Read መ/ቅዱስ ትግርኛ, Tigrigna Bible, 1997 ኦሪት ዘሌዋውያን 15 Bible Online

ኦሪት ዘሌዋውያን 15 - መ/ቅዱስ ትግርኛ, Tigrigna Bible, 1997 bible

ኦሪት ዘሌዋውያን 15

¹እግዚኣብሄር ድማ ንሙሴን ንኣሮንን ከምዚ ኢሉ ተዛረቦም፡

²ንደቂ እስራኤል ተዛረብዎም በልዎም ከኣ፡ ሓደ ሰብ ካብ ስጋኡ ጅግል ምስ ዚከዐዎ፡ በቲ ምኽዓው ርኹስ እዩ።

³እቲ ጅግል ኽሳዕ ዘሎ፡ ርኽሰቱ እዚ እዩ። ስጋኡ ጅግል እንተ ኸዐወ፡ ነቲ ጅግል እንተ ኸልከሎ፡ ንሱ ርኽሰቱ እዩ።

⁴እቲ በዓል ጅግል ዝደቀሶ ኹሉ መደቀሲ ይረክስ፡ ኮፍ ዝበሎ ኹሉ ኣቕሓ ድማ ይርከስ።

⁵ንመደቀሲኡ ዝተንከየ ዘበለ ኸኣ ክዳውንቱ ይሕጸብ፡ ብማይ ድማ ይተሓጸብ፡ ክሳዕ ምሸትውን ርኹስ ይኹን።

⁶በዓል ጅግል ኮፍ ኣብ ዝበሎ ኣቕሓ ኾፍ ዜብልውን፡ ክዳውንቱ ይሕጸብ፡ ብማይ ከኣ ይተሓጸብ፡ ክሳዕ ምሸትውን ርኹስ ይኹን።

⁷ንስጋ እቲ ግጃል ዝተነከየ ድማ ክዳውንቱ ይሕጸብ፡ ብማይ ከኣ ይተሓጸብ፡ ክሳዕ ምሸትውን ርኹስ ይኹን።

⁸እቲ ጀጋል ንሓደ ንጹህ ጡፍ እንተ በለሉ ኸኣ፡ ንሱ ኽዳውንቱ ይሕጸብ ብማይ ድማ ይተሓጸብ ክሳዕ ምሸት ርኹስ ይኹን።

⁹እቲ ጀጋል እተወጥሓሉ ዘበለ ኮረሻ ኸኣ ርኹስ ይኹን።

¹⁰ኣብ ትሕቲኡ ዝነበረ ኹሉ ነገር ዝተንከየ ዘበለውን ክሳዕ ምሸት ርኹስ ይኹን፡ ነዚ ዚልዐለ ኸኣ ክዳውንቱ ይሕጸብ፡ ብማይ ድማ ይተሕጸብ፡ ክሳዕ ምሸትውን ርኹስ ይኹን።

¹¹እቲ ጀጋል ኢዱ ኸይተሓጸበ ዝተነከዮ ኹሉ፡ ክዳውንቱ ይሕጸብ፡ ብማይ ከኣ ይተሓጸብ፡ ክሳዕ መሸትውን ርኹስ ይኹን።

¹²እቲ ጀጋል ዝተነከዮ ኣቕሓ መሬት ይሰበር፡ ኩሉ ኣቕሓ ዕጨይቲ ኸኣ ብማይ ይተሓጸብ።

¹³እቲ ጀጋል ካብ ጅግሉ ምስ ነጽሄ ድማ፡ ንምንጻሁ ሾብዓተ መዓልቲ ይቑጸር፡ ክዳውንቱ ድማ ይሕጸብ፡ ስጋኡ ኸኣ ብፈልፋሊ ማይ ይተሓጸብ፡ ሾኡ ይነጽህ።

¹⁴ኣብ ሳምነይቲ መዓልቲ ድማ ክልተ ባሬቶ ወይ ክልተ ጫጩት ርግቢ ይወስድ ኣብ ቅድሚ እግዚኣብሄር ናብ ኣፍ ደገ ድንኳን ምርኻብ ይምጻእ፡ ነቲ ኻህን ከኣ ይሀቦ።

¹⁵እቲ ኻህን ድማ፡ እታ ሓንቲ ንመስዋእቲ ሃጢኣት፡ እታ ሓንቲ ድማ ንዚሐርር መስዋእቲ ይሰውኣየን። ካብ ጅግሉ ኸኣ እቲ ኻህን ኣብ ቅድሚ እግዚኣብሄር የተዐርቆ።

¹⁶ሰብኣይ ካብ ዘርኡ እንተ ወጸ ድማ ብዘሎ ስጋኡ ብማይ ይተሓጸብ፡ ክሳዕ ምሸትውን ርኹስ ይኹን።

¹⁷እቲ ዘርኢ እተኻዕዎ ኽዳውንትን ማእስን ኩሉ ብማይ ይተሓጸብ፡ ክሳዕ ምሸት ከኣ ርኹስ ይኹን።

¹⁸ሰበይቲ ድማ ሰብኣይ ብምኽንያት ሰርኢ ኣንተ ደቀሳ፡ ክልቲኦም ብማይ ይተሓጸቡ፡ ክሳዕ ምሸት ከኣ ርኹሳት ይኹኑ።

¹⁹ሰበይቲ ድማ፡ ጻግነ ብምዃና ደም ካብ ስጋኣ እንተ ተኻዕዋ፡ ሻብዓተ መዓልቲ ትርከስ ዝተንከያ ዘበለ ኸኣ ክሳዕ ምሸት ርኹስ ይኹን።

²⁰ብጻግኒኣ ዝደቀሰቶ ኹሉ ነገር ርኹስ ይኹን፡ ኮፍ ዝበለቶ ኸኣ ርኹስ ይኹን።

²¹መደቀሲኣ ዝተንከየ ዘበለ ድማ ክዳውንቱ ይሕጸብ፡ ብማይ ከኣ ይተሓጸብ፡ ክሳዕ ምሸትውን ርኹስ ይኹን።

²²ንሳ ኾፍ ዝበለቶ ኹሉ ነገር ዝተንከየ ዘበለ ድማ ክድውንቱ ይሕጸብ፡ ብማይ ከኣ ይተሓጸብ፡ ክሳዕ ምሸትውን ርኹስ ይኹን።

²³ነቲ መደቀሲኣ ወይ ኮፍ ኢላቶ ንዝነበረት ኣቕሓ ምስ ዚትንኪ ክሳዕ ምሸት ይኹን።

²⁴ሰብኣይ ምስኣ ደቂሱ ጸግኒኣ እንተ ጸየቖ ሾብዓተ መዓልቲ ርኹስ ይኹን፡ ንሱ ዚድቅሶ ኹሉ መደቀሲ ኸኣ ርኹስ ይኹን።

²⁵ሰበይቲ፡ በቲ ጊዜ ጻግኒኣ ዘይኮነ፡ ነዊሕ መዓልቲ ደም ዛሕዛሕ ኣንተ በላ፡ ወይ ሓለፋ እቲ ጊዜ ጽግኒኣ ዛሕዛሕ ኣንተ በላ ምኽዓው ርኽሰታ ኽሳዕ ዘሎ መዓልታት፡ ከምቲ ብመዓልታት ጻግኒኣ ትኹን፡ ርኽስቲ እያ።

²⁶እቲ ምኽዓዋ ኽሳዕ ዘሎ ኹሉ መዓልትታት እትድቅሶ ኹሉ መደቀሲ ኸኣ መዓልትታት እትድቅሶ ኹሉ መደቀሲ ኸኣ ከምቲ ብእዋን ጸግኒኣ እትድቅሶ መደቀሲ ይኹን፡ ኮፍ እትብሎ ኹሉ ኣቕሓውን ከምቲ ርኹስ ጻግኒኣ ርኹስ ይኹን።

²⁷ነዚ ዝተንከዮ ዘበለ ኸኣ ርኹስ ይኹን፡ ክዳውንቱ ድማ ይሕጸብ፡ ብማይ ከኣ ይተሓጸብ፡ ክሳዕ ምሸትውን ርኹስ ይኹን።

²⁸ካብ ምኽዓዋ እንተ ጸረየት ድማ፡ ሾብዓተ መዓልቲ ትቑጸር፡ ድሕርቲ ንጽህቲ ትኹን፡

²⁹ኣብ ሳምነይቲ መዓልቲ ኸኣ ክልተ ባሬቶ ወይ ክልተ ጫጩት ርግቢ ትውሰድ፡ ኣብ ካህን ናብ ኣፍ ድንኳን ምርኻብ ድማ ተምጽኣየን።

³⁰እቲ ኻህን ድማ እታ ንመስዋእቲ ሓጢኣት፡ እት ሓንቲ ኸእእ ንዚሓርር መስዋእቲ ይግበረን። እቲ ኻህንውን ካብ ምኽዓው ርኽሰታ ኣብ ቅድሚ እግዚኣብሄር የተዐርቃ።

³¹ነታ ኣብ ማእከሎም ዘላ ማሕደረይ ምስ ኣርከሱ፡ ብርኽሰቶም ከይሞቱስ፡ ከምዚ ንደቂ እስራኤል ርኽሰቶም ፍለየዎም።

³²ናይ ጅግልን ናይቲ ዘርኡ ዚከዐዎን፡ ብእኡ ድማ ዘረኸሰ፡ ብዛዕባ እታ ብጻግኒኣ ዝሓመመትን ብዛዕባ ዘርኡ ዚክዐዎ ሰብኣይን ሰበይትን፡ ብዛዕባ ምስ ዝረኸሰት ሰበይቲ ዚድቅስ ሰብኣይ ድማ ሕጉ እዚ እዩ።

³³ናይ ጅግልን ናይቲ ዘርኡ ዚከዐዎን፡ ብእኡ ድማ ዘረኸሰ፡ ብዛዕባ እታ ብጻግኒኣ ዝሓመመትን ብዛዕባ ዘርኡ ዚክዐዎ ሰብኣይን ሰበይትን፡ ብዛዕባ ምስ ዝረኸሰት ሰበይቲ ዚድቅስ ሰብኣይ ድማ ሕጉ እዚ እዩ።