Read መ/ቅዱስ ትግርኛ, Tigrigna Bible, 1997 ትንቢት ሕዝቅኤል 14 Bible Online

ትንቢት ሕዝቅኤል 14 - መ/ቅዱስ ትግርኛ, Tigrigna Bible, 1997 bible

ትንቢት ሕዝቅኤል 14

¹ሓያሎ ኻብቶም ዓበይቲ እስራኤል ከኣ ናባይ መጺኦም፡ ኣብ ቅድመይ ተቐመጡ።

²ከምዚ ዚብል ቃል እግዚኣብሄር ድማ መጸኒ፡

³ኣታ ወዲ ሰብ፡ እዞም ሰባት እዚኣቶም ንጣኦታቶም ኣብ ልቦም ኣሕዲሮምዎም ኣለዉ፡ ነቲ መዓንቀፊ ኣበሳኦም ከኣ ኣብ ቅድሚ ገጾም ኣቚሞምዎ ኣለዉ። ከመይ ኢለ ደኣ በዚኣቶም ክሕተት እየ

⁴ስለዚ ተዛረቦም፡ እግዚኣብሄር ኣምላኽ፡ ሓደ እኳ ኻብ ቤት እስራኤል፡ ጣኦታቱ ኣብ ልቡ ዜሕድር፡ ነቲ መዓንቀፊ ኣበሳኡ ኸኣ ኣብ ቅድሚ ገጹ ዜቕውም፡ ኣብ ነብዪውን ዚመጽእ ዘበለ፡ ኲላቶም ብሰሪ ጣኦታቶም ካባይ ዘምቢሎም እዮም እሞ፡ ንቤት እስራኤል ብልቦም ምእንቲ ኽሕዞምሲ፡ ኣነ እግዚኣብሄር ከም መጠን ብዝሒ ጣኦታቱ ኽመልሰሉ እየ፡ ይብል ኣሎ፡ ኢልካ ንገሮም።

⁵ስለዚ ተዛረቦም፡ እግዚኣብሄር ኣምላኽ፡ ሓደ እኳ ኻብ ቤት እስራኤል፡ ጣኦታቱ ኣብ ልቡ ዜሕድር፡ ነቲ መዓንቀፊ ኣበሳኡ ኸኣ ኣብ ቅድሚ ገጹ ዜቕውም፡ ኣብ ነብዪውን ዚመጽእ ዘበለ፡ ኲላቶም ብሰሪ ጣኦታቶም ካባይ ዘምቢሎም እዮም እሞ፡ ንቤት እስራኤል ብልቦም ምእንቲ ኽሕዞምሲ፡ ኣነ እግዚኣብሄር ከም መጠን ብዝሒ ጣኦታቱ ኽመልሰሉ እየ፡ ይብል ኣሎ፡ ኢልካ ንገሮም።

⁶ስለዚ ንቤት እስራኤል በሎም፡ እግዚኣብሄር ኣምላኽ ከምዚ ይብል ኣሎ፡ ተመለሱ፡ ካብ ጣኦታትኩም ተመለሱ፡ ካብ ኲሉ ጽያፍኩም ከኣ ገጽኩም ምለሱ።

⁷ሓደ እኳ ኻብ ቤት እስራኤል ወይስ ካብቶም ኣብ እስራኤል ዚነብሩ ዘለዉ መጻእተኛታት ካባይ ዚርሕቕ፡ ንጣኦታቱ ኣብ ልቡ ዜሕድር፡ ነቲ መዓንቀፊ ኣበሳኡ ድማ ኣብ ቅድሚ ገጹ ዜቕውም፡ ንኣይ ኪሐተሉ ኢሉውን ናብ ነብዪ ዚመጽእ፡ ኣነ እግዚኣብሄር ባዕለይ ክመልሰሉ እየ።

⁸ነዚ ሰብኣይ እዚ ንምህንዳድ ኣነ ገጸይ ክመልሰሉ፡ ንምልክትን ምሳሌን ከኣ ክገብሮ፡ ካብ ማእከል ህዝበይውን ከጽንቶ እየ፡ ንስኻትኩምውን እግዚኣብሄር ምዃነይ ክትፈልጡ ኢኹም።

⁹ቤት እስራኤል ህዝበይ ኪዀኑ ኣነውን ኣምላኾም ክኸውን እምበር፡ ድሕርዚ ኻባይ ከይዝምብሉ፡ ሕጊ ብምፍራሶም ዘበለ ዂሉ ኸኣ ከይረኽሱስ፡ እቲ ነብዪ እኳ ተጠቢሩ ቓል እንተ ተዛረበ፡ ነቲ ነብዪ እቲ ኣነ እግዚኣብሄር እየ ዝጠበርክዎ። ኢደይ ናብኡ ኽዝርግሕ እየ እሞ ካብ ማእከል ህዝበይ እስራኤል ከጥፍኦ እየ። በደሎም ድማ ኪጾሩ እዮም፡ በደል እቲ ነብዪ ማዕረ በደል እቲ ሓታቲኡ ኪኸውን እዩ፡ ይብል እግዚኣብሄር ኣምላኽ።

¹⁰ቤት እስራኤል ህዝበይ ኪዀኑ ኣነውን ኣምላኾም ክኸውን እምበር፡ ድሕርዚ ኻባይ ከይዝምብሉ፡ ሕጊ ብምፍራሶም ዘበለ ዂሉ ኸኣ ከይረኽሱስ፡ እቲ ነብዪ እኳ ተጠቢሩ ቓል እንተ ተዛረበ፡ ነቲ ነብዪ እቲ ኣነ እግዚኣብሄር እየ ዝጠበርክዎ። ኢደይ ናብኡ ኽዝርግሕ እየ እሞ ካብ ማእከል ህዝበይ እስራኤል ከጥፍኦ እየ። በደሎም ድማ ኪጾሩ እዮም፡ በደል እቲ ነብዪ ማዕረ በደል እቲ ሓታቲኡ ኪኸውን እዩ፡ ይብል እግዚኣብሄር ኣምላኽ።

¹¹ቤት እስራኤል ህዝበይ ኪዀኑ ኣነውን ኣምላኾም ክኸውን እምበር፡ ድሕርዚ ኻባይ ከይዝምብሉ፡ ሕጊ ብምፍራሶም ዘበለ ዂሉ ኸኣ ከይረኽሱስ፡ እቲ ነብዪ እኳ ተጠቢሩ ቓል እንተ ተዛረበ፡ ነቲ ነብዪ እቲ ኣነ እግዚኣብሄር እየ ዝጠበርክዎ። ኢደይ ናብኡ ኽዝርግሕ እየ እሞ ካብ ማእከል ህዝበይ እስራኤል ከጥፍኦ እየ። በደሎም ድማ ኪጾሩ እዮም፡ በደል እቲ ነብዪ ማዕረ በደል እቲ ሓታቲኡ ኪኸውን እዩ፡ ይብል እግዚኣብሄር ኣምላኽ።

¹²ከምዚ ዚብል ቃል እግዚኣብሄር ድማ መጸኒ፡

¹³ኣታ ወዲ ሰብ፡ ሃገር ኣዝያ ጠሊማ ኣባይ ሓጢኣት እንተ ገበረት፡ ኣነ ኸኣ ኢደይ እንተ ዘርጋሕኩላ፡ ነቲ ምርኩስ እንጌር ድማ እንተ ሰበርኩላ፡ ጥሜት ከኣ እንተ ሰደድኩላ፡ ሰብን እንስሳንውን እንተ ኣጽነትኩላ፡

¹⁴እዞም ሰለስተ ሰብኣይ፡ ኖህን ዳንኤልን እዮብን፡ ኣብኣ እኳ እንተ ጸንሑ፡ ንሳቶምሲ ብጽድቆም ነታ ነፍሶም ጥራይ ደኣ መናገፍዋ፡ ይብል እግዚኣብሄር ኣምላኽ።

¹⁵ብሰሪ እቶም ኣራዊት ሓደ እኳ ብእኣ ምሕላፍ ክሳዕ ዚስእን፡ ምድረ በዳ ገይሮም ክሳዕ ዜጥፍእዋ፡ ኣነ ሕሱማት ኣራዊት ኣብ ማእከል እታ ሃገር እንተ ፈኖኹ፡

¹⁶እዞም ሰለሰተ ሰብኣይ እኳ ኣብኣ እንተ ጸንሑ፡ ኣነ ህያው እየ፡ ይብል እግዚኣብሄር ኣምላኽ፡ ንሳቶምሲ ንርእሶም ጥራይ ደኣ ምተናገፉ እምበር ነወዳት ወይስ ነዋልድ ኣይመናገፉን፡ እታ ሃገር ከኣ ምባደመት።

¹⁷ወይስ ንሰብን እንስሳን ካብኣ ኼጽንትሲ፡ ሰይፊ ኣብ ማእከል እታ ሃገር ይሕለፍ፡ ኢለ ንሰይፊ ናብታ ሃገር እንተ ኣምጻእኩ፡

¹⁸እዞም ሰለስተ ሰብኣይ ኣብኣ እኳ እንተ ጸንሑ፡ ኣነ ህያው እየ፡ ይብል እግዚኣብሄር ኣምላኽ፡ ንሳቶምሲ ንርእሶም ጥራይ ደኣ ምተናገፉ እምበር፡ ነወዳት ወይስ ነዋልድ ኣይመናገፉን።

¹⁹ወይስ ሰብን እንስሳን ካብኣ ኸጽንትሲ፡ ፌራ ናብታ ሃገር እቲኣ እንተ ሰደድኩ፡ ቊጥዓይ ከኣ ብደም እንተ ኽዖኹ፡

²⁰ኖህን ዳንኤልን እዮብን እኳ ኣብኣ እንተ ጸንሑ፡ ንሳቶምሲ ብጽድቆም ንነፍሶም ጥራይ ደኣ መናገፉ እምበር፡ ኣነ ህያው እየ፡ ይብል እግዚኣብሄር ኣምላኽ፡ ወዲ ወይስ ጓል ኣይመናገፉን።

²¹ስለዚ እግዚኣብሄር ኣምላኽ ከምዚ ይብል ኣሎ፡ ሰብን እንስሳን ካብኣ ኸጽንትሲ፡ ነተን ኣርባዕተ ብርቱዓት ፍርደይ፡ ሰይፍን ጥሜትን ሕሱማት ኣራዊትን ፌራን፡ ኣብ የሩሳሌም ምስ ዝሰድድውን፡

²²እንሆ፡ ዜውጽእዎም ኣወዳትን ኣዋልድን ገለ ተረፍ ኬምልጡ እዮም። እንሆ ኸኣ፡ ንሳቶም ናባኻትኩም ኪመጹ እዮም፡ ንብረቶምን ግብሮምን ድማ ክትርእዩ ኢኹም፡ ንስኻትኩምውን በቲ ኣነ ኣብ የሩሳሌም ዘውረድክዎ መዓትን በቲ ዘውረድኩላ ዂሉን ክትጸናንዑ ኢኹም።

²³ንብረቶምን ግብሮምን ምስ ርኤኹም፡ ንምጽንናኦኩም ኪዀኑ እዮም። ኲሉ እቲ ዝገበርክዎስ ብዘይ ምኽንያት ከም ዘይገበርክዎ ኽትፈልጡ ኢኹም፡ ይብል እግዚኣብሄር ኣምላኽ።