Read መ/ቅዱስ ትግርኛ, Tigrigna Bible, 1997 ኦሪት ዘሌዋውያን 18 Bible Online

ኦሪት ዘሌዋውያን 18 - መ/ቅዱስ ትግርኛ, Tigrigna Bible, 1997 bible

ኦሪት ዘሌዋውያን 18

¹እግዚኣብሄር ድማ ንሙሰኢ ኸምዚ ኢሉ ተዛረቦ፡

²ንደቂ እስራኣኤል ተዛረቦም፡ በሎም ከኣ፡ ኣነ እግዚኣብሄር ኣምላኽኩም እየ።

³ከም ግብሪ እታ ዝነበርኩምዋ ምድሪ ግብጺ ኣይትግበሩ። ከም ግብሪ እታ ኣነ ናብኣ ዘእተውኩም ሃገር ከንኣን ድማ ኣይትግበሩ፡ ብስርዓቶምውን ኣይትመላለሱ።

⁴ብእኡ ኽትመላለስ ፍርድታተይ ግበሩ ሕጋጋተይ ከኣ ሓልው። ኣነ እግዚኣብሄር ኣምላኽኩም እየ።

⁵ሕጋጋተይ ፍርድታተይን ሓልው፡ እቲ ዝገብሮ ሰብ ብእኡ ሃይው ይኸውን። ኣነ እግዚኣብሄር እየ።

⁶ሓደ ሰብ እኳ ቀረባ ዘመዱ ናብ ዘበለት ሕፍረታ ኪቐልዕ ኢሉ ኣይቕረባ። ኣነ እግዚኣብሄር እየ።

⁷ሕፍረት ኣቦኻን ሕፍረት ኣዴኻን ኣይትቕላዕ፡ ኣዴኻ እያ እሞ፡ ሕፍረታ ኣይትቕላኦ።

⁸ሕፍረት ሰበይቲ ኣቦኻ ኣይትቕላዕ፡ ሕፍረት ኣቦኻ እዩ።

⁹ሕፍረት ሓብትኻ ኣይትቕላዕ፡ ጓል ኣባኾ ወይ ጓል ኣዴኻ፡ ኣብ ቤት እተወልደት ወይ ኣብ ግዳም እተወልደት፡ ሕፍረታ ኣይትቕላዕ።

¹⁰ሕፍረት ጓል ወድኻ ወይ ጓል ጓልካ፡ ሕፍረትካ እዩ እሞ፡ ሕፍረተን ኣይትቕላዕ።

¹¹ሕፍረት ጓል ሰበይቲ ኣቦኻ፡ ካብ ኣቦኻ እተወልደት ሓብትኻ እያ፡ ሕፍረታ ኣይተቕላዕ ።

¹²ሕፍረት ኣሞኻ ኣይትቕላዕ ንሳ ቐረባ ዘመድ ኣቦኻ እያ።

¹³ቀረባ ዘመድ ኣዴኻ እያ እሞ፡ ሕፍረት ሓትኖኻ ኣይትቕላዕ።

¹⁴ሕፍረት ሓው ኣቦኻ ኣይትቕላዕ፡ ናብ ሰበይቲ ኣይትቕረብ፡ ሓፍቲ ኣቦኻ እያ።

¹⁵ሕፍረት ሰበይቲ ወድኻ ኣይትቕላዕ፡ ሰበይቲ ውድኻ እያ ሕፍረታ ኣይትቕላዕ።

¹⁶ሕፍረት ሰበይቲ ሓውካ ኣይትቕላዕ፡ ሕፍረት ሓውካ እዩ።

¹⁷ሕፍረት ሰበይትን ጓላን ኣይትቕላዕ፡ ጓል ወዳ ጓል ጓላ ድማ ሕፍረታ ንምቕላዕ ኣይትውሰድ፡ ንሳተን ቀረባ ዘመድ እየን እሞ፡ ገበን ኣዩ።

¹⁸ብህይወታ ኸላ ሕፍረታ ብምቕላዕ ከተቕንኣ ሰበይቲ ምስናይ ሓብታ ኣይትእቱ።

¹⁹ሰበይቲ ብጻግኒኣ ረኺሳ ኸላ፡ ሕፍረታ ኽትቀልዕ ኸይትረክስ፡ ብስጋ ምስኣ ንምርኻብ ኣይትደቅስ።

²⁰ካብ ዘርእኻ ንሞሎኽ ብሓዊ ንምሕላፍ ኣይትሀብ። ስም ኣምላኽካ ኣይተርክስ። ኣነ እግዚኣብሄር እየ።

²¹ካብ ዘርእኻ ንሞሎኽ ብሓዊ ንምሕላፍ ኣይትሀብ። ስም ኣምላኽካ ኣይተርክስ። ኣነ እግዚኣብሄር እየ።

²²ከም ምስ ሰበይቲ ምድቃስ ምስ ሰብኣይ ኣይትደቅስ፡ እዚ ጽያፍ ኣዩ።

²³ብእኣ ኸይትረክስ፡ ምስ ገለ እንስሳ ብስጋ ኣይትራኸባ። ሰበይቲ ድማ ብስጋ ክትራኸብ ኢላ ኣብ ቅድሚ እንስሳ ደው ኣይትበል እዚ ጉድ ነገር እዩ።

²⁴እቶም ኣነ ኻብ ቅድሜኹም ዝሰጎም ህዝብታት በዚ ኹሉ ረኺሶም እዮም እሞ፡ በዚ ኹሉ ኣይትርከሱ።

²⁵እታ ምድሪ በዚ ረኽሰት፡ ኣነ ኸኣ ሓጢኣት ኣብ ርእሳ ኽመልስ እየ፡ እታ ምድሪ ድማ ነቶም ዚነብርዎ ኽትተፍኦም እያ።

²⁶ንስኻትኩም ግን ሕጋግተይን ፍርድታተይን ሓልው፡ ወዲ ዓዲ ኾነ ውወ ኣብ መንጎኹም ዝነብር ጓና፡ ካብ ክሉ እዚ ጽያፍ ዚ ገል ኣይትግበሩ።

²⁷እዝ ኹሉ ጽያፍ እቶም ቅድሜኹም ኣባ ዝነብሩ ሰብ እታ ሃገር ገይሮምዎ እዮም እሞ፡ እታ ምድሪ ረኸሰት።

²⁸እታ ምድሪ ምስ ኣርከስኩምዋ፡ ነቶም ቅድሜኽም ዝንበርዋ ህዝቢ ኸም ዝተፍእቶም፡ ንኣኻትኩም ድም ከይትተፋኩም።

²⁹ካብዚ ኹሉ ጽያፍ እዚ ዝገበር ዘበል፡ ተን ዝገብራ ንፍሳት ካብ መንጎ ህዝበን ኪምንቆሳ እየን።

³⁰እቲ ቕድሜኹም ዚገብርው ዝነበሩ ርኹስ ስራታት ከይትገብሩ ብእኡ ኸኣ ከይትርኽሱ፡ እቲ ኽትልውዎ ኢለ ዝኣዘዝክኹም ሓልው። ኣነ እግዚኣብሄር ኣምላኽኩም እየ።