Read መ/ቅዱስ ትግርኛ, Tigrigna Bible, 1997 ኦሪት ዘሌዋውያን 20 Bible Online

ኦሪት ዘሌዋውያን 20 - መ/ቅዱስ ትግርኛ, Tigrigna Bible, 1997 bible

ኦሪት ዘሌዋውያን 20

¹እግዚኣብሄር ድማ ንሙሴ ኸምዚ ኢሉ ተዛረቦ፡

²ንደቂ እስራኤል በሎም፡ ዝኾነ ሰብ ካብ ደቂ እስራኤል፡ ወይ ኣብ እስራኤል ካብ ዚነብሩ ጓኖት፡ ካብ ዘርኡ ንሞሎኽ ዚህብ፡ ሞት ይሙት፡ ህዝቢ እታ ሃገር ብዳርባ እምኒ ይቐተልዎ።

³መቕደሰይ ኬርክስን ቅዱስ ስመይ ከኣ ኬሕስርን፡ ካብ ዘርኡ ንሞሎኽ ሂቡ እዩ እሞ፡ ኣነ ገጸይ ናብቲ ሰብ እቲ ኽመልስ፡ ካብ ህዝቡ ድማ ክምንቁሶ እየ።

⁴እቲ ሰብኣይ ዘርኡ ንሞሎኽ ኪህብ ከሎ፡ ኣቶም ህዝቢ ኣታ ሃገር ከይቕትሎም ኣዒንቶም እንተ ዐመቱ፡

⁵ሽዑ ኣነ ናብቲ ሰብኣይ እትን ናብ ቤተሰቡን ገጸይ ክመልስ ኣየ፡ ንኣኡን ነቶም ምስ ሞሎኽ ኪምንዝሩ ብምንዝርና ዚስዕብዎ ኹሎም ድማ ካብ መንጎ ህዝቦም ክምንቁሶም እየ።

⁶ናብቶም መናፍስቲ ጥንቆላ ዘለውዎምን ናብ መውደቕቲ ዛዕጎልን ብምንዝርና ኽትስዕቦም ኢለ እትምለስ ነፍሲ፡ ኣነ ገጸይ ናብታ ነፍሲ እቲኣ ኽመልስ ኣየ፡ ካብ መንጎ ህዝባ ኸኣ ክምንቁሳ እየ።

⁷ኣነ እግዚኣብሄር ኣምላኽኩም እየ፡ ስለዚ ንስኻትኩም ተቐደሱ ቅዱሳት ድማ ኩኑ።

⁸ሕጋጋተይ ሐልው፡ ግበርዎውን። ዝቕድሰኩም ኣነ እግዚኣብሄር እየ።

⁹ዝኾነ ሰብ ነቦኡ ወይ ነዲኡ ዝረገመ፡ ሞት ይሙት። ነቡኡን ነዲኡን ረጊሙ እዩ እሞ። ደሙ ኣብ ልዕሊኡ እዩ።

¹⁰ኣብ ሰበይቲ ሰብኣይ ዝዘወወ ሰብ፡ ኣብ ሰበይቲ ብጻዩ ዝዘመወ፡ እቲ ዝዘመወን ኣታ ዝዘመወትን ሞት ይሙቱ።

¹¹ምስ ሰበይቲ ኣቡኡ ዝደቀሰ ሰብ፡ ሕፍረት ኣቧኡ ቐልዔ፡ ክልቲኦም ሞት ይሙቱ፡ ደሞም ኣብ ልዕሊኦም ኣዩ።

¹²ምስ ሰበይቲ ወዱ ዝደቀሰ ሰብ፡ ክልቲኣኦም ሞት ይሙቱ። ነውሪ ገይሮም ኣዮም፡ ደሞም ኣብ ልዕሊኦም እዩ።

¹³ሰብኣይ ከም ዘበይቲ ምስ ሰብኣይ እንተ ደቀሰ፡ ክልቲኦም ነውሪ ገይሮም እዮም፡ ሞት ይሙቱ፡ ደሞም ኣብ ልዕሊ ኦም እዩ።

¹⁴ሓደ ሰብ ድማ ጓልን ኣዲኣን ኣንተ ኣእተወ፡ እዚ ርኽሰት እዩ፡ ርኽሰት ኣብ ማኣከልኩም ከይርከብሲ፡ ንሱን ንሳተንን ብሓዊ ይንደዳ።

¹⁵ሰብ ከኣ ምስ እንስሳ ብስጋ ኣንተ ተራኸበ፡ ሞት ይሙት፡ ነታ እንስሳውን ቅተልዋ።

¹⁶ሰበይቲ ድማ ብስጋ ኽትራኸቦ ኢላ ናብ ገለ እንስሳ እንተ ቖረበት፡ ነታ ሰበይትን ነቲ እንስሳን ቅተሎም፡ ሞት ይሙቱ፡ ደሞም ኣብ ልዕሊኦም እዩ።

¹⁷ሰብ ከኣ ሓብቱ፡ ጓል ኣቧኡ ወይ ጓል ኣዲኡ፡ እንተ ኣእተወ፡ ሕፍረታ ድማ እንተ ረአየ ንሳውን ሕፍረቱ እንተ ረአየት፡ እዚ ነውሪ እዩ፡ ኣብ ቅድሚ ደቁ ህዝቦም ይምንቆሱ። ንሱ ሕፍረት ሓብቱ ቐሊዑ እዩ፡ ክፍኣቱ ኺጸውር እዩ።

¹⁸ሰብ ከኣ ምስ በዓልቲ ጻግነ ሰበይቲ እንተ ደቀሰ፡ ሕፍረታውን እንተ ቐልዔ፡ ፈልፋሊኣ ቐልዔ፡ ንሳ ኸኣ ፈልፋሊ ደማ ቐልዔት፡ ስለዚ ኽልቲኦም ካብ ማእከል ህዝቦም ኪምንቆሱ እዮም።

¹⁹ሕፍረት ሓትኖኻን ኣሞኻን ኣይትቕላዕ። ሕፍረት ቀረባ ስጋኡ ቐሊዑ እዩ እሞ፡ ክፍኣቶም ኪጾሩ እዮም።

²⁰ሰብ ድማ ምስ ሰበይቲ ሓው ኣቦኡ እንተ ደቀሰ፡ ሕፍረት ሃው ኣቡኡ ቖልዔ፡ ሓጢኣቶም ይጹሩ፡ ሓድጊ ዜብሎም ይሙቱ።

²¹ሰብ ከኣኣ ሰበይቲ ሓው እንተ ኣእተወ፡ እዚ ርኽሰት እዩ፡ ሕፍረት ሓው ቐልዔ፡ ሓድጊ ዜብሎም ይኹኑ።

²²እታ ኽትነብረላ ኢለ ኣነ ናብኣ ዘእትወኩም ምድሪ ኸይትተፍኣኩምሲ፡ ኩሉ ሕጋጋትይን ኩሉ ፍርድታተይን ሓልውን ግበሩን።

²³ብኣመል እቶም ኣነ ኻብ ቅድሜኹም ዝሰጎም ህዝቢ ኣይትኺድ፡ እዚ ኹሉ ገይሮም እዮም ኣሞ ፈንፈንክዎ።

²⁴በልኩኹም ድማ ንስኻትኩም ምድሮም ክትርስትዩ ኢኹም፡ ኣነ ኸኣ እታ ጸባን መዓርን እትውሕዝ ምድሪ ንርስቲ ኽህበኩም ኣየ። ካብ ህዝብታት ዝፈሌኹኹም ኣነ እግዚኣብሄር ኣምላኽኩም እየ።

²⁵እምበኣርሲ ኣብ መንጎ ንጹሃትን ርኹሳትን እንስሳ፡ ኣብ መንጎ ርኹሳትን ኣዕዋፍ ድማ ፍለዩ፡ በቶም ርኹሳት ገይረ ዝፈለኹልኩም እንስሳን ኣዕዋፍን ኣብ ምድሪ ለመም ዚብልን ነፍሳትኩም ኣይተርክሱ።

²⁶ኣነ እግዚኣብሄር ቅዱስ እየ ኣሞ፡ ቅዱሳት ኩነለይ፡ ናተይ ክትኮነ ኸኣ ካብ ህዝብታት ፈልየልኩም እየ።

²⁷ሰብኣይ ወይ ሰበይቲ መንፈስ ጥንቆላ እንተለዎ፡ ወይ መውደቕ ዛዕጎል እንተ ኾነ፡ ሞት ይሙቱ፡ ብዳርባ ኣምኒ ይቕተልዎም፡ ደጊም ኣብ ልዕሊኦም እዩ።