Read መ/ቅዱስ ትግርኛ, Tigrigna Bible, 1997 ኦሪት ዘሌዋውያን 4 Bible Online

ኦሪት ዘሌዋውያን 4 - መ/ቅዱስ ትግርኛ, Tigrigna Bible, 1997 bible

ኦሪት ዘሌዋውያን 4

¹እግዚኣብሄር ድማ ንሙሴ ኸምዚ ኢሉ ተዛረቦ፡

²ደቂ እስራኤል ከምዚ ኢልካ ተዛረቦም፡ ሓደ ሰብ፡ ካብቲ እግዚኣብሄር ኣይትግበርዎ ኢሉ ዝኣዘዞ ኹሉ፡ ሓደ ብምግባሩ ብዘይ ፍልጠት ሓጢኣት እንተ ገበረ፡

³እቲ እተቐብኤ ኻህን እንተ ኾይኑ ሓጢኣት ዝገበረ፡ እሞ በዚ ነቲ ህዝቢ በዳሊ እንተ ገበሮ፡ ስለቲ ዝገበሮ ሓጢኣቱ ንመስዋእቲ ሓጢኣት ጎደሎ ዜብሉ ዝራብዕ ንእግዚኣብሄር የቕርበሉ።

⁴ነቲ ዝራብዕ ናብ ቅድሚ እግዚኣብሄር ናብ ኣፍ ደገ ድንኳን ምርኻብ የእትዎ።

⁵እሞ እቲ ኻህን ኣጻብዑ ኣብቲ ደም ይጥማዕ፡ ካብቲ ደም ከኣ ኣብ ቅድሚ እግዚኣብሄር፡ ኣብ ቅድሚ መጋረጃ መቕደስ ሾብዓተ ሳዕ ይንጸግ።

⁶እሞ እቲ ኻህን ኣጻብዑ ኣብቲ ደም ይጥማዕ፡ ካብቲ ደም ከኣ ኣብ ቅድሚ እግዚኣብሄር፡ ኣብ ቅድሚ መጋረጃ መቕደስ ሾብዓተ ሳዕ ይንጸግ።

⁷እቲ ኻህን ድማ ካብቲ ደም ኣብ ኣቕርንቲ እጢ ኣብ ቅድሚ እግዚኣብሄር፡ ኣብ ድንኳን ምርኻብ ዘሎ መሰውኢ ምኡዝ ዕጣን ይግበር። ኩሉ ደም እቲ ዝራብዕ ከኣ ኣብ እግሪ እቲ ኣብ ኣፍ ደፈ ድንኳን ምርኻብ ዘሎ መሰውኢ ምሕራር ይኽዐዎ።

⁸ካብቲ ዝራብዕ መስዋእቲ ሓጢኣት ኩሉ ስብሒ፡ እቲ ንናውቲ ኸብዲ ዚኸድን ስብሕን እቲ ንናውቲ ኸብዲ ዚኸድን ስብሕን እቲ ኣብ ናውቲ ኸብዲ ዘሎ ኹሉ ስብሕን የልዕል፡

⁹ድማ ክልቲኤን ኩሊትን እቲ ኣብ ሽምጢ ውሽጢ ዘሎ ስብሔንን እቲ ኣብ ጥቓ ኾለሊት ዘሎ ስብሒ ኸብድን የልዕል፡

¹⁰ከምቲ ኻብ ዝራብዕ መስዋእቲ ምስጋና ዚልዐል፡ ነዚ እቲ ኻህን ኣብ መሰውኢ ምሕራር የሕርሮ።

¹¹ቆርበት እቲ ዝራብዕን ኩሉ ስጋኡን ምስናይ ርእሱን መሓውሩን ናውቲ ኸብዱን ፈርሱን፡

¹²እቲ ዝራብዕ ብምሉእ ኻብ ሰፈር ናብ ጽርይቲ ቦታ፡ ናብቲ ሓሙኹሽቲ ዚጎሓፉ የምጽኣዮ። ኣብ ልዕሊ ዕጨይቲ ገይሩ ሓዊ የሕረር።

¹³ብዘሎ እቲ ኣኼባ እስራኣኤል ኣንተ ሰሐተ፡ ኣቲ ነገር ከኣ ካብ ኣዒንቲ ማሕበር እንተ ተኸወለ እሞ ካብቲ እግዚኣብሄር፡ ኣይትግበርዎ፡ ኢሉ ዝአዘዞ ኹሉ፡ ሓደ ብምግባሮም እንተ በደሉ።

¹⁴እቲ ዝገብርዎ ሓጢኣት ምስ ተፈልጠ፡ እታ ማሕበር ንመስዋእቲ ሓጢኣት ሃደ ዝራብዕ ተቕርብ፡ ናብ ቅድሚ ድንኳን ምርኻብ ከኣ ተምጽኣዮ።

¹⁵እቶም ዓበይቲ እቲ ኣኼባ ድማ ኣብ ቅድሚ እግዚኣብሄር ይተሓረድ።

¹⁶እቲ እተቐብኤ ኻህን ድማ ካብ ደም ዝራብዕ ናብ ድንኳን ምርኻብ የምጽእ።

¹⁷እቲ ኻህን ከኣ ኣጻብዑ ኣብቲ ደም ጠሚዑ ኣብ ቅድሚ እግዚኣብሄር፡ ናብ ቅድሚ መጋረጃ ሾብዓተ ሳዕ ይንጸግ።

¹⁸ካብቲ ደም ከኣ ኣብ ኣቕርንቲ እቲ ኣብ ቅድሚ እግዚኣብሄር፡ ኣብ ድንኳን ምርኻብ ዘሎ መሰውኢ ይግበር። ንኹሉ እቲ ደም ከኣ ኣብ እግሪ እቲ ኣብ ቅድሚ ኣፍ ደገ ስንኳን ምርኻብ ዘሎ መሰውኢ ምሕራር ይኽዐዎ።

¹⁹ንኹሉ እቲ ስብሒ ድማ ኣብኡ ኣልዒሉ ኣብ መሰውኢ የሕርሮ።

²⁰እዚ ነቲ ዝራብዕ ይግበር፡ ነቲ ዝራብዕ መስዋእቲ ሓጢኣት ከም ዝገበሮ፡ ነዚ ኸኣ ከምእይ ይግበሮ። ከምኡ እቲ ኻህን የተዐርቆም፡ ሽዑ ይሕደገሎም።

²¹ነቲ ዝራብዕ ድማ ካብቲ ሰፈር ንወጻኣኢ የውጽኣዮ፡ ነቲ ቐዳማይ ዝራብዕ ከም ዘሕረሮ፡ የሕርሮ። እዚ ናይቲ ኣኼባ መስዋእቲ ሓጢኣት እዩ።

²²ሓደ ሹም ከኣ ከይፈለጠ ኻብቲ እግዚኣብሄር ኣምላኹ፡ ኣይትግበርዎ፡ ኢሉ ዝአዘዞ ኹሉ፡ ሓደ ብምግባሩ በዲሉ እንተ ሓጥኤ፡

²³እቲ ዝገበሮ ሓጢኣት ድማ እንተ ተፈለጦ፡ ንመስዋእቱ ኻብ ኣጣሉ ሓደ ተባዕታይ ጎደሎ ዜብሉ ድቤላ የምጽእ።

²⁴ኢዱ ኣብ ርእሲ እቲ ድቤላ የንብር፡ ኣብታ ኣብ ቅድሚ እግዚኣብሄር ዚሐርር መስዋእቲ ዚሐርዱላ ቦታ ኸእ ይሕረዶ። ንሱ መስዋኣቲ ሓጢኣት እዩ።

²⁵እቲ ኻህን ድማ ካብቲ ደም መስዋእቲ ሓጢኣት በጻብዑ ይውሰድ፡ ኣብ ልዕሊ ቐርኒ መሰውኢ ምሕራርውን ይግበሮ። ነቲ ደሙ ኸኣ ኣብ እግሪ መሰውኢ ምሕራር ይኽዐዎ።

²⁶ንኹሉ እቲ ስብሑ ድማ ከምቲ ስብሒ መስዋእቲ ምስጋና ዚግበር፡ ኣብ መሰውኢ የሕርሮ። እቲ ኻህን ድማ ካብ ሓጢኣቱ የተዐርቆ፡ ይሕደገሉ ኸአ።

²⁷ካብ ህዝቢ እታ ሃገር ሓንቲ ነፍሲ፡ ከይፈለጠት ካብቲ እግዚኣብሄር ፡ ኣይትግበርዎ፡ ኢሉ ዝኣዘዞስ ሓደ ብምግባራ በዲላ እንተ ሓጥኤት፡

²⁸እቲ ዝገበሮ ሓጢኣቱ መስዋእቱ ጎደሎ ዜብላ ኣንስተይቲ ጤል የምጽእ።

²⁹ኢዱ ድማ ኣብ ልዕሊ ርእሲ እታ መስዋእቲ ሓጢኣት የንብር፡ ነታ መስዋእቲ ይሕረዳ።

³⁰እቲ ኻህን ድማ ካብ ደማ ብጻብዑ ወዲሱ፡ ኣብ ልዕሊ ቐርኒ መሰውኢ ምሕራር ይግበር፡ ንኹሉ እቲ ደም ከኣ ኣብ እግዚኣብሄር መሰውኢ ይኽዐዎ።

³¹ከምቲ ኻብ መስዋኣቲ ምስጋና ዚፍለ ስብሒ፡ ንኹሉ እቲ ስብሒ ይፍለ፡ እቲ ኻህን ድማ ንእግዚኣብሄር ንጥዑም ጨና ኣብ መሰውኢ የሕርሮ። እቲ ኻህን ድማ የተዐርቆ፡ ይሕደገሉ ኸአ።

³²ንመስዋእቲ ሓጢኣቱ ገንሸል እንተ ኣምጽኤ ኸአ፡ ጎደሎ ዜብላ ኣንስተይቲ የምጽእ።

³³ኢዱ ድማ ኣ ልዕሊ ርእሲ እታ መስዋእቲ ሓጢኣት የንብር፡ ኣብታ ዚሓርር መስዋእቲ ዚሓርዱላ ቦታ ንመስዋእቲ ሓጢኣት ይሕረዳ።

³⁴እቲ ኻህን ድማ ካብ ደም እታ መስዋእቲ ሓጢኣት በጻብዑ፡ ኣብ ልዕሊ ቐርኒ መሰውኢ ምሕራር ይግበር። ንኹሉ ድማ ኸኣ ኣብ እግሪ መሰውኢ የሕርሮ። እቲ ኻህን ድማ ብዛዕባ እዪ ዝገበሮ ሓጢኣቱ የተዐርቆ፡ ይሕደገሉ ኸኣ።