ለምጺ እዩ፡ ርኹስ ምዃኑ ድማ እቲ ካህን ይንገር።

²⁶ግናኸ እቲ ኻህን እንተ ረኣዮ፡ እንሆ ድማ፡ ኣብቲ ብሩህ ብሮት ጻዕዳ ጸጉሪ እንተ ዜልቦ፡ ካብቲ ቖርበት ከኣ ኣንተ ዘይጎድጓደ እንተ ፋሕሸወ ድማ፡ እቲ ኻህን ሾብዓተ መዓልቲ ይዕጸዎ።

²⁷ኣብታ ሳብዐይቲ መዓልቲ ኸአ እቲ ኻህን ይርኣዮ፡ ኣብ ቆርበቱ እንተ ለሓመ፡ ንሱ ቑስሊ ለምጺ እዩ፡ ሽዑ ርኹስ ምዃኑ እቲ ኻህን ይንገር።

²⁸እቲ ብሩህ ብሮት ኣብቲ ዘለዎ እንተ ቖመ ኸአ፡ ኣብ ቆርበትውን እንተ ዘይለሓመ፡ ንሱ ድማ እንተ ፋሕሸወ፡ ንሱ ሕበጥ ሓዊ እዩ፡ በሰላ ሓው እዩ እሞ፡ እቲ ኻህን ንጹህ ምዃኑ ይንገር።

²⁹ሰብኣይ ወይ ሰበይቲ ኣብ ርእሲ ወይ ኣብ ጭሕሚ ቑስሊ ኣንተለዎ፡

³⁰እቲ ኻህን ነቲ ቑስሊ ይርኣዮ፡ እንሆ ኸኣ፡ ካብቲ ቖርበት ጎድጓዱ እንተ ተራእየ፡ ናብ ቀጢን ብጫ ዜብል ጸጉሪ ኸኣ እንተለዎ፡ ንሱ ዕንፍሩር ኣዩ፡ ናይ ርእሲ ወይ ናይ ጭሕሚ ለምጺ እዩ፡ ሽዑ ርኹስ ምዃኑ እቲ ካህን ይንገር።

³¹እቲ ኻህን ነቲ ቑስሊ ዕንፍሩር እንተ ረአየ፡ እንሆ ኸኣ፡ ካብቲ ቖርበት ዐሚቑ እንተ ዘይተራኣየ፡ ጸሊም ጸጉሪ ድማ እንተ ዜብሉ፡ ነቲ ቑስሊ ዕንፍሩር ዘለዎ እቲ ኻህን ሾብዓተ መዓልቲ ይዕጸዎ።

³²ኣብ ሳብዐይቲ መዓልቲ ድማ እቲ ኻህን ነቲ ቑስሊ ይርኣዩ፡ እንሆ ኸኣ፡ እቲ ዕንፍሩር እንተ ዘይለሐ፡ ናብ ጫማ ዜብል ጸጉሪውን እንተ ዜብሉ፡ እቲ ዕንፍሩር ከኣ ካብቲ ቖርበት ዐሚቑ እንተ ዘይተራእየ፡

³³ንሱ ይላጸ፡ ነቲ ዕንፍሩር ዘለዎ ግና ኣይላጽዮ፡ እቲ ኻህን ድማ ነቲ ዕንፍሩር ዘለዎ መሊሱ ሾብዓተ መዓልቲ ይዕጸዎ።

³⁴ኣብ ሳብዐይቲ መዓልቲ ኸኣ እቲ ኻህን ነቲ ዕንፍሩር ይርኣዮ፡ ኣንሆ ድማ እቲ ዕንፍሩር ኣብ ቆርበት እንተ ዘይለሐመ፡ ካብቲ ቖርበትውን ዐሚቑ እንተ ዘይተራእየ፡ እቲ ኻህን ንጹህ ምዃኑ ይንገር፡ ክዳውንቱ ድማ ይሕጸብ፡ ይነጽህ ከኣ።

³⁵ድሕሪ ምንጻሁ ግና እቲ ዕንፍሩር ኣብቲ ቖርበት እንተ ለሓመ፡

³⁶እቲ ኻህን ይርኣዮ። እንሆ ድማ እቲ ዕንፍሩር ኣብ ቆርበት እንተ ለሓመ፡ ኣቲ ኻህን ናብ ብጫ ዜብል ጸጉሪ እንተሎ ኢሉ ኣይድለ፡ ንሱ ርኹስ እዩ።

³⁷እቲ ዕንፍሩር ኣብቲ ዘለዎ ቖይሙ፡ ኣብኡውን ጸሊም ጸጉሪ በቑሉ እንተ ረአየ፡ ግና እቲ ዕንፍሩር ሓውዩ እዩ፡ ንሱ ንጹህ እዩ፡ እቲ ኻህን ድማ ንጹህ ምዃኑ ይንገር።

³⁸ሰብኣይ ወይ ሰበይቲ ኣብ ቆርበት ስጋኡ ብሩህ ብሮት እንተለዎ፡

³⁹እቲ ኻህን ይርኣዮ፡ እንሆ ኸኣኣ፡ እቲ ኣብ ቆርበት ስጋኦም ዘሎ ብሩህ ብሮት ፍሕሽው ዝበለ ጻዕዳ እንተ ኾነ፡ እዚ ኣብ ቆርበት ዝወጸ ተውሳስ እዩ፡ ንሱ ንጹህ እዩ።

⁴⁰ሰብ ጸጉሪ ርእሱ እንተ ተመልጠ፡ ናይ ምንኳዕ እዩ፡ ንሱ ንጹህ እዩ።

⁴¹ርእሱ ብሽነኽ ቅድሚት እንተ ተመልጠ ድማ፡ ምብራሕ እዩ፡ ንሱ ንጹህ እዩ።

⁴²ኣብ ነዃዕ ወይ ኣብ በራሕ ርእሱ ቐይሕ ዝበለ ጻዕዳ ቑስሊ እንተለዎ፡ ንሱ ኣብ ነኳዑ ወይ ኣብ በራሑ ዝወጸ ለምጺ ኣዩ።

⁴³እቲ ኻህን ድማ ይርኣዮ፡ እንሆ ኸኣ፡ እቲ ኣብ ነኳዑ ወይ ኣብ በራሑ ዘሎ ሕበጥ ቁስሊ፡ ከምቲ ናይ ቆርበት ስጋ ለምጺ ቀይሕ ዝበለ ጻዕዳ ኾይኑ እንተ ተራእየ፡

⁴⁴ለምጻም ሰብ እዩ። ንሱ ርኹስ እዩ፡ ርኹስ ምዃኑ እቲ ኻህን ኣርጊጹ ይንገረሉ፡ ቁስል ኣብ ርእሱ ኣሎ።

⁴⁵እቲ ቑስሊ ዘለዎ ለምጻም ክዳኑ ቕዳዱ ይኹን፡ ርእሱ ኸኣ ይቀላዕ፡ ጭሕሙ ድማ ይኽደን፡ ርኹስ ርኹስ፡ ኢሉ ኸኣ ይጨርሕ።

⁴⁶ቁስሊ ዘለዎ ኹሉ መዓልቲ ርኹስ ይኹን፡ ንሱ ርኹስ እዩ። ንበይኑ ይቀመጥ፡ ምቕማጡ ኣብ ወጻኣኢ ሰፈር ይኹን።

⁴⁷ኣብ ክዳን ድማ፡ ኣብ ክዳን ጸጉሪ ወይ ኣብ ክዳን ልሕጺ እንጣጣዕ፡ ኣብ ቅጥኒ ወይ ኣብ ፋእሚ ናይ እንጣጢዕ ወይ ናይ ጻጉሪ፡ ወይ ኣብ ቆርበት ወይ ኣብ ዝኾነ ኻብ ቆርበት እንተገብረ ነገር፡ ቁስሊ ለምጺ እንተለዎ፡

⁴⁸ኣብ ክዳን ድማ፡ ኣብ ክዳን ጸጉሪ ወይ ኣብ ክዳን ልሕጺ እንጣጣዕ፡ ኣብ ቅጥኒ ወይ ኣብ ፋእሚ ናይ እንጣጢዕ ወይ ናይ ጻጉሪ፡ ወይ ኣብ ቆርበት ወይ ኣብ ዝኾነ ኻብ ቆርበት እንተገብረ ነገር፡ ቁስሊ ለምጺ እንተለዎ፡

⁴⁹እቲ ቑስሊ ድማ ኣብ ክዳን ወይ ኣብ ቆርበት ወይ ኣብ ቅጥኒ ወይ ኣብ ፋእሚ ወይ ኣብ ዝኾነ ኣቕሓ ቖርበት፡ ሕምልይ ወይ ቅይሕ እንተበለ፡ ንሱ ቑስሊ ለምጺ እዩ፡ ኣብ ካህን ድማ ይረኤ።

⁵⁰እቲ ኻህን ከኣ ነቲ ቑስሊ ይርአዩ፡ ነቲ ቑሱል ሾብዓተ መዓልቲ ይዕጸዎ።

⁵¹በታ ሳብዐይቲ መዓልቲ ድማ ነቲ ቑስሊ ይርኣዮ። እቲ ቑስሊ ኣብ ክዳን ወይ ቅጥኒ ወይ ኣብ ፋእሚ ወይ ኣብ ቆርበት፡ ንዝኾነ ዕዩ ካብ ቆርበት ኣብ እተገብረ ነገር እንተ ለሐመ፡ እዚ ቑስሊዚ በላዒ ለምጺ እዩ፡ ንሱ ርኹስ እዩ።

⁵²ነቲ ኽዳን ድማ፡ ወይ ቅጥኒ ወይ ፋኣሚ ናይ ጸጉሪ እንተ ኾነ ወይ ናይ እንጣጢዕ ወይ ዝኾነ ኣቕሓ ቖርበት እቲ ቑስሊ ዘለዎ ዘበለ፡ ይንደድ። በላዒ ለምጺ እዩ እሞ፡ ብሓዊ ይንደድ።

⁵³እቲ ኻህን ድማ እንተ ረእዮ፡ እንሆ ኸኣ፡ እቲ ቑስሊ ወይ ኣብ ቅጥኒ ወይ ኣብ ፋእሚ ወይ ኣብ ዝኾነ ኣቕሓ ቖርበት እንተ ዘይለሓመ፡

⁵⁴ሽዑ ነቲ ቑስሊ ዘለዎ ኺሓጽብዎ እቲ ኻህን ይኣዝዝ፡ መሊሱ ድማ ሾብዓተ መዓልቲ ይዕጸዎ።

⁵⁵እቲ ቑስሊ ምስ ተሓጽበ ድማ፡ እቲ ኻህን ይርኣዮ፡ እንሆ ኸኣ፡ እቲ ቑስሊ ሕብሩ እንተ ዝይለወጠ፡ እቲ ቑስሊ ድማ እንተ ዘይለሐመ፡ ንሱ ርኹስ እዩ፡ ብሓዊ ኣንድዶ። እቲ ብሉዕ፡ ብውሽጢ እንተ ኾነ ወይ ብወጻኢ፡ ንሱ ዜዕምቖ በላዒ እዩ።

⁵⁶እቲ ኻህን ድማ እንተ ረኣዮ፡ እንሆ ኸአ፡ እቲ ቑስሊ ድሕሪ ምሕጻቡ እንተ ፋሕሸወ፡ ካብቲ ኽዳን ወይ ካብቲ ቆርበት ወይ ካብቲ ቅጥኒ ወይ ካብቲ ፋእሚ ይቕደዶ።

⁵⁷ኣብቲ ኽዳን፡ ወይ ኣብቲ ቕጥኒ ወይ ኣብቲ ፋእሚ ወይ ኣብ ዝኾነ ኣቕሓ ቖርበት ገና እንተ ተራእየ፡ ዝወጸ ለምጺ እዩ፡ ነቲ ቑስሊ ዘለዎ ብሓዊ እንድዶ።

⁵⁸እቲ እተሓጽቦ ኽዳን፡ ወይ ቕጥኒ ወይ ፋኣሚ ወይ ዝኾነ ቖርበት፡ እቲ ቑስሊ እንተ ኸደሉ፡ ካልኣይ ሳዕ ይተሓጸብ፡ ይነጽህ ድማ።

⁵⁹ብዛዕባ ቑስሊ ለምጺ ኣብ ክዳን ጸጉሪ ወይ ናይ እንጣጢዕ ወይ ኣብ ቅጥኒ ወይ ኣብ ፋኣሚ ወይ ኣብ ዝኾነ ኣቕሓ ቖርበት ንጹህ ምኳኑ ወይ ርኹስ ምንጋር፡ ሕጉ እዚ እዩ።