Read መ/ቅዱስ ትግርኛ, Tigrigna Bible, 1997 ትንቢት ሕዝቅኤል 11 Bible Online

ትንቢት ሕዝቅኤል 11 - መ/ቅዱስ ትግርኛ, Tigrigna Bible, 1997 bible

ትንቢት ሕዝቅኤል 11

¹መንፈስ ኣልዐለኒ፡ ናብቲ ወገን ምብራቕ፡ ናብቲ ናብ ምብራቕ ኣቢሉ ዚርኢ ደገ ቤት እግዚኣብሄር ድማ ወሰደኒ። እንሆ ኸኣ ኣብቲ ደገ ኣፍ ዕስራን ሓሙሽተን ሰብኣይ ነበሩ፡ ኣብ ማእከሎም ድማ ነቶም መሳፍንቲ ህዝቢ፡ ያኣዛንያ ወዲ ዓዙርን ፈላጥያ ወዲ በናያን ርኤኽዎም።

²በለኒ ኸኣ፡ ኣታ ወዲ ሰብ፡ እዚኣቶም ኣብዛ ኸተማ እዚኣ ሕሰም ዚጠልፉ፡ እኩይ ዚመኽሩ ሰባት እዮም።

³ንሳቶም ድማ፡ ኣይቀረበን፡ ኣባይቲ ንስራሕ፡ ንሳ ድስቲ እያ፡ ንሕና ኸኣ ስጋ ኢና፡ ይብሉ ኣለዉ።

⁴ስለዚ ኣንጻሮም ተነበየሎም፡ ኣታ ወዲ ሰብ፡ ተነበ፡ በለኒ።

⁵መንፈስ እግዚኣብሄር ከኣ ኣባይ ወረደ እሞ፡ እግዚኣብሄርሲ፡ ኣቱም ቤት እስራኤል፡ ንስኻትኩም ከምዚ ትብሉ ኣሎኹም፡ ኣነውን ሓሳባት ልብኹም እፈልጦ እየ። ኣብዛ ኸተማ እዚኣ ብዙሃት ቀተልኩም፡ ነደባባያታ ኸኣ ብቕቱላት መላእኩምዋ፡ ይብል ኣሎ፡ ኢልካ ንገሮም፡ በለኒ።

⁶መንፈስ እግዚኣብሄር ከኣ ኣባይ ወረደ እሞ፡ እግዚኣብሄርሲ፡ ኣቱም ቤት እስራኤል፡ ንስኻትኩም ከምዚ ትብሉ ኣሎኹም፡ ኣነውን ሓሳባት ልብኹም እፈልጦ እየ። ኣብዛ ኸተማ እዚኣ ብዙሃት ቀተልኩም፡ ነደባባያታ ኸኣ ብቕቱላት መላእኩምዋ፡ ይብል ኣሎ፡ ኢልካ ንገሮም፡ በለኒ።

⁷ስለዚ እግዚኣብሄር ኣምላኽ ከምዚ ይብል ኣሎ፡ እቶም ኣብ ማእከላ ዘንበርኩምዎም ቅቱላት፡ ንሳቶም ስጋ እዮም፡ ንሳ ኸኣ ድስቲ እያ፡ ንስኻትኩም ግና ካብ ማእከላ ኽትወጹ ኢኹም።

⁸ሰይፊ ፈራህኩም፡ ሰይፊ ድማ ከምጽኣልኩም እየ፡ ይብል እግዚኣብሄር ኣምላኽ።

⁹ካብ ማእከላ ኸውጽኣኩም፡ ናብ ኢድ ጓኖት ከኣ ከሕልፈኩም፡ ፍርዲውን ኣባኻትኩም ክገብር እየ።

¹⁰ብሰይፊ ኽተወድቁ ኢኹም፡ ኣብ ወሰን እስራኤል ክፈርደኩም እየ፡ ንስኻትኩምውን ኣነ እግዚኣብሄር ምዃነይ ክትፈልጡ ኢኹም።

¹¹እዛ ኸተማ እዚኣ ድስቲ ኣይክትኰነልኩምን፡ ንስኻትኩም ድማ ኣብ ማእከላ ስጋ ኣይክትኰኑን ኢኹም፡ ኣብ ወሰን እስራኤል ክፈርደኩም እየ።

¹²ንስኻትኩምሲ ፍርዲ እቶም ኣብ ዙርያኹም ዘለዉ ኣህዛብ ገበርኩም እምበር፡ ከም ትእዛዛተይ ኣይተመላለስኩምን፡ ፍርደይ ከኣ ኣይገበርኩምን እሞ፡ ኣነ እግዚኣብሄር ምዃነይ ክትፈልጡ ኢኹም።

¹³ኰነ ኸኣ፡ ኣነ ኽንበ ኸሎኹ፡ ፈላጥያ ወዲ በናያ ሞተ። ሽዑ ብግምባረይ ተደፊኤ ዓው ኢለ፡ ኣየ፡ ኣታ እግዚኣብሄር ኣምላኽ፡ ነቶም ትርፎፍያ እስራኤልዶ ብጥራስ ከተጥፍኦም ኢኻ ኢለ ጨራሕኩ።

¹⁴ከምዚ ዚብል ቃል እግዚኣብሄር ድማ ናባይ መጸ፡

¹⁵ኣታ ወዲ ሰብ፡ እቶም ኣብ የሩሳሌም ዚነብሩ እዮም ነሕዋትካ፡ እወ ነሕዋትካ፡ ነቶም ኣዝማድካን ንቤት እስራኤል ዘበሉ ዂሎምን፡ ካብ እግዚኣብሄር ርሐቑ፡ እዛ ሃገር ንኣና ንርስቲ ተውሂባትና እያ። ዝበልዎም።

¹⁶ስለዚ ኸኣ፡ እግዚኣብሄር ኣምላኽ፡ ናብ ማእከል ህዝብታት እኳ እንተ ኣርሐቕክዎም፡ ኣብ ማእከል ሃገራትውን እንተ ዘሮኽዎም፡ ኣብቲ ዘዚመጽዎ ሃገራት ንቕሩብ ጊዜ መቕደስ ክዀኖም እየ፡ ይብል ኣሎ፡ ኢልካ ንገሮም።

¹⁷ስለዚ ድማ፡ እግዚኣብሄር ኣምላኽ፡ ካብቶም ህዝብታት ክእክበኩም፡ ካብቲ ፋሕ ኢልኩምዎ ዘሎኹም ሃገራት ከኣ ክኣኻኽበኩም፡ ሃገር እስራኤልውን ክህበኩም እየ፡ ይብል ኣሎ፡ ኢልካ ንገሮም።

¹⁸ናብኣ ኸኣ ኪመጹ እዮም፡ ኲሉ እቲ ኣብኣ ዘሎ ዜስገድግድ ነገራት ኲሉ ጽያፍን ድማ ካብኣ ኼርሕቅዎ እዮም።

¹⁹ብትእዛዛተይ ምእንቲ ኺመላለሱ፡ ንፍርደይ ከኣ ኪሕልዉን ኪገብርዎን፡ ሓደ ልቢ ኽህቦም፡ ሓድሽ መንፈስ ድማ ኣብ ውሽጥኹም ከሕደረልኩም እየ። ካብ ስጋኦም ናብ እምኒ ልቢ ኸውጽእ፡ ናብ ስጋ ልቢውን ክህቦም እየ። ንሳቶም ህዝበይ ኪዀኑ እዮም፡ ኣነውን ኣምላኾም ክኸውን እየ።

²⁰ብትእዛዛተይ ምእንቲ ኺመላለሱ፡ ንፍርደይ ከኣ ኪሕልዉን ኪገብርዎን፡ ሓደ ልቢ ኽህቦም፡ ሓድሽ መንፈስ ድማ ኣብ ውሽጥኹም ከሕደረልኩም እየ። ካብ ስጋኦም ናብ እምኒ ልቢ ኸውጽእ፡ ናብ ስጋ ልቢውን ክህቦም እየ። ንሳቶም ህዝበይ ኪዀኑ እዮም፡ ኣነውን ኣምላኾም ክኸውን እየ።

²¹ግናኸ እቶም፡ ልቦም ንልቢ እቶም ፍንፋናት ነገሮምን ጽያፎምን ዚስዕብስ፡ መገዶም ኣብ ርእሶም ክመልሰሎም እየ፡ ይብል እግዚኣብሄር ኣምላኽ።

²²ሽዑ እቶም ኪሩቤል ኣኽናፎም ኣልዐሉ፡ እቲ መንኰራዂር ከኣ ጐጐብኦም ነበረ፡ ክብሪ ኣምላኽ እስራኤል ድማ ኣብ ላዕሊ፡ ኣብ ልዕሊኦም ነበረ።

²³ክብሪ እግዚኣብሄር ከኣ ካብ ማእከል እታ ኸተማ ተላዕለ እሞ ኣብ ልዕሊ እቲ ብወገን ምብራቕ እታ ኸተማ ዘሎ ኸረን ቈመ።

²⁴መንፈስ ድማ ኣልዐለኒ፡ በቲ መንፈስ ኣምላኽ ከኣ ብራእይ ናብ ምድሪ ከለዳውያን፡ ናብቶም ምሩኻት ወሰደኒ። እቲ ዝርእዮ ዝነበርኩ ራእይ ድማ ካብ ቅድመይ ህልም በለ።

²⁵ኣነ ኸኣ እቲ እግዚኣብሄር ዘርኣየኒ ዂሉ ቓላት ነቶም ምሩኻት ነገርክዎም።