Read መ/ቅዱስ ትግርኛ, Tigrigna Bible, 1997 ኦሪት ዘሌዋውያን 3 Bible Online

ኦሪት ዘሌዋውያን 3 - መ/ቅዱስ ትግርኛ, Tigrigna Bible, 1997 bible

ኦሪት ዘሌዋውያን 3

¹መስዋእቲ ድማ መስዋእቲ ምስጋና እንተ ኾይኑ፡ እሞ ካብ ኣሓ እንተ ኣቕረበ፡ ተባዕታይ ወይ ኣንስታይ፡ ጎደሎ ዜብሉ ኣብ ቅድሚ እግዚኣብሄር የቕርብ።

²ኢዱ ኸኣ ኣብ ልዕሊ ርእሲ እቲ መስዋእቱ የንብር፡ ኣብ ኣፍ ደገ ድንኳን ምርኻብ ድማ ይሕረዶ። ነቲ ደሙ ኸኣ ካህናት፡ ደቂ ኣሮን፡ ኣብ ልዕሊ መሰውኢ፡ ኣብ ዙርያኡ ይንጸግዎ።

³ካብ መስዋእቲ ምስጋና ድማ እቲ ንናውቲ ኸብዲ ዚኸድን ስብሕን ኣብ ኣምዑት ዘሎ ኹሉ ስብሕን ንእግዚኣብሄር መስዋእቲ ሓዊ የቕርበሉ።

⁴ድማ ክልቲኤን ኩሊት ምስቲ ኣብ ሽምጢ ውሽጢ ዘሎ ስብሔንን ነቲ ኣብ ጥቓ ኾለሊት ዘሎ ስብሒ ኸብድን ይፍለ።

⁵ደቂ ኣሮን ድማ ኣብ መሰውኢ፡ ኣብ ልዕሊ እቲ ኣብ ሓዊ ዘሎ ዕጨይቲ፡ ኣብ ልዕሊ እቲ ዚሓርር መስዋእቲ የሕርርዎ። መስዋእቲ ሓዊ ንእግዚኣብሄር ጥዑም ጨና እዩ።

⁶እቲ ንእግዚኣብሄር ንመስዋእቲ ምስጋና ዜቕርቦ መስዋእቱ ኻብ ጤለበጊዕ ኣንተ ኾይኑ ተባዕታይ ወይ ኣንስታይቲ፡ ጎደሎ ዜብሉ የቕርብ።

⁷ንመስዋእቱ ገንሸል ኣንተ ኣቕረበ፡ ኣብ ቅድሚ እግዚኣብሄር የቕርቦ።

⁸ኢዱ ኣብ ልዕሊ ርእሲ እቲ መስዋእቱ ኣንቢሩ ኣብ ቅድሚ ድንኳን ምርኻብ ይሕረዶ። ነቲ ደሙ ድማ ደቂ ኣሮን ኣብ ልዕሊ መሰውኢ ኣብ ዙርያኡ ይንጸግዎ።

⁹ካብቲ መሰዋእቲ ምሳና ድማ እቲ ስብሑ፡ ብዘሎ ኾልኮሉ ኻብ ቀራጺቶ ፈልዩ ምስናይ እቲ ንናውቲ ኸብዲ ዘሎ ኹሉ ስብሕን እቲ ኣብ ናውቲ ኻብዲ ዘሎ ኹሉ ስብሕን ክልቲኤን ኩሊት ምስቲ ኣብ ሽምጢ ውሽጢ ዘሎ ስብሒ ኸብድን ስብሕን ኸብድን ንእግዚኣብሄር መስዋእቲ ሓዊ የቕርቦ።

¹⁰ካብቲ መሰዋእቲ ምሳና ድማ እቲ ስብሑ፡ ብዘሎ ኾልኮሉ ኻብ ቀራጺቶ ፈልዩ ምስናይ እቲ ንናውቲ ኸብዲ ዘሎ ኹሉ ስብሕን እቲ ኣብ ናውቲ ኻብዲ ዘሎ ኹሉ ስብሕን ክልቲኤን ኩሊት ምስቲ ኣብ ሽምጢ ውሽጢ ዘሎ ስብሒ ኸብድን ስብሕን ኸብድን ንእግዚኣብሄር መስዋእቲ ሓዊ የቕርቦ።

¹¹እቲ ኻህን ድማ ኣብ መሰውኢ የሕርሮ። ንእግዚኣብሄር ብሓዊ እተገብረ መስዋእቲ ብልዒ እዩ።

¹²መስዋእቲ ጤል እንተ ኾይና፡ ኣብ ቅድሚ እግዚኣብሄር የቕርቦ።

¹³ኢዱ ኣብ ልዕሊ ርእሳ ኣንቢሩ ድማ ኣብ ቅድሚ ድንኳን ምርኻብ ይሕረዳ። ደቂ ኣሮን ከኣ ነቲ ደማ ኣብ ልዕሊ መስውኢ፡ ኣብ ዙርያኡ ይንጸግዎ።

¹⁴ካብኡ እቲ ንናውቲ ኸብዲ ዚኸድን ስብሕን ኣናውቲ ኸብዲ ዘሎ ኹሉ ስብሕን፡ ክልቲኤን ኩሊት ምስቲ ኣብ ሽምጢ ውሽጢ ዘሎ ስብሔንን እቲ ኻብ ጥቓ ኹሊት ዚፈልዮ ስብሒ ኸብድን መስዋእቱ ንእግዚኣብሄር መስውእቲ ሓዊ የቕርበሉ።

¹⁵ካብኡ እቲ ንናውቲ ኸብዲ ዚኸድን ስብሕን ኣናውቲ ኸብዲ ዘሎ ኹሉ ስብሕን፡ ክልቲኤን ኩሊት ምስቲ ኣብ ሽምጢ ውሽጢ ዘሎ ስብሔንን እቲ ኻብ ጥቓ ኹሊት ዚፈልዮ ስብሒ ኸብድን መስዋእቱ ንእግዚኣብሄር መስውእቲ ሓዊ የቕርበሉ።

¹⁶እቲ ኻህን ድማ ነዚ ኣብ መሰውኢ የሕርሮ። እንጌራ መስዋእቲ ሓዊ ንጥዑም ጨና እዩ። ኩሉ ስብሒ ናይ ኣግዚኣብሄር እዩ።

¹⁷እዚ ኣብ ኩሉ እትነብርዎ ንውሉድ ወለዶኹም ሕጊ ዘለኣለም ይኹን፡ ስብሒ ዘበልን ደም ዘበልን ኣይትብልዑ።