Read መ/ቅዱስ ትግርኛ, Tigrigna Bible, 1997 ትንቢት ዳንኤል 4 Bible Online

ትንቢት ዳንኤል 4 - መ/ቅዱስ ትግርኛ, Tigrigna Bible, 1997 bible

ትንቢት ዳንኤል 4

¹ካብ ንጉስ ነቡካድነጻር ናብ ብዘላ ምድሪ ዘሎኹም ኩሉኹም ኣህዛብን ወገናትን ቋንቃታትን፡ ሰላም ይብዛሕኩም።

²እቲ ልዑል ኣምላኽ ዝገበረለይ ትእምርትን ተኣምራትን ክነግር ጽቡቕ ኮይኑ ተራእዩኒ አሎ።

³ትእምርትታቱ ኸመይ ዝበለ ዓብዩ፡ ተኣምራቱ ድማ ከመይ ዝበለ ብርቱዕ እዩ። መንግስቱ ዘለአለማዊት መንግስቲ እያ፡ ግዝኣቱ ኸአ ንውሉድ ወለዶ ይነብር።

⁴ኣነ ነቡክድነጻር፡ ኣብ ቤተይ ዐሪፈ፡ ኣብ ኣዳራሸይ ድማ ባህ ኢሉኒ ነበርኩ።

⁵ዜሰምብድ ሕልሚ ርኤኹ፡ ኣብ መደቀስየይ ከሎኹ፡ ሓሳባተይ ራኣያት ርእሰይን ኣጨነቐኒ።

⁶ስለዚ ንኹላቶም ጠቢባን ባቢሎን፡ ትርጓሜ እቲ ሕልሚ ኸፍልጡኒ፡ ኣብ ቅድመይ ኬምጽእዎም፡ ኣዘዝኩ።

⁷ሽዑ እቶም ጠቢባን ኣስማተኛታትን ከለዳውያንን ፈለጥይን መጹ፡ ነቲ ሕልሚ ኸአ ኣብ ቅድሜኦም ተዛረብኩ፡ ንሳቶም ግና ትርጓሜኡ ኣየፍለጡንን።

⁸ኣብ መወዳእታ ግና እቲ ብስም ኣምላኸይ ቤልጥሻጽር እተሰምየ፡ መንፈስ ቅዱሳን ኣማልኽቲ ዘለዎ ዳንኤል ኣብ ቅድመይ አተወ፡ ነቲ ሕልሚውን ኣብ ቅድሚኡ ኸምዚ ኢሉ ተዛረብኩ፡

⁹ኣታ ቤልጥሻጽር ሊቀ ጠቢባን፡ መንፈስ ቅዱሳን ኣማልኽቲ ኸም ዘሎካን ዜሸግረካ ምስጢር ከኣ ከም ዜብልካን እፈልጥ እየ እሞ፡ እቲ ኣርኤኽዎ ራእይ ሕልመይን ትርጓሜኡን ንገረኒ።

¹⁰እቲ ኣብ ምድቃሰይ ከሎኹ ዝርኤኽዎ ራእይ ርእሰይ ከምዚ እዩ፡ እንሆ፡ ኦም ኣብ ማኣከል ምድሪ ርኤኹ፡ ቁመታ ኸአ ነዋሕ እያ።

¹¹እታ ኦም ዐብያን በርቲዓን፡ ቁመታ ኽሳዕ ሰማይ በጺሑ፡ ክሳዕ ወሰናት ምድሪ ትርኤ ነበረት።

¹²ቑጽላ ጽቡቕ ነበረ፡ እቲ ፍሬኣ ብዙሕ፡ ንኹሉ ኸኣአ ምግቢ ነበረ፡ እቲ ፍሬኣ ብዙሕ፡ ንኹሉ ኸአ ምግቢ ነበርራ። እንስሳ መሮር ኣብ ትሕቲኣ ኣጽሊለን፡ ኣዕዋፍ ሰማይ ኣብ ጨናፍራ ሰፊረን ነበራ፡ ስጋ ዝለበሰ ኹሉውን ካብኣ ይምገብ ነበረ።

¹³እንሆ፡ በቲ ኣብ መደቀስየይ ከሎኹ፡ ናይ ርእሰይ ራእያትሲ ሓደ ቅዱስ ሓላዊ ኻብ ሰማይ ኪወርድ ከሎ ርኤኹ።

¹⁴ንሱ ኸአ ዓው ኢሉ ጨደረ በለውን፡ ነዛ ኦም ቁረጽዋ፡ ጨናፍራ ጸልጽሉ፡ ቆጽላ ኣርግፉ፡ ፍሬኣ በትኑ፡ እተን እንስሳ ኻብ ትሕቲኣ፡ እተን ኣዕዋፍውን ካብ ጨናፍራ ይህደማ።

¹⁵ግናኸ ነቲ ጉንዲ ሱራታ፡ ብሰንሰለት ሓጺንን ኣስራዝን ተአሲሩ፡ ኣብ ማኣከል ልምሉም ሳዕሪ ኣስራዝን ተአሲሩ፡ ኣብ ማእከል ልምሉም ሳዕሪ መሮር ምድሪ ሕደግዎ። ብኣውሊ ሰማይ ይጠልዊ፡ ምስ እንስሳ ኸአ ግዲኡ ሳዕሪ ምድሪ ይኹን።

¹⁶ልቡ ልቢ ሰብ ካብ ምዃን ይለወጥ፡ ልቢ እንስሳ ኸአ ይወሀቦ፡ ሾብዓተ ግዝያት ድማ ይሕለፎ።

¹⁷እቶም ህያዋንሲ፡ እቲ ልዑል ኣብ መንግስቲ ሰብ ከም ዚመልኽ፡ ንዝደለዮ ከአ ከም ዚህቦ፡ ኤረ ነቲ ኻብ ሰብ ዚንእስ ደአ ልዕል ከም ዜብሎ ምእንቲ ኺፈልጡ፡ እዚ ባህሊ እዚ እቶም ቅዱሳን ዝአዘዝዎ እዩ።

¹⁸ነቲ ሕልሚ እዚ ኣነ ንጉስ ነቡካድነጻር ርኤኽዎ። ኣታ ቤልጥሻጽር፡ ኹላቶም ጠቢባን መንግስተይ ትርጓሜኡ ኼፍልጡኒ ኻብ ዘይኽእሉ፡ ንስኻ ግና፡ እቲ መንፈስ ቅዱሳን ኣማልኽቲ ኣባኻ ስለ ዘሎ፡ ትኽእሎ ኢኻ እሞ፡ ትርጓሜኡ ንገረኒ።

¹⁹ሽዑ እቲ ቤልጥሻጽር ዝስሙ ዳንኤል ሓንሳእ ዝን በለ፡ ሓሳባቱ ኸአ ኣጨነቖ። እቲ ንጉስ ድማ፡ ኣታ ቤልጥሻጽር፡ እቲ ሕልምን ትርጓሜኡን ኣየጨንቕካ፡ ኢሉ መለሰሉ። ቤልጥሻጽር ከአ ከምዚ ኢሉ መለሰሉ፡ ጐይታየ ጻረርትኻ ይኹን።

²⁰እታ ዝርኤኻያ ኦም፡ እታ ዝዐበየትን ዝበርትዔን፡ ቁመታ ኣብ ሰማይ ዝበጽሔ፡ ኣብ ኩሉ ምድሪውን እተራእየት፡

²¹ቆጽላ ዝጸበቐ። ፍሬኣ ዝበዝሔ፡ ንኹሉ ዚኸውን ምግቢ ዘለዋ፡ እንስሳ መሮር ኣብ ትሕቲኣ ዚነብሩላ፡ ኣብ ጨንፍራውን ኣዕዋፍ ሰማይ ዚዐርፋላ ኦም፡

²²ዝዐቤኻዮን ዝበርታዕካን፡ ዕቤትካ እናዐበየ ኽሳዕ ሰማይ፡ ግዝኣትካውን ክሳዕ ወሰን ምድሪ ዝበጽሔስ ንስኻ ኢኻ፡ ዎ ንጉስ።

²³እቲ ንጉስ ካብ ሰማይ ኪወርድ ከሎ ዝረአዮ ቅዱስ ሓላዊ እሞ፡ ነቲ ኦም ቆረጽዋን ኣብርስዋን፡ ግናኸ ነቲ ጉንዲ ሱራታ፡ ብሰንሰለት ሓጺንን ኣስራዝን ተአሲሩ፡ ኣብቲ ልምሉም ሳዕሪ መሮር ኣብ ምድሪ ሕደግዎ፡ ሾብዓተ ግዝያት ክሳዕ ዚሐልፉ፡ ብኣውሊ ሰማይ ይጠልቂ፡ ግዲኡውን ምስ እንስሳ መሮር ይኹን፡ ዝበለ፡

²⁴ትርጓሜኡ እዚ እዩ፡ ዎ ንጉስ፡ እዚ ኸኣ እቲ ኣብ ልዕሊ ጐይታይ ንጉስ ዚወርድ ትእዛዝ እቲ ልዑል እዩ፡

²⁵ካብ ሰብ ክትስጎጉ፡ ምስ እንስሳ መሮር ክትነብር ኢኻ፡ ከም ብኣብዑር ከኣ ሳዕሪ ኸብልዑኻ እዩሞ፡ ብኣዊሊ ሰማይ ድማ ክትጥልቂ ኢኻ፡ እቲ ልዑል ኣብ ልዕሊ መንግስቲ ሰብ ከም ዚመልኽ፡ ንዝደለዮ ኸአ ከም ዚህቦ፡ ክሳብ እትፈልጥሲ፡ ሾብዓተ ግዝያትውን ኪሓልፉኻ እየን።

²⁶እቲ ናይ ኦም ጉንዲ ዱራት ይጽናሕ እትባህለ ግና፡ ሰማይ ከም ዚመልኽ ምስ ፈለጥካ፡ መንግስትኻ ኽትምለሰካ እያ።

²⁷ስለዚ፡ ዎ ንጉስ፡ ምኽረይ ስማዕ፡ ንሓጢኣትካ ብጽድቂ፡ ንኣበሳኻውን ንድኻታት ብምምሓር ቁረጾ፡ ምናልባሽ ልምዓትካ ኺነውሕ እዩ።

²⁸እዚ ኹሉ ንንጉስ ነቡካድነጸር በጽሖ።

²⁹ድሕርዚ ዓሰርተው ክልተ ወርሒ ጸኒሑ፡ ኣብቲ ኣዳራሽ ንጉስ ባቢሎን ይዘውር ነበረ፡

³⁰እቲ ንጉስ ከአ፡ እዚኣ እታ ንኽብሪ ግርማይን ንቤተ መግንስትን ክትከውን ኢለ ብሓይሊ ስልጣነይ ዝሀነጽክዋ ዓባይ ባቢሎንዶ ኣይኮነትን፡ ኢሉ ተዛረበ።

³¹እዚ ቓል እዚ ገና ኣብ ኣፍ ንጉስ ከሎ፡ ዎ ንጉስ ነቡካድነጻር፡ ንኣኻስ፡ መንግስቲ ኻባኻ ኸይዳ እያ፡ ይበሀለካ አሎ፡ ካብ ሰብ ክትስጎጉ፡ ምስ እንስሳ መሮር ክትነብር ኢኻ፡ ከም ንኣብዑር ከአ ሳዕሪ ኼብልዑኻ እዮም፡ እቲ ልዑል ኣብ ልዕሊ መንግስቲ ሰብ ከም ዚመልኽ፡ ንዘደለዩ ኸአ ከም ዚህቦ ኽሳዕ እትፈልጥሲ፡ ሾብዓተ ግዝያትውን ኪሐልኻ እየን፡ ዚብል ድምጺ ኻብ ሰማይ ወረአ።

³²እዚ ቓል እዚ ገና ኣብ ኣፍ ንጉስ ከሎ፡ ዎ ንጉስ ነቡካድነጻር፡ ንኣኻስ፡ መንግስቲ ኻባኻ ኸይዳ እያ፡ ይበሀለካ አሎ፡ ካብ ሰብ ክትስጎጉ፡ ምስ እንስሳ መሮር ክትነብር ኢኻ፡ ከም ንኣብዑር ከአ ሳዕሪ ኼብልዑኻ እዮም፡ እቲ ልዑል ኣብ ልዕሊ መንግስቲ ሰብ ከም ዚመልኽ፡ ንዘደለዩ ኸአ ከም ዚህቦ ኽሳዕ እትፈልጥሲ፡ ሾብዓተ ግዝያትውን ኪሐልኻ እየን፡ ዚብል ድምጺ ኻብ ሰማይ ወረአ።

³³ብኡብኡ እቲ ነገር ኣብ ነቡካድነጻር ተፈጸመ፡ ጸጉሪ ኸም ናይ ንስሪ፡ ኣጽፋሩውን ከም ናይ ኣዕዋፍ ኮይኑ ኽሳዕ ዚነውሕ፡ ካብ ሰብ ተሰጎ፡ ከም ብዕራይ ሳዕሪ በልዔ፡ ስጋኡ ብኣውሊ ሰማይ ጠልቀየ።

³⁴እቲ ዘመን ምስ ተፈጸመ፡ ኣነ ነቡካድነጻር፡ ኣዒንተይ ናብ ሰማይ ኣልዐልኩ እሞ ኣእምሮይ ተመልሰለት። ነቲ ልዑል ባረኽኩ፡ ነቲ ንዘለኣለም ህያው ዝኾነ፡ ግዝኣቱ፡ መንግስቱውን ንውሉድ ወለዶ ዚነብር፡ ወደስኩን ኣኽበርኩን።

³⁵እቶም ኣብ ምድሪ ዚነብሩ ኹሎም ብእኡስ ከም ገለ እኳ ኣይቆጸሩን፡ ንሱ ኣብ ሰራዊት ኣብቶም ኣብ ምድሪ ዚነብሩን ከም ፍቓዱ እዩ ዝገበር። ንኢዱ ኪኽልክላ፡ ስለምንታይ እዚ እትገብር፡ ኪብሎ ዚኽእልውን የሎን።

³⁶በታ ጊዜ እቲኣ ኣእምሮ ተመልሰለይ፡ ንኽብሪ መንግስተይ ከአ ግርማይን ምንጽብራቐይን ተመልሰለይ። ኣማኸርተይን መኳንንተይን ደለዩኒ፡ ኣነ ኸአ ኣብ መንግስተይ ጸናዕኩ፡ ዝበለጸ ዕቤትውን ተወሰኸለይ።

³⁷ሕጂ ድማ ኣነ ነቡካድነጻር ነቲ ንጉስ ሰማይ ኤመስግኖን ልዕሊ ኣኤብሎን አሎኹ። ተግባሩ ኹሉ ሓቂ፡ መገድታቱ ኸአ ፍርዲ እዩ እሞ፡ ነቶም ተዐብዮም ዚኸዱ ኼዋርዶም ይኽእል እዩ።