Read መ/ቅዱስ ትግርኛ, Tigrigna Bible, 1997 ኦሪት ዘሌዋውያን 24 Bible Online

ኦሪት ዘሌዋውያን 24 - መ/ቅዱስ ትግርኛ, Tigrigna Bible, 1997 bible

ኦሪት ዘሌዋውያን 24

¹እግዚኣብሄር ድማ ንሙሴ ኸምዚ ኢሉ ተዛረቦም፡

²እቲ ቐንዴል ዚኸውን እተጎድኤ ጽሩይ ዘይቲ ኣውልዕ ኬምጹልካ አዝዝ።

³ኣሮን ኣብ ድንኳን ምርኻብ፡ ብወጻኢ እቲ ኣብ ቅድሚ ምስክር ዘሎ መጋረጃ ኣብ ቅድሚ እግዚኣብሄር ካብ ምሸት ክሳብ ብጊሓት ወርትግ የዳልዎ። እዚ ንውሉድ ወለዶኹም ሕጊ ዘለኣለም ይኹን።

⁴ነቲ ቐንዴል ኣብቲ ጽሩይ ቀዋሚ ቐንዴል ኣብ ቅድሚ እግዚኣብሄር ወርትግ ይዳልዎ።

⁵ድኹም ሓርጭ ወሲድካ ድማ፡ ካብኡ ዓሰርተው ክልተ እንጌራ ሰንክት፡ ነንሓደ እንጌራ ክልተ ዓስራይ ኣፍ ኤፋ ይኹን።

⁶ኣብቲ ጽሩይ ሰደቓ ኸኣ ኣብ ቅድሚ እግዚኣብሄር በብሹዱሽተ ጌርካ ኣብ ክልተ መስርዕ ኣንብሮ።

⁷ነቲ እንጌራ ድማ ንመዘከርታ፡ መስዋቲ ሓዊ ንእግዚኣብሄር ኪኸውንሲ፡ ኣብ ለልዕሊ እቲ መመስርዕ ኣንጌራ ጽሩይ ዕጣን ኣንብር።

⁸ካብ ደቂ እስራኤል ንኺዳን ዘለኣለም በብመዓልቲ ሰንበት ወርትግ ኣብ ቅድሚ እግዚኣብሄር የዳልዎ።

⁹እዚ ኻብ መስዋእቲ ሓዊ እግዚኣብሄር ንእኡ ቅዱስ ቅዱሳን እዩ፡ ንኣሮንን ንደቁን ይኹን፡ ኣብ ቅዱስ ቦታ አኣ ይብልዕዎ። እዚ ናይ ዘለኣለም ሕጊ እዩ።

¹⁰ወሲ ሓንቲ እስራኤላዊት ሰበይቲ፡ ንሱ ኸኣ ወይ ምስራዊ ሰብኣይ፡ ኣብ ማእከል ደቂ እስራኤል ወጸ፡ ወዲ እታ እስራኤላዊት ሰበይቲ ሓደ እስራኤላዊ ሰብኣይን ድማ ኣብቲ ሰፈር ተበኣሱ።

¹¹ወዲ እታ እስራኤላዊት ሰበይቲ ኸኣ ንስም እግዚኣብሄር ጸረፈን ኣቃለለን። ናብ ሙሴ ድማ ኣምጽእዎ። ስም ኣዲኡ ኸኣኣ ሰሎሚት ጓል ዲቦሪ፡ ካብ ነገድ ዳን ነበረት።

¹²ብዛዕባኡ ብኣፍ እግዚኣብሄር ክሳዕ ዚቑረጸሎም ኣብ ቤት ማኣሰርቲ ኣጽንሕዎ።

¹³እግዚኣብሄር ድማ ንሙሰኢ ኸምዚ ኢሉ ተዛረበ፡

¹⁴ነቲ መቃለሲ ናብ ወጻኢ ሰፈር ኣውጽኣዮ፡ እቶም ዝሰምዕዎ ኹሎም ከኣ ኣእዳዎም ኣብ ልዕሊ ርእሱ የንብሩ፡ ብዘሎ እቲ ኣኼባ ድማ ብዳርባ እምኒ ይቐተሎ።

¹⁵ንደቂ እስራኤል ከኣ ከምዚ ኢልካ ተዛረቦም፡ ዝኾነ ሰብ ንኣምላኹ ዘቃለለ፡ ሓጢኣቱ ይጸውር።

¹⁶እቲ ስም እግዚኣብሄር ዚጸርፍ፡ ሞት ይሙት፡ ብዘሎ እቲ ኣኼባ ብዳርባ እምኒ ይቐተሎ። ጓና ኾነ ወይ ዓዲ፡ ስም እግዚኣብሄር ምስ ዚጸርፍ ይሙት።

¹⁷ንዝኾነ ሰብ ዝቐተለ ሰብ፡ ሞት ይሙት።

¹⁸እንስሳ ዝቐተለ ይተክእ፡ ህይወት ኣብ ክንዲ ህይወት።

¹⁹ሰብ፡ ኣካል ብጻዩ ምስ ዚጉድል፡ ከምቲ ንሱ ዝገብሮ ይግበርዎ።

²⁰ምስባር ኣብ ክንዲ ምስባር፡ ዓይኒ ኣብ ክንዲ ዓይኒ፡ ስኒ ኣብ ክንዲ ስኒ። ከምቲ ንሱ ንሰብ ዘጉደሎ ንእኡ ድማ ከምኡ ይግበርዎ።

²¹እንስሳ ዝቐተለ ይተክኣሉ፡ ሰብ ዝቐተለ ኸኣ ይሙት።

²²ኣነ እግዚኣብሄር ኣምላኽኩም እየ እሞ፡ ንጓና ኸም ዝኾነ፡ ንወዲ ዓዲውን ከምኡ ይኹን፡ ሓደ ፍርዲ ይኹነልኩም።

²³ሙሴ ኸኣ ንደቂ እስራኤል ተዛረቦም፡ ንሳቶም ድማ ነቲ መቃለሊ ናብ ወጻኢ ሰፈር ኣውጺኦም፡ ብዳርባ እምኒ ቐተልዎ። ደቂ እስራኤል ከምቲ እግዚኣብሄር ንሙሴ ዝኣዘዞ ገበሩ።