Read መ/ቅዱስ ትግርኛ, Tigrigna Bible, 1997 ትንቢት ሕዝቅኤል 20 Bible Online

ትንቢት ሕዝቅኤል 20 - መ/ቅዱስ ትግርኛ, Tigrigna Bible, 1997 bible

ትንቢት ሕዝቅኤል 20

¹ኰነ ኸኣ፡ ኣብታ ሳብዐይቲ ዓመት ኣብ ዓስረይቲ መዓልቲ ኣብቲ ሓምሳይ ወርሒ ሓያሎ ሰባት ካብ ዓበይቲ እስራኤል ንእግዚኣብሄር ኪጥይቑ መጺኦም ኣብ ቅድመይ ተቐመጡ።

³ኣታ ወዲ ሰብ፡ ነቶም ዓበይቲ እስራኤል፡ ክትሐቱኒዶ መጺእኩም ይብል እግዚኣብሄር ኣምላኽ፡ ኣነ ህያው እየ፡ ብኣኻትኩም ኣይሕተትን እየ፡ ይብል እግዚኣብሄር ኣምላኽ፡ ኢልካ ንገሮም።

⁴ክትፈርደሎም ዲኻ ኣታ ወዲ ሰብ፡ ክትፈርደሎም ዲኻ ጽያፍ ኣቦታቶም ኣፍልጦም።

⁵በሎምውን፡ እግዚኣብሄር ኣምላኽ ከምዚ ይብል ኣሎ፡ በታ ንእስራኤል ዝሐሬኹላ መዓልቲ፡ ሽዑ ንዘርኢ ቤት ያእቆብ ኢደይ ኣልዐልኩ፡ ኣብ ሃገር ግብጺ ድማ ተገለጽኩሎም። ኣነ እግዚኣብሄር ኣምላኽኩም እየ፡ ኢለውን ኢደይ ኣልዐልኩሎም።

⁶በታ መዓልቲ እቲኣ ኻብ ሃገር ግብጺ ኸውጽኦም፡ ናብታ ኣነ ዝሐሬኹሎም ጸባን መዓር ዚውሕዛ፡ ካብ ኲለን ሃገራት እትበልጽ ሃገር ከእትዎም፡ ኢለ ኢደይ ኣልዐልኩሎም።

⁷ኣነ ኸኣ። ነፍሲ ወከፍኩም ጽያፍ ዓይኑ ይደርቢ፡ ብጣኦታት ግብጺ ድማ ኣይትርከሱ፡ ኣነ እግዚኣብሄር ኣምላኽኩም እየ፡ በልክዎም።

⁸ንሳቶም ግና ተጻረሩኒ፡ ምስማዔይ ከኣ ኣበዪ፡ ነፍሲ ወከፎም ጽያፍ ዓይኑ ኣይደርበየን፡ ጣኦታት ግብጺውን ኣይሐደገን። ሽዑ ኣብ ማእከል ሃገር ግብጺ ሃና ዂራይ ክወጸሎምሲ፡ ነድረይ ኣብ ልዕሊኦም ክኽዑ እየ፡ በልኩ።

⁹ግናኸ እዚ ዝገበርክዎስ ምእንቲ ስመይ ኣብ ቅድሚ እቶም ኣብ ማእከሎም ዝነበሩ እሞ ኣነ ንኣታቶም ካብ ሃገር ግብጺ ብምውጽኤይ ኣብ ቅድሚኦም እተፈለጥኩሎም ህዝብታት፡ ከይትሐስር ኢለ እየ ዝገበርክዎ።

¹⁰ካብ ሃገር ግብጺ ኸኣ ኣውጻእክዎም፡ ናብ በረኻውን ኣምጻእክዎም።

¹¹ሕጋጋተይ ሀብክዎም፡ ነቲ፡ ሰብ እንተ ገበሮ ብህይወት ዚነብረሉ፡ ፍርደይ ከኣ ኣፍለጥክዎም።

¹²ኣብ ርእሲ እዚ ኸኣ እቲ ዚቕድሶም ኣነ እግዚኣብሄር ምዃነይ ኪፈልጡስ፡ ኣብ መንጎይን ኣብ መንጎኦምን ትእምርቲ ምእንቲ ኪዀና ኢለ፡ ሰናብተይ ሀብክዎም።

¹³ግናኸ ቤት እስራኤል ኣብ በረኻ ኸድዑኒ፡ ከም ትእዛዛተይ ኣይተመላለሱን። ነቲ፡ ሰብ እንተ ገበሮ ብህይወት ዚነብረሉ፡ ፍርደይ ከኣ ኣበይዎ፡ ንሰናብተይውን ኣዝዮም ኣርከስዎ። ሽዑ ኣብቲ በረኻ ኸጥፍኦምሲ፡ ነድረይ ደኣ ክኽዕወሎም በልኩ።

¹⁴ግናኸ ምእንቲ ስመይ ኣብ ቅድሚ ዓይኒ እቶም ኣብ ቅድሚኦም ዘውጻእክዎም ህዝብታት ከይትሐስር ኢለ እየ ዝገበርክዎ።

¹⁵ልቦም ንጣኦታቶም ስለ ዝሰዐበ፡ ፍርደይ ኣብዮም ከም ሕጋጋተይ ከኣ ኣይተመላለሱን፡ ሰናብተይ ድማ ኣርኪሶም እዮም እሞ፡ ናብታ ዝሀብክዎም፡ ጸባን መዓርን እተውሕዝ ካብ ኲላተን ሃገራት ከኣ እትበልጽ ሃገር ኣይከእትዎምን እየ ኢለ ኣብ በረኻ እኳ ኢደይ ኣልዐልኩሎም።

¹⁶ልቦም ንጣኦታቶም ስለ ዝሰዐበ፡ ፍርደይ ኣብዮም ከም ሕጋጋተይ ከኣ ኣይተመላለሱን፡ ሰናብተይ ድማ ኣርኪሶም እዮም እሞ፡ ናብታ ዝሀብክዎም፡ ጸባን መዓርን እተውሕዝ ካብ ኲላተን ሃገራት ከኣ እትበልጽ ሃገር ኣይከእትዎምን እየ ኢለ ኣብ በረኻ እኳ ኢደይ ኣልዐልኩሎም።

¹⁷ግናኸ ዓይነይ ነሐፈቶም እሞ ኣየጥፋእክዎምን፡ ኣብቲ በረኻ ጠሪሰ ኣይወዳእክዎምን።

¹⁸ኣብ በረኻ ኸኣ ንደቆም፡ ከምቲ ሕጋጋት ኣቦታትኩም ኣይትመላለሱ፡ ፍርዶም ድማ ኣይትሐልዉ፡ ብጣኦታቶምውን ኣይትርከሱ፡ በልኽዎም።

¹⁹ኣነ እግዚኣብሄር ኣምላኽኩም እየ፡ ከም ሕጋጋተይ ተመላለሱ፡ ፍርደይ ከኣ ሐልዉ ግበርዎውን።

²⁰ንሰናብተይ ቀድሱ፡ ኣነ እግዚኣብሄር ኣምላኽኩም ምዃነይ ክትፈልጡስ፡ ኣብ መንጎይን ኣብ መንጎኹምን ትእምርቲ ኪዀና እየን።

²¹ግናኸ እቶም ደቂ ኸድዑኒ፡ ከም ሕጋጋተይ ኣይተመላለሱን፡ ነቲ፡ ሰብ እንተ ገበሮ ብህይወት ዚነብረሉ፡ ፍርደይ ኪገብርዎ ኢሎም ኣይሐለውዎን፡ ንሰናብተይውን ኣርከሱ። ሽዑ ኣብቲ በረኻ ሃና ቚጥዓይ ክወጸሎም ነድረይውን ክኽዕወሎም እየ፡ በልኩ።

²²ኣነ ግና ኢደይ መለስኩ፡ ምእንቲ ስመይ፡ ኣብ ቅድሚ ዓይኒ እቶም ኣብ ቅድሚኦም ዘውጻእክዎም ህዝብታት፡ ከይትሐስር ኢለ እየ ዝገበርክዎ።

²³ሕጋጋተይ ኣበዩ፡ ንሰናብተይ ኣርከሱ፡ ኣዒንቶም ንጣኦታት ኣቦታቶም ሰዐባ እምበር፡ ፍርደይ ኣይገበሩን እዮም እሞ፡ ኣነ ኣብ ህዝብታት ፋሕ ከብሎም፡ ናብ ሃገራት ክዘርዎም እየ ኢለ፡ ኣብቲ በረኻ እኳ ኢደይ ኣልዐልኩሎም።

²⁴ሕጋጋተይ ኣበዩ፡ ንሰናብተይ ኣርከሱ፡ ኣዒንቶም ንጣኦታት ኣቦታቶም ሰዐባ እምበር፡ ፍርደይ ኣይገበሩን እዮም እሞ፡ ኣነ ኣብ ህዝብታት ፋሕ ከብሎም፡ ናብ ሃገራት ክዘርዎም እየ ኢለ፡ ኣብቲ በረኻ እኳ ኢደይ ኣልዐልኩሎም።

²⁵ምስናይ እዚ ኣነውን ጽቡቕ ዘይኰነ ትእዛዛት፡ ብህይወት ኪነብሩሉ ዘይከኣሎም ፍርድታት ሀብክዎም።

²⁶ኣነ እግዚኣብሄር ምዃነይ ምእንቲ ኺፈልጡስ፡ ከባድሞም ኢለ፡ በቲ ማሕጸን ኣዲኡ ዝኸፈተ ዂሉ ብሓዊ ዘሕለፍዎ መባኦም ገይረ ኣርከስዎም።

²⁷ስለዚ ኣታ ወዲ ሰብ፡ ንቤት እስራኤል፡ እግዚኣብሄር ኣምላኽ ከምዚ ይብል ኣሎ፡ ኢልካ ንገሮም፡ በዚ ድማ ኣቦታትኩም ንኣይ ብምጥላሞም ጸረፉኒ።

²⁸ናብታ ኽህቦም እየ ኢለ ኢደይ ዘልዐልኩላ ሃገር ምስ ኣእቶኽዎም፡ ኣብኡ ንዂሉ በሪኽ ኲርባን ንዂሉ ልሙዕ ኦምን ጠመቱ፡ መስዋእቶም ድማ ኣብኡ ሰውኡ፡ ኣብኡ ኸኣ ዜዀሪ መባእ ኣቕረቡ፡ ኣብኡ ድማ ጥዑም መኣዛኦም ዐጠኑ፡ ኣብኡውን መስዋእቲ መስቲኦም ከዐዉ።

²⁹ኣነ ኸኣ፡ እዚ ናብኡ እትኸድዎ ዘሎኹም በሪክ እንታይ እዩ በልክዎም። በዚ ኸምዚ ስሙ ኽሳዕ ሎሚ ባማ ይሰምይዎ ኣለዉ።

³⁰ስለዚ ንቤት እስራኤል፡ እግዚኣብሄር ኣምላኽ ከምዚ ይብል ኣሎ፡ ኢልካ ንገሮም፡ ንስኻትኩም ከም መገዲ ኣቦታትኩም እናኸድኩም ረኸስኩም፡ ነቲ ፍንፋን ነገሮም እናሰዐብኩም ዘሞኹም።

³¹መባእኩም ከተቕርቡ ውሉድኩም ድማ ብሓዊ ኸተሕልፉ ኸሎኹም፡ ክሳዕ ሎሚ ብዂሉ ጣኦታትኩም ትረኽሱ ኣሎኹም። ኣቱም ቤት እስራኤል፡ እሞኸ ኣነዶ ብኣኻትኩም ክሕተት እየ ኣነ ህያው እየ፡ ይብል እግዚኣብሄር ኣምላኽ፡ ብኣኻትኩም ኣይክሕተትን እየ።

³²ንሕና፡ ከምቶም ህዝብታትን ዓሌታት ሃገራትን፡ ንዕጭን እምንን ከነምልኽ፡ ኢልኩም ኣብ ሓሳብኩም ጠብላሕ ዚብለኩም ከቶ ኣይኪኸውንን እዩ።

³³ኣነ ህያው እየ፡ ይብል እግዚኣብሄር ኣምላኽ፡ ብብርቱዕ ኢድን ብእተዘርግሔት ቅልጽምን ብእተኻዕወ ነድርን ርግጽ ክነግሰኩም እየ።

³⁴ብብርቱዕ ኢድን ብእተዘርግሔት ቅልጽምን ብእተኻዕወ ነድርን ካብቶም ህዝብታት ከውጽኣኩም፡ ካብቲ እተዘሮኹምዎ ሃገራትውን ክእክበኩም እየ።

³⁵ናብ በረኻ ህዝብታት ከኣ ክወስደኩም፡ ኣብኡውን ገጽ ንገጽ ናብ ፍርዲ ኽንኣቱ ኢና።

³⁶ከምቲ ምስ ኣቦታትኩም ኣብ በረኻ ሃገር ግብጺ እተፋረድኩ፡ ከምኡ ድማ ምሳኻትኩም ክፋራርድ እየ፡ ይብል እግዚኣብሄር ኣምላኽ።

³⁷ብትሕቲ በትረይ ከሕልፈኩም፡ ናብ መኣስር ኪዳን ከኣ ከእትወኩም እየ።

³⁸ነቶም ካባይ ዝዐለዉን ዝኸድዑን ካባኻትኩም ክፈልዮም ካብቲ ጓና ዀይኖምዎ ዘለዉ ሃገር ከኣ ከውጽኦም እየ። ግናከ ናብ ሃገር እስራኤልሲ ኣይኪኣትዉን እዮም። ንስኻትኩም ድማ ኣነ እግዚኣብሄር ምዃነይ ክትፈልጡ ኢኹም።

³⁹ኣቱም ቤት እስራኤል፡ እግዚኣብሄር ኣምላኽ ከምዚ ይብል ኣሎ፡ ምስማዕ ካብ ኣቤኹምንስ፡ ኪዱ፡ ነፍሲ ወከፍኩም ንጣኦታትኩም ኣምልኹ። ድሕርዚ ግና ንቅዱስ ስመይ ብመባእኩምን ብጣኦታትኩምን ኣይከተርክስዎን ኢኹም።

⁴⁰ኣብቲ ቅዱስ ከረነይ፡ ኣብቲ በሪኽ ከረን እስራኤል፡ ቤት እስራኤል ዘበሉ ዂሎም ኣብታ ሃገር ኬምልኹኒ እዮም። ኣብኡ ተሐጒሰ ክቕበሎም እየ፡ ኣብኡውን ንመስዋእትኹምን ነቲ በዂሪ እቶም መባእኩምን ምስ ኲሉ እተቐደሰ ነገርኩም ክደልዮ እየ፡ ይብል እግዚኣብሄር ኣምላኽ።

⁴¹ካብ ህዝብታት ምስ ኣውጻእኩኹም፡ ካብቲ ፋሕ ኢልኩምዎ ዝነበርኩም ሃገራት ድማ ምስ ኣከብኩኹም፡ ከም ምኡዝ ሽታ ብኣኻትኩም ባህ ክብል፡ ኣብ ቅድሚ ዓይኒ እቶም ህዝብታት ከኣ ብኣኻትኩም ክቕደስ እየ።

⁴²ንስኻትኩምውን፡ ናብ ሃገር እስራኤል፡ ናብቲ ነቦታትኩም ክህቦም እየ ኢለ ኢደይ ዘልዐልኩሉ ሃገር ምስ ኣእቶኹኹም፡ እግዚኣብሄር ምዃነይ ክትፈልጡ ኢኹም።

⁴³ኣብኡ ኸኣ ንመገድታትኩምን ነቲ ዝረኸስኩምሉ ግብርኹምን ክትዝክሩ ኢኹም፡ በቲ ዝገበርኩምዎ ዘበለ ዂሉ እከይ ድማ ነፍስኹም ኬስካሕክሕ እዩ።

⁴⁴ኣቱም ቤት እስራኤል፡ ከምቲ እኩይ መገድኹምን ከምቲ ብልሽዊ ግብርኹምን ዘይኰነስ፡ ምእንቲ ስመይ ኢለ ምስ ገበርኩልኩም፡ ሽዑ ኣነ እግዚኣብሄር ምዃነይ ክትፈልጡ ኢኹም፡ ይብል እግዚኣብሄር ኣምላኽ።

⁴⁵ከምዚ ዚብል ቃል እግዚኣብሄር ድማ መጸኒ፡

⁴⁶ኣታ ወዲ ሰብ፡ ገስካ ናብ ደቡብ ኣቢልካ ምለስ፡ ናብ ደቡብ ከኣ ቃልካ ኣንጠብጥብ፡ ነቲ ኣብ ደቡብ ዘሎ ዱር መሮር ድማ ተነበየሉ።

⁴⁷ነቲ ዱር ደቡብ ከኣ፡ ቃል እግዚኣብሄር ስማዕ፡ ኢልካ ንገሮ። እግዚኣብሄር ኣምላኽ ከምዚ ይብል ኣሎ፡ እንሆ፡ ኣባኻ ሓዊ ኽኣጒድ እየ፡ ነተን ኣባኻ ዘለዋ ዂለን ጥሉላት ኣእዋምን ንዂሉ ንቑጻት ኣእዋምን ሞዂ ኬብለን እዩ። እቲ ነዳዲ ሃልሃልታ ድማ ኣይኪጠፍእን፡ ካብ ደቡብ ክሳዕ ሰሜን ከኣ ኲሉ ገጽ ብእኡ ኺነድድ እዩ።

⁴⁸ኲሉ ስጋውን፡ እቲ ዝኣጐዶስ ኣነ እግዚኣብሄር ከም ዝዀንኩ፡ ኪርኢ እዩ። ኣይኪጠፍእን እዩ።

⁴⁹ሽዑ ኣነ፡ ኣየ፡ ኣታ እግዚኣብሄር ኣምላኽ፡ ንሳቶም ብዛዕባይ፡ እዝስ ምስላታት እዩ ዚምስል፡ ይብሉ ኣለዉ፡ በልኩ።