Read መ/ቅዱስ ትግርኛ, Tigrigna Bible, 1997 ትንቢት ዳንኤል 2 Bible Online

ትንቢት ዳንኤል 2 - መ/ቅዱስ ትግርኛ, Tigrigna Bible, 1997 bible

ትንቢት ዳንኤል 2

¹ነቡካድነጻር ኣብታ ኻልአይቲ ዓመት መንግስቱ ሕልሚ ሐለመ፡ መንፈሱ ኸአ ተሀወኸ፡ ድቃሱ ድማ ካብኡ በረረ።

²ሽዑ እቲ ንጉስ ንፈለጥትን ጠቢባንን ጠንቆልትን ከለዳውያንን። ንንጉስ ሕልሙ ኺነግርዎ ኢሉ፡ ኪጽውዕዎም አዘዘ። ንሳቶም ከአ መጹ፡ ኣብ ቅድሚ እቲ ንጉስውን ቁሙ።

³እቲ ንጉስ ድማ፡ ሕልሚ ሐሊመስ ነቲ ሕልሚ ኽፈልጥ መንፈሰይ ተሀዊኹ አሎ፡ በሎም።

⁴ሽዑ እቶም ከለዳውያን ንንጉስ ብኣራማይስጢ፡ ዎ ንጉስ፡ ንዘለኣለም ይሃው ኩን፡ ንባሮትካ ሕልምኻ ንገረኒ፡ ንሕናውን ትርጉም ክንነግረካ ኢና፡ በልዎ።

⁵እቲ ንጉስ ከአ ነቶም ከለዳውያን፡ እቲ ነገር ረሲዔዮ እየ። ነቲ ሕልምን ትርጉሙን እንተ ዘየፍለጥኩምኒ፡ ንስኻትኩም ክትስየፉ፡ ኣባይትኹም ድማ ምድርባይ ጎሓፍ ኪኸውን እዩ። ነቲ ሕልምን ትርጉምን እንተ ነገርኩሙኒ ግና፡ ሃያብን ውህበትን ዓብዩ ኽብረትን ክህበኩም እየ፡ እምበአርስኸ ነቲ ሕልምን ትርጉሙን ንገሩኒ፡ ኢሉ መለሰሎም።

⁶እቲ ንጉስ ከአ ነቶም ከለዳውያን፡ እቲ ነገር ረሲዔዮ እየ። ነቲ ሕልምን ትርጉሙን እንተ ዘየፍለጥኩምኒ፡ ንስኻትኩም ክትስየፉ፡ ኣባይትኹም ድማ ምድርባይ ጎሓፍ ኪኸውን እዩ። ነቲ ሕልምን ትርጉምን እንተ ነገርኩሙኒ ግና፡ ሃያብን ውህበትን ዓብዩ ኽብረትን ክህበኩም እየ፡ እምበአርስኸ ነቲ ሕልምን ትርጉሙን ንገሩኒ፡ ኢሉ መለሰሎም።

⁷ንሳቶም ድማ ካልኣይ ጊዜ፡ እቲ ንጉስ ንባሮቱ ሕልሙ ይንገረና፡ ንሕንውን ትርጉሙ ኽንነግር ኢና፡ ኢሎም መለሱሉ።

⁸እቲ ንጉስ ከአ፡ እቲ ነገር ከም ዝረሳዕክዎ ስለ ዝርኤኹም፡ ጌዜ ኽትረኽቡ ትደልዩ ኸም ዘሎኹም፡ ብርግጽ እፈልጥ አሎኹ።

⁹ነቲ ጝልሚ እንተ ዘይፍለጥኩምኒ ግና፡ ፍርድኹም ሓንቲ እያ። ንስኻትኩም ጊዜ ኽሳዕ ዚሐልፍ፡ ኣብ ቅድመይ ቃላት ሓሶትን ምትላልን ክትዛረቡ ተሳማሚዕኩም አሎኹም፡ እምበኣርስኽ ነቲ ሕልሚ ንገሩኒ፡ ኣነ ኸአ ትርጉሙ ኸም እትነግሩኒ ኽፈልጥ እየ፡ ኢል መለሰሎም።

¹⁰እቶም ከለዳውያን ከአ ኣብ ቅድሚ ንጉስ፡ ንጉስሲ፡ ምንም እኳ ዓባይን ብርቱዕን እንተ ኾነ፡ ንፈላጥን ጠቢብን ከለዳውን ከምዚ ዝበለ ነገር ዝጠየቐ የልቦን እሞ፡ ነቲ ነገር ንጉስ ዜፍልጥ ሰብ ኣብ ምድሪ ከቶ ኣይርከብን እዩ። እቲ ንጉስ ዚደልዩ ነገር ዜሸግር እዩ እሞ ኣማልኽቲ እንተ ዘይኮይኖም፡ ነዚ ኣብ ቅድሚ ንጉስ ኬፍልጦ ዚኽእል የልቦን፡ ማሕደሮም ንጉስ ኬፍልጦ ዚኽእል የልቦን፡ ማሕደሮም ድማ ምስ ስጋ ዝለበሱ ኣይኮነን፡ ኢሎም መለሱ።

¹¹እቶም ከለዳውያን ከአ ኣብ ቅድሚ ንጉስ፡ ንጉስሲ፡ ምንም እኳ ዓባይን ብርቱዕን እንተ ኾነ፡ ንፈላጥን ጠቢብን ከለዳውን ከምዚ ዝበለ ነገር ዝጠየቐ የልቦን እሞ፡ ነቲ ነገር ንጉስ ዜፍልጥ ሰብ ኣብ ምድሪ ከቶ ኣይርከብን እዩ። እቲ ንጉስ ዚደልዩ ነገር ዜሸግር እዩ እሞ ኣማልኽቲ እንተ ዘይኮይኖም፡ ነዚ ኣብ ቅድሚ ንጉስ ኬፍልጦ ዚኽእል የልቦን፡ ማሕደሮም ንጉስ ኬፍልጦ ዚኽእል የልቦን፡ ማሕደሮም ድማ ምስ ስጋ ዝለበሱ ኣይኮነን፡ ኢሎም መለሱ።

¹²ስለዚ እቲ ንጉስ ኮረየ፡ ኣዝዩ ተናደደ ንብዘለው ጠቢባን ባቢሎን ከኣ ኬጥፍእዎም አዘዘ።

¹³እቲ ፍርዲ ድማ ወጸ፡ ነቶም ጠቢባን ከአ ኪቐትልዎም ጀመሩ፡ ንዳኒኤልን ንመሓዙቱንውን ኪቐትልዎም ኢሎም ይደልይዎም ነበሩ።

¹⁴ሽዑ ዳንኤል ንኣርዮክ፡ ነቲ ንጠቢባን ባቢሎን ኪቐትሎም ዝወጸ ሓለቓ ዘብዔኛታት ንጉስ፡ ብምኽርን በእምሮን መለሰሉ።

¹⁵ንሱ ንኣርዮክ፡ ናይ ንጉስ መኮንን፡ እዚ ብርቱዕ ፍርዲ ኻብ ንጉስ ስለምንታይ ወጸ፡ ኢሉ መለሰሉ። ኣርዮክ ድማ እቲ ነገር ንዳኒኤል ኣፍለጦ።

¹⁶ዳኒኤል ከአ ናብ ንጉስ ኣትዩ፡ እቲ ትርጉም ኬፍልጦስ ጊዜ ኽህቦ፡ ንንጉስ ለመኖ።

¹⁷ድሕርዚ ዳኒኤል ናብ ገዛኡ ኸደ እሞ፡ ዳኒኤልን መሓዙቱን ምስቶም ዝተረፉ ጠቢባን ባቢሎን ከይጠፍኡ፡ ብዛዕባ እዚ ምስጢር እዚ ኻብ ኣምላኽ ሰማይ ምሕረት ኪልምኑስ፡ ንሃናንያን ንሚሻኤልን ንኣዛርያን፡ መሓዙት እቱ ነገር ኣፍለጦም።

¹⁸ድሕርዚ ዳኒኤል ናብ ገዛኡ ኸደ እሞ፡ ዳኒኤልን መሓዙቱን ምስቶም ዝተረፉ ጠቢባን ባቢሎን ከይጠፍኡ፡ ብዛዕባ እዚ ምስጢር እዚ ኻብ ኣምላኽ ሰማይ ምሕረት ኪልምኑስ፡ ንሃናንያን ንሚሻኤልን ንኣዛርያን፡ መሓዙት እቱ ነገር ኣፍለጦም።

¹⁹ሽዑ እቲ ምስጢር ንዳኒኤል ብራኢይ ለይቲ ተገልጸሉ። ዳኒኤል ከኣ ንኣምላኽ ሰማይ ኣመስገኖ።

²⁰ዳኒኤል ድማ ከምዚ ኢሉ ተዛረበ፡ ጥበብን ስልጣንን ናቱ እዩ እሞ፡ ስም ኣምላኽ ካብ ዘለአለም ንዘለኣለም ይባረኽ።

²¹ንሱ ዘመናትን ወርሓትን ይለዋወጥ፡ ነገስታት ይስዕር ነገስታት ከአ ይሽይም፡ ነቶም ጠቢባን ጥበብ ነቶም ኣስተውዓልቲ ኸአ ምስትውዓል ይሀቦም።

²²ንሱ ዓሚቑን ሕቡእን ይገልጽ፡ እቲ ኣብ ጸልማት ዘሎ ይፈልጥ፡ ብርሃንውን ምስኡ እዩ ዚነብር።

²³ዎ ኣምላኽ ኣቦታተይ፡ ነቲ ነገር ንጉስ ኣፍሊጥካና ኢኻ እሞ፡ ጥበብን ሓይልን ስለ ዝሀብካኒ፡ ሕጂውን እቲ ዝለመንካና ስለ ዝገለጽካለይ፡ ኤመስግነካን እውድሰካን አሎኹ።

²⁴ስለዚ ዳኒኤል ናብቲ እቲ ንስጉስ ነቶም ጠቢባን ባቢሎን ኬጥፍኦም ዘአዘዞ ኣርዮክ ከደ፡ አትዮ ኸአ፡ ነቶም ጠቢባን ባቢሎን ኣይተጥፍኣዮም፡ ናብ ቅድሚ ንጉስ ውሰደኒ፡ ኣነውን ንንጉስ እቲ ትርጉም ከፍልጦ እየ፡ ኢሉ ነገሮ።

²⁵ሽዑ ኣርዮክ ንዳኒኤል ቀልጢፉ ናብ ንጉስ ኣእተዎ እሞ፡ እኔኹ ኻብቶም ደቂ ምሩኻት ይሁዳ ንንጉስ ትርጉም ዜፍልጦ ሰብኣይ ረኺበ አሎኹ፡ በሎ።

²⁶እቲ ንኩስ ከአ ነቲ ቤልጥሻጽር እተሰምየ ዳኒኤል፡ ነቲ ዝርኤኽዎ ሕልምን ትርጉሙን ከተፍልጠኒዶ ትኽእል ኢኻ፡ ኢሉ መለሰሉ።

²⁷ዳኒኤል ከኣ ኣብ ቅድሚ ንጉስ፡ ነዛ ንጉስ ዚሐተላ ዘሎ ምስጢርስ እቶም ጠቢባንን ጠንቆልትን ከለዳውያንን ፈለጥትን ንንጉስ ኪነግርዎ ኣይኽእሉን እዮም፡ ኢሉ መለሰ።

²⁸ግናኸ ኣብ ሰማይ ዘሎ ሓደ ኣምላኽ እዩ ምስጢራት ዚገልጽ፡ ንሱ ኸኣአ ንንጉስ ነቡካድነጽር በቲ ዳሕራይ ዘመናትሲ እንታይ ከም ዚኸውን ኣፍለጦ። ኢ ኣብ ምድቃስካ ዝርኤኻዮ ሕልምኻን ራእያት ርእስኻን እዚ እዩ፡

²⁹ዎ ንጉስ፡ ብዛዕባ እቲ ብድሕርዚ ዚኸውን፡ ኣብ ምድቃስካ ኸሎኻ፡ ሓሳባት ተንስኣካ። እቲ ምስጢራት ዚገልጽ ከኣ ነቲ ዚኸውን ኣፍለጠካ።

³⁰ንኣይ እዚ ምስጢር እተገልጸለይሲ፡ እቲ ትርጓሜኡ ንንጉስ ምእንቲ ኺንገር እሞ፡ እቲ ሓሳባት ልብኻ ኽትፈልጦ እዩ እምበር፡ ካብ ኩላቶም ኣብዛ ዓለም ዘለው ብጥበብ ስለ ዝበለጽኩ ኣይኮነን።

³¹ዎ ንጉስ፡ እንሆ፡ ንስኻ ዓብዩ ምስሊ ርኤኻ። እዚ ገዚፍን ምንጽብራቑ ኸአ ዜገርምን ዝነበረ ምስሊ ኣብ ቅድሜኻ ቖመ፡ ትርኢቱውን ዜፍርህ ነበረ።

³²እዚ ምስሊ እዚ፡ ርእሱ ብሉጽ ወርቂ፡ ደረቱን ቀላጽሙን ብሩር፡ ከብዱን ሕቑኡን ከአ ኣስራዚ ነበረ፡

³³መሓውሩ ሓጺን፡ ኣእጋሩ ኸአ ገሊኡ ሓጺን፡ ገሊኡ መሬት ነበረ።

³⁴ንስኻ ትጥምት ነበርካ፡ እንሆ ኸአ፡ ኢድ ከይተነከዮ እምኒ ተፈንቂሉ፡ ነቲ ሓጺንን መሬትን ዝኾነ ኣእጋር እቲ ምስሊ ወቕዖን ዳዕመኾን።

³⁵ሽዑ እቲ ሓጺንን መሬትን ኣስራዚን ብሩርን ወርቅን ብሓደ ተዳዕመኹ፡ ከም ብቑቡቑ ዓውዲ ቐውዒ ኾነ፡ ኣሰሩ ኽሳዕ ዚጠፍእ ከአ ንፋስ ወሰዶ። ነቲ ምስሊ ዝወቕዖ እምኒ ግና ዓብዩ ኸረን ኮነ፡ ንብዘላ ምድሪውን መልኣ።

³⁶እቲ ሕልሚ እዚ እዩ፡ ትርጓሜኡ ኸአ ኣብ ቅድሚ ንጉስ ክንነግሮ ኢና።

³⁷ዎ ንጉስ፡ እቲ ኣምላኽ ሰማይ ንኣኻ መንግስትን ስልጣንን ሓይልን ክብርን ዝሀበካ ንጉስ ነገስታት ንስኻ ኢኻ።

³⁸ደቂ ሰብን እንስሳ መሮርን ኣዕዋፍ ሰማይን ዚነብሩሉ ዝበለ ኸኣአ ኣብ ኢድካ ሀበካ፡ ኣብ ልዕሊ ኹላቶም ድማ ኣግዛኣካ፡ እቲ ርእሲ ወርቂ ንስኻ ኢኻ።

³⁹ብድሕሬኻ ድማ ካባኻ እትንእስ ካልእ መንግስቲ ኽትትንስእ፡ ኣብ ልዕሊ ኹላ ምድሪ እትገዝእ ካልእ ሳልሰይቲ መንግስቲ ኣስራዚውን ክትትንስእ እያ።

⁴⁰እታ ራብዐይቲ መንግስቲ ኸም ሓጺን ብርትዕቲ ኽትከውን፡ ከምቲ ሓጺን ንኹሉ ነገር ዚጭፍልቕን ዚሰባብርን፡ ከምኡ ኽአ ከም ዚቕጥቅጥ ሓጺን ኮይና፡ ነዚ ኹሉ ኽትጭፍልቕን ክትቅጥቅጥን እያ።

⁴¹እቲ ኣእጋርን እጻብዕን ገሊኡ መሬት፡ ገሊኡ ሓጺን ዝርኤኻዮ፡ ከምኡ እተፈላለየት መንግስቲ ኽትከውን እያ። ግናኸ፡ ከምቲ ሓጺን ምስ ልምሉም መሬት ተሓዊሱ ዝርኤኻዮ፡ ካብ ጽንዓት ሓጺን ገለ ኺልዎ እዩ።

⁴²ከምቲ ኣጻብዕ ኣእጋር ገሊኡ ሓጺን፡ ገሊኡ ኸአ መሬት ዝነበረ፡ ከምኡውን እታ መንግስቲ ገሊኣ ብርትዕቲ፡ ገሊኣ ኸአ ትሰባሪት ክትከውን እያ።

⁴³እቲ ሓጺን ምስ ልምሉም መሬት ተሓዊሱ ዝርኤኻዮ፡ ንሳቶም ምስ ዘርኢ ሰብ ኪተሓዋወሱ፡ ግናኸ፡ ከምቲ ሓጺን መሬት ዘይላገብ፡ ንሓድሕዶም ኣይኪላገቡን እዮም።

⁴⁴ብዘመን እዞም ነገስታት እዚኣቶም ኣምላኽ ሰማይ ንዘለኣለም ከቶ ዘይትጠፍእን፡ ግዝኣታ ኸአ ንኻልኣ ህዝቢ ዘይወሀብን መንግስቲ ኼተንስእ እዩ። ንኹለን እዘን መንግስታትን እዚኣተን ክትጭፍልቐን ከተጥፍኤንን እያ፡ ንሳ ግና ንዘለኣለም ክትቀውም እያ።

⁴⁵ከምቲ እምኒ፡ ኢድ ከይተንከዮ፡ ካብ ከረን ተፈንቂሉ ንሓጺንን ኣስራዝን መሬትን ብሩርን ወርቅን ኪድዕምኾ ኸሎ ዝርኤኻዮ፡ እቲ ዓብዩ ኣምላኽ ንንጉስ ነቲ ድሕርዚ ዚከውን ኣፍለጦ። እቲ ሕልሚ ርግጽ፡ ትርጓሜኡ ኸአ እሙን እዩ።

⁴⁶ሽዑ ንጉስ ነቡካድነጻር ብግምባሩ ተደፊኡ ንዳኒኤል ሰገደሉ፡ መስዋእቲ ብልዕን ዕጣንን ኬቕርበሉ ድማ አዘዘ።

⁴⁷እቲ ንጉስ ንዳኒኤል፡ ንስኻ ነዛ ምስጢር እዚኣ ኽትገልጻ ኻብ ከአልካስ፡ እቲ ኣምላኽኩም ብሓቂ ኣምላኽ ኣማልኽትን ጐይታ ጐይታትን ገላጺ ምስጢራትን እዩ፡ ኢሉ መለሰሉ።

⁴⁸ሽዑ እቲ ንጉስ ዳኒኤል ልዕል ኣበሎ፡ ብዙሕን ዓብይን ውህበት ሀቦ፡ ኣብ ልዕሊ ኹላ ኣውራጃ ባቢሎን ኣግዝኦ፡ ኣብ ልዕሊ ኹሎም ተቢባን ባቢሎን ከአ ሐለቓ ገበሮ።

⁴⁹ዳኒኤል ንንጉስ ለሚኑ፡ ንሲድራቅም ሚሳቅን ዓብዱኔጎን ኣብ ልዕሊ ተግባር ኣውራጃ ባቢሎን ሾሞም። ዳንኤል ግና ኣብ ደገ ንጉስ ነበረ።