Read መ/ቅዱስ ትግርኛ, Tigrigna Bible, 1997 ኦሪት ዘሌዋውያን 9 Bible Online

ኦሪት ዘሌዋውያን 9 - መ/ቅዱስ ትግርኛ, Tigrigna Bible, 1997 bible

ኦሪት ዘሌዋውያን 9

¹ኮነ ድማ፡ ሙሴ ኣብ ሳምነይቲ መዓልቲ ንኣሮንን ንደቁን ንዓበይቲ እስራኤልን ጸውዖም።

²ንኣሮን ከኣኣ በሎ፡ ጎደሎ ዜብሎም ተባዕታይ ጣዕዋ ንመስዋእቲ ሓጢኣት፡ ሓደ ድዑል ከኣ ንዚሓርር መስዋእቲ ወሲድካ ናብ ደቂ እግዚኣብሄር ኣቕርብዎ።

³ንደቂ እስራኣኤል ከኣ ከምዚ ኢልካ ተዛረቦም፡ ንመስዋእቲ ሓጢአት ሓደቤላ፡ ንዚሓርር መስዋእቲ ድማ ሓዳ ታዕዋን ሓደ ገንሸልን፡ ዓመት ዝገበሩ ጎደሎ ዜብሎም ውሰዱ።

⁴ሎሚ እግዚኣብሄር ከረአየኩም እዩ ኣሞ፡ ንመስዋእቲ ምስጋና ሓደ ዝራብዕ ሓደ ድዑልን ዘይቲ እተኻዕዎ መስዋእቲ ብልዕን ኣብ ቅድሚ እግዚኣብሄር ሰውኡ።

⁵እቲ ሙሴ ዝኣዘዞ ኸኣ ናብ ቅድሚ ድንኳን ምርኻብ ኣምጽኦ። ኩሉ እቲ ኣኤባ ድማ ቀሪቡ ኣብ ቅድሚ እግዚኣብሄር ክትገብርው ዝኣዘዞ ነገር እዚ እዩ፡ ክብሪ እግዚኣብሄር ከኣ ኪረኣየኩም እዩ በለ።

⁶ሙሴ ድማ ንኣሮን፡ ናብ መሰውኢ ቐሪብካ ናይ ሓጢኣት መስዋእትኻን ዚሐርር መስዋእትኻን ሰውእ፡ ንርእስኻን ንህዝብን ከአ ኣተዐርቕ። ከምቲ እግዚኣብሄር ዝኣዘዞ ድማ፡ መስዋእቲ ህዝቢ ሰውእ፡ እተዐረቖምውን፡ በሎ።

⁷ሙሴ ድማ ንኣሮን፡ ናብ መሰውኢ ቐሪብካ ናይ ሓጢኣት መስዋእትኻን ዚሐርር መስዋእትኻን ሰውእ፡ ንርእስኻን ንህዝብን ከአ ኣተዐርቕ። ከምቲ እግዚኣብሄር ዝኣዘዞ ድማ፡ መስዋእቲ ህዝቢ ሰውእ፡ እተዐረቖምውን፡ በሎ።

⁸ሽዑ ኣሮን ናብ መሰውኢ ቐረበ እሞ ነቲ ምእንታኡ መስዋእቲ ሓጢኣት ዝነበረ ጣዕዋ ሓረዶ።

⁹ደቂ ኣሮን ድማ እቲ ደም ኣቕረቡሉ፡ ንሱ ኸኣ ኣጻብዑ ኣብ ደም ጠሚዑ ኣቕርንቲ መሰውኢ ለኸየ፡ ነቲ ደም ከኣ ኣብ እግሪ መሰውኢ ኸዐዎ።

¹⁰ናይቲ መስዋእቲ ሓጢኣት ስብሕን ኮላሊትን ቋንጢጥ ከብድን ግና፡ ከምቲ እግዚኣብሄር ንሙሴ ዝኣዘዞ፡ ኣብ መሰውኢ ኣሕረሮ።

¹¹ስጋኡን ቆርበቱን ከኣኣ ኣብ ወጻኣኢ ሰፈር ብሓዊ ኣንደዶ።

¹²ነቲ ዚሓርር መስዋእቲ ድማ ሓረደ። ደቂ ኣሮን ከኣ እቲ ደም ኣምጽኡሉ፡ ንሱ ድማ ኣብ ልዕሊ መሰውኢ ኣብ ዙርያኡ ነጸጎ።

¹³ነቲ ዚሓርር መስዋኣቲ በብቑራጹ፡ ነቲ ርእሱ ድማ ኣምጽኡሉ፡ ንሱ ኸኣኣ ኣብ ልዕሊ መሰውኢ ኣሕረሮ።

¹⁴ንናውቲ ኸብድን ነእጋርን ሓጺቡ ድማ፡ ኣብ ልዕሊ ቲ ዚሓርር መስዋኣቲ ኣብ መሰውኢ ኣሕረሮ።

¹⁵መስዋእቲ እቲ ህዝቢ ኣቕረባ እሞ ነቲ ድቤላ ምእንቲ ህዝቢ መስዋእቲ ሓጢኣትን ዝነበረ ወሲዱ ሐረዶ፡ ከምቲ ቐዳማይ ከኣ ንመስዋእቲ ሓጢኣት ሰውኦ።

¹⁶ነቲ ዚሓርር መስዋእቲ ድማ ከምቲ ሕጉግ ስርዓት ገይሩ ኣቕረቦ።

¹⁷ብጀካ እቲ ዚሓርር መስዋእቲ ብጊሓት ድማ፡ መስዋእቲ ብልዒ ኣቕረበ፡ ካብኡ ኢድ ምሉእ ወሲዱ ኸኣ፡ ኣብ ልዕሊ እቲ መሰውኢ ኣሕረሮ።

¹⁸ነቲ ዝራብዕን ድዑልን ድማ ምእንቲ ህዝቢ መስዋእቲ ምስጋና ዝነበረ ሓረዶ። ደቂ ኣሮን ከኣ ነቲ ደም ኣምጽኡሉ፡ ንሱ ድማ ኣብ ልዕሊ መሰውኢ ኣብ ዙርያኡ ነጸጎ።

¹⁹ስብሕታት እቲ ዝራብዕን ናይቲ ድዑል ኮልኮሉን ንናውቲ ኸብዲ ዜጎልብብ ቋንጡጥን ኮለሊትን ስብሒ ኸብድን

²⁰ነቲ ስብሕታታብ ልዕሊ ሓኼሊታት ገበርዎ፡ ንሱ ኸኣ ነቲ ስብሒታት ኣብ መሰውኢ ኣሕረሮ።

²¹ኣሮን ከኣ ነተን ሓኼሌታትን የማነይቲ እግርን፡ ከምቲ ሙሴ ዝኣዘዞ፡ ኣብ ቅድሚ እግዚኣብሄር ንዚውዝውዝ መስዋእቲ ወዝወዘን።

²²ኣሮን ድማ ኣእዳው ናብቲ ህዝቢ ኣልዒሉ ባረኾም። መስዋእቲ ሓጢኣትን ዚሐርር መስዋእትን መስዋእቲ ምስጋናን ምስ ሰውኤ፡ ወረደ።

²³ሙሴን ኣሮንን ድማ ናብ ድንኳን ምርኻብ ኣተው፡ ወጺኦም ከኣ ነቲ ህዝቢ ባረኽዎ። ክብሪ እግዚኣብሄር ድማ ንኹሉ እቲ ህዝቢ ተራእዮ።

²⁴ሓዊ ኸኣ ካብ ቅድሚ እግዚኣብሄር ወጸ፡ ነቲ ዚሐርር መስዋእትን ነቲ ስብሕታትን ኣብ ልዕሊ መሰውኢ በልዖ። ኩሎም እቶም ህዝቢ ምስ ረአዩ፡ ኣልል በሉ፡ ብገጾም ከኣ ፍግም በሉ።