Read መ/ቅዱስ ትግርኛ, Tigrigna Bible, 1997 ኦሪት ዘሌዋውያን 14 Bible Online

ኦሪት ዘሌዋውያን 14 - መ/ቅዱስ ትግርኛ, Tigrigna Bible, 1997 bible

ኦሪት ዘሌዋውያን 14

¹እግዚኣብሄር ድማ ንሙሴ ኸምዚ ኢሉ ተዛረቦ፡

²ነቲ ለምጻም ብመዓልቲ ምንጻሁ እቲ ሕጊ እዚ ይኹን፡ ናብ ካህን የምጽእዎ።

³እቲ ኻህን ከኣ ናብ ወጻኢ እቲ ሰፈር ይውጻእ። እቲ ኻህን ድማ ይርኣዮ፡ እንሆ ኸኣ፡ እቲ ቑስሊ ለምጺ ኣብቲ ለምጻም እንተ ሐወየ፡

⁴ሽዑ እቲ ኻህን ስለ እቲ ዚነጽህ ክልተ ንጹሃት ኣዕዋፍ ብህይወተይ፡ ዕጨይቲ ቄድሮስን ጽሩይ ቀይሕ ፈትልን ስምዕዛን ከኣ ኪወስዱ ይአዝዝ።

⁵እቲ ኻህን ድማ ካብተን ኣዕዋፍ ሓንቲኤን ኣብ ኣቕሓ መሬት ኣብ ልዕሊ ፈልፋሊ ማይ ገይሮም ኪሓርዱ ይኣዝዝ።

⁶ነታ ህያው ዑፍን ነቲ ዕጨይቲ ቄድሮስን ነቲ ጽሩይ ቀይሕ ፈትልን ነቲ ስምዕዛን ይውሰድ እሞ ምስናይ እታ ህያው ዑፍ ኣብ ደም እታ ኣብ ልዕሊ እቲ ፈልፋሊ ማይ እተሐድረት ዑፍ ይጥለቆ።

⁷ኣብ ልዕሊ እቲ ኻብ ለምጺ ዚነጽህ ከኣ ሾብዓተ ሳዕ ይንጸገሉ እሞ ንጹህ ምኳኑ ይንገር፡ ነታ ህያው ዑፍ ንመሮር ትኺድ ይሕደጋ።

⁸እቲ ዚነጽህ ድማ ክዳውንቱ ይሕጸብ፡ ኩሉ ጸጉሩ ኸኣ ይላጺ፡ ብማይውን ይተሓጸብ፡ ይነጽህ ከኣ። ድሕርዚ ድማ ናብ ሰፈር ይእቶ፡ ግናኸ ኣብ ወጻኢ ድንኳኑ ሾብዓተ መዓልቲ ይቀመጥ።

⁹ኪኸውን ድማ እዩ፡ ኣብ ሳብዐይቲ መዓልቲ ኹሉ ጸጉሩ ይላጺ፡ ርእሱን ጭሕሙን ቅርኒብ ዓይኑን ኩሉ ጸጉሩን ይላጺ። ክዳውንቱ ኸኣ ይሕጸብ፡ ስጋኡ ድማ ብማይ ይተሓጸብ፡ ይነጽህ ከኣ።

¹⁰ኣብ ሳምነይቲ መዓልቲ ድማ ጎደሎ ዜብሎም ክልተ ገንሸልን ጎደሎ ዜብላ ዓምት ዝገበረት ሓንቲ ሽበንን፡ ንመስዋእቲ ብልዒ ኸኣ ሰለስተ ዓስራይ ኣፍ ኤፋ ድኹም ሓርጭ ብዘይቲ እተቖምጥዔ፡ ሓደ ሉግ ዘይቲ ኸኣ ይወስድ።

¹¹ኣቲ ዜንጽህ ካህን ድማ ነቲ ዚንጽህ ሰብን ነዚ ነገርዝን ኣብ ቅድሚ እግዚኣብሄር ኣብ ኣፍ ድንኳን ምርኻብ የቑሞ።

¹²እቲ ኻህን ድማ ነቲ ሓደ ገንሸል ምስቲ ሉግ ዘይቲ ወሲዱ ንመስዋእቲ በደል የቕርቦ። ኣብ ቅድሚ እግዚኣብሄር ድማ ንዚውዝውዝ መስዋእቲ ይወዝውዞ።

¹³እቲ መስዋእቲ ሓጢኣት ነቲ ኻህን ከም ዝኾነ፡ ኣቲ መስዋእቲ በደል ከኣ ከምኡ እዩ እሞ፡ እቲ ገንሸል ኣብቲ መስዋእቲ ሓጢኣትን ዚሓርር መስዋእትን ዚሕረደሉ ቦታ፡ ኣብ ቅዱስ ቦታ ይተሓረድ፡ ንሱ ቅዱስ ቅዱሳን እዩ።

¹⁴እቲ ኻህን ድማ ካብቲ ደም መስዋእቲ በደል ይውሰድ፡ ኣቲ ኻህን ከኣ ነቲ ዚነጽህ ኣብ የማነይቲ መስቆር እዝኑን ኣብ ዓበይቶ የማነይቲ ኢዱን ኣብ ግናዕ ጸጋማይቲ ኢዱ ይኸዐዎ።

¹⁵እቲ ኻህን ከኣ የማነይቲ ኣጻብዑ ኣብቲ ኣብ ጸጋመይቲ ኢዱ ዘሎ ዘይቲ ይጥማዕ እሞ ካብቲ ዘይቲ በጻብዑ ሻብዐተ ሳዕ ናብ ቅድሚ እግዚኣብሄር ይንጸግ።

¹⁶እቲ ኻህን ከኣ የማነይቲ ኣጻብዑ ኣብቲ ኣብ ጸጋመይቲ ኢዱ ዘሎ ዘይቲ ይጥማዕ እሞ ካብቲ ዘይቲ በጻብዑ ሻብዐተ ሳዕ ናብ ቅድሚ እግዚኣብሄር ይንጸግ።

¹⁷ኣብ ልዕሊ እቲ ደም መስዋእቲ በደል ድማ እቲ ኻህን ካብቲ ኣብ ኢዱ ዝተረፈ ዘይቲ ነቲ ዚነጽህ ኣብ የመነይቲ ኢዱን ኣብ ዓብይቶ የማነይቲ ኢዱን ኣብ ዓበይቶ የማነይቲ እግሩን ይልከዮ።

¹⁸ነቲ ኣብ ኢድ እቲ ኻህን ዝተረፈ ዘይቲ ኸኣ ናብ ርእሲ እቲ ዚነጽህ ይግበሮ፡ እቲ ኻህን ድማ ኣብ ቅድሚ እግዚኣብሄር የተዐርቆ።

¹⁹እቲ ኻህን ከኣ መስዋእቲ ሓጢኣት ይሰውእ እሞ ነቲ ኻብ ርኽሰቱ ዚነጽህ የተዐርቆ፡ ድሕሪኡ ድማ ዚሓርር መስዋእቲ ይሕረድ።

²⁰እቲ ኻህን ድማ ዚሓርር መስዋእትን መስዋእቲ ብልዕን ኣብ ልዕሊ መሰውኢ የቕርብ፡ እቲ ኻህን ከኣ የተዐርቆ፡ ንሱውን ይነጽህ።

²¹ንሱ ድኽ ኣእንተ ኾነ፡ ንኽንድዚ ዚኣክል ኣብ ኢዱ እንተ ዜብሉ ድማ፡ ንመስዋእቲ በደል ንመተዓረቒኡ ኺውዝውዝ ሓደ ገንሸል ይውሰድ፡ ንመስዋእቲ ብልዒ ኸኣ ዓስራይ ኣፍ ኣኤፋ ብዘይቲ እተቖምጥዔ ድኹም ሓርጭ፡ ሓደ ሉግ ዘይቲ እተቖምጥዔ ድኹም ሓርጭ፡ ሓደ ሉግ ዘይቲ ድማ፡

²²ክልተ ባሬቶ ወይ ክልተ ጫጩት ርግቢ ኸምቲ ኣብ ኢዱ ዝረኸቦ፡ እታ ሓንቲ መስዋእቲ ሓጢኣት፡ እታ ኻልኣይቲ ኸኣ ንዚሓርር መስዋእቲ ይውሰድ።

²³ኣብ ሳምነይቲ መዓልቲ ንምንጻሁ እዚ ነገርዚ ናብ ካህን ናብ ኣፍ ድንኳን ምርኻብ ኣን ቅድሚ እግዚኣብሄር ይምጽኣዮ።

²⁴እቲ ኻህን ድማ ነቲ ገንሸል መስውእቲ በደልን ነቲ ሉግ ዘይትን ይውሰድ ኣሞ እቲ ኻህን ንዚውዝወዝ መስዋእቲ ኣብ ቅድሚ እግዚኣብሄር ይወዝወዞ።

²⁵ነቲ ገንሸል መስዋኣቲ በደል ከኣ ይሕረዶ። እቲ ኻህን ድማ ካብ ደም እቲ መስዋእቲ በደል ወሲዱ፡ ነቲ ዚነጽህ የማንየቲ መስዎር እዝኑን ዓበይቶ የማነይቲ ኢዱን ዓበይቶ እግሩን ይልከዮ።

²⁶እቲ ኻህን ድማ ካብቲ ዘይቲ ኣብ ግራት ጸጋመይቲ ኢዱ ይኹዖ፡

²⁷እቲ ኻህን ከኣ ካብቲ ኣብ ጸጋመይቲ ኢዱ ዘሎ ዘይቲ በየማነይቲ ኣጻብዑ ኣብ ቅድሚ እግዚኣብሄር ሻብዐተ ሳዕ ይንጸግ።

²⁸ኣብ ልዕሊ እቲ ደም መስዋኣቲ በደል ዘለዎ ቦታ ድማ ኣቲ ኻህን ነቲ ዚነጽህ ካብቲ ካብ ኢዱ ዘሎ ዘይቲ ኣብ የመንይቲ መስቆር እዝኑን ኣብ ዓበይቶ የማነይቲ ኢዱን ኣብ ዓበይቶ የማንየቲ እግሩን ይልከዮ።

²⁹ነቲ ካብቲ ዘይቲ ዝተረፈ፡ ኣብ ኢድ እቲ ኣኻህን ዘሎ፡ ኣብ ቅድሚ እግዚኣብሄር ኬተዐርቖ፡ ኣብ ርእሲ እቲ ዚነጽህ ይግበሮ።

³⁰ከምቲ ኣብ ኢዱ ዝረኸቦ፡ ሓንቲ ኻብተን ባሬቶ ወይ ሓንቲ ኻብተን ጫጩት ርግቢ ይሰውእ።

³¹ምስቲ መስዋኣቲ ብልዒ ከምቲ ኣብ ኢዱ ዝረኸቦ፡ ሓንቲ ንመስዋእቲ ሓጢኣት፡ ሓንቲ ኸኣ ንዚሓርር መስዋእቲ ይሰውእ። እቲ ኻህን ከኣ ነቲ ዚጸህ ኣብ ቅድሚ እግዚኣብሄር የተዐርቆ።

³²ብዛዕባ እቲ ቑስሊ ለምጺ ዝለዎ ንምንጻሁ ዜድሊ ኣብ ኢዱ ዚኣክል ዘይረኸበ፡ ሕጉ እዚ እዩ።

³³እግዚኣብሄር ድማ ንሙሰኢን ንኣሮንን ከምዚ ኢሉ ተዛረቦም።

³⁴ናብቲ ኣነ ንርስቲ ዝህበኩም ምድሪ ኸንኣን ምስ ኣቶኹም እሞ ኣብታ እትረስቴኹምዋ ሃገር ናብ ሓንቲ ቤት ቁስሊ ለምጺ እንተ ሰደድኩ፡

³⁵ሽዑ እቲ በዓል ቤት ናብቲ ኻህን መጺኡ፡ ኣብ ቤተይ ከም ቁስሊ ለምጺ ዘበለ ተራኣዩኒ፡ ኢሉ ይንገሮ።

³⁶እቲ ኻህን ድማ ነቲ ቑስሊ ኸርኢ፡ ገና ናብታ ቤት ከይኣተወ፡ ኣብ ቤት ዘሎ ኹሉ ኸይረክስ፡ እቲ ኻህን ነታ ቤት ጥራያ ኺገብርዋ ይኣዝዝ። ድሕርዚ እቲ ኻህን ነታ ቤት ኪርኢ ይእቶ።

³⁷ነቲ ቑስሊ ድማ ይርኣዮ። እንሆ ኸኣ፡ እቲ ቑስሊ ኣብ መንደቕ እታ ቤት ሕምልይ ዝበለ ወይ ቅይሕ ዝበለ ጎድጓድ ካብቲ መንደቕ ዐሚቑ ኣንተ ተራኣየ፡

³⁸ሽዑ እቲ ኻህን ካብታ ቤት ናብ ኣፍ ደገ እታ ቤት ይውጻእ፡ ነታ ቤት ኸኣ ሶብዓተ መዓልቲ ይዕጸዋ።

³⁹እቲ ኻህን ድማ በታ ሳብዐይቲ መዓልቲ ተመሊሱ ይርኣያ፡ እንሆ ኸኣ፡ እቲ ቑስሊ ኣብ መንደቕ ኣታ ቢት እንተ ለሓመ፡

⁴⁰ሽዑ ነቲ ቑስሊ ዘለዎ ኣእማን ኣውጺኦም ናብ ወጻኢ ኸተማ፡ ናብ ርኹስ ቦታ ኺድርብይዎ፡ እቲ ኻህን ይኣዝዝ።

⁴¹እታ ቤት ድማ ብውሽጢ ዙርያእ ትተሓኸኽ፡ ኣቲ ሕኸኽ መሬ ከኣ ናብ ወጻኢ ኸተማ፡ ናብ ርኹስ ቦታ ይጎሐፍ።

⁴²ኣብ ክንዲ እቲ ኣእምና ድማ ካልእ ኣእማን ወሲዶም የእትዉ። ካልእ መሬት ወሲዱ ኸኣ ነታ ቤት ለቕልቃ።

⁴³ነቲ ኣእማን ምስ ኣውጽኤ፡ ኣታ ቤት ድማ ምስ ተሐከት ምስ ተለቕለቐትን፡ እቲ ቑስሊ ኣብታ ቤት መሊሱ ኣንተ ወጸ፡

⁴⁴እቲ ኻህን ኣትዩ ይርኣያ። እንሆ ኸኣ፡ እቲ ቑስሊ ኣብታ ቤት እንተ ለሐመ፡ ንሱ ኣብታ ቤት ዚባላዕ ለምጺ እዩ፡ እሞ፡ ንሳ ርኽስቲ ኣያ።

⁴⁵ነታ ቤት ድማ እምናን ዕጨይታን፡ ኩሉ መሬት እታ ቤትውን ኣፍሪሱ፡ ናብ ወጻኣኢ ኸተማ ናብ ርኹስ ቦታ ይጉሐፎ።

⁴⁶ነታ ቤት በተን እተዕጸወለን ኩለን መዓልታትን ዝኣተዋ ድማ ክሳዕ ምሸት ርኹስ ይኹን።

⁴⁷ኣብታ ቤት ዝደቀሰ ኸኣ ክዳውንቱ ይሕጸብ፡ ኣብታ ቤት ዝበልዔውን ክዳውንቱ ይሕጸብ።

⁴⁸ኣቲ ኻህን ነታ ቤት ኪራኢ እንተ ኣተወ፡ እንሆ ኸኣ፡ እታ ቤት ምስ ተለቕለቐት፡ እቲ ቑስሊ ሓውዩ እዩ እሞ፡ ኣታ ቤት ንጽህቲ ምዃና እቲ ኻህን ይንገር።

⁴⁹ንምንጻህ እታ ቤት ድማ ክልተ ዑፍን ዕጨይቲ ቄድሮስን ጽሩይ ቀይሕ ፈትልን ስምዕዛን ይውሰድ።

⁵⁰ነታ ሓንቲ ዑፍ ድማ ኣብ ልዕሊ ፈልፋሊ ማይ፡ ኣብ ኣቕሓ መሬት ይሕረዳ።

⁵¹ነቲ ዕጨይቲ ቄድሮስን ስምዕዛን ጽሩይ ቀይሕ ፈትልን ነታ ህያው ዑፍን ወሲዱ፡ ኣብ ደም እታ እተሕርደት ዑፍን ኣብቲ ፈልፋሊ ማይን ጠሚዑ ነታ ቤት ሾብዓተ ሳዕ ይንጸገላ።

⁵²ነታ ቤትውን ብደም እታ ዑፍን በቲ ፈልፋሊ ማይን በታ ህያው ዑፍን ብዕጨይቲ ቔድሮስን ብስምዕዛን ብጽሩይ ቀይሕ ፈትልን የንጽሃያ።

⁵³ነታ ህያው ዑድ ድማ ናብ ወጻኢ ኸተማ ንመሮር ትኺድ ይሕደጋ። ነታ ቤት ከኣ የተዐርቃ እሞ ትነጽህ።

⁵⁴ንኹሉ ዓይነት ቁስሊ ለምጽን ንዕንፍሩርን፡

⁵⁵ንለምጺ ኣብ ክዳንን ኣብ ቤትን፡

⁵⁶ንሕበጥን ንጸፋዕታን ንብሩህ ብሮትን፡ እቲ ሕጊ እዚ እዩ፡።

⁵⁷ዚረኽሰላ መዓልትን ዚነጽሃላ መዓልትን ኬፍልጥ፡ ሕጊ ለምጺ እዚ እዩ።