Read መ/ቅዱስ ትግርኛ, Tigrigna Bible, 1997 ትንቢት ዳንኤል 6 Bible Online

ትንቢት ዳንኤል 6 - መ/ቅዱስ ትግርኛ, Tigrigna Bible, 1997 bible

ትንቢት ዳንኤል 6

¹ዳርዮስ፡ ኣብ ብዘላ መንግስቱ ዚኾኑ ሚኣትን ዕስራን መሳፍንቲ ኣብታ መንግስቲ ኺሽይም፡ ጽቡቕ ኮይኑ ተራእዮ።

²እቲ ንጉስ ከይጉዳእሲ፡ እቶም መሳፍንቲ ጸብጻብ ኪህብዎም፡ ኣብ ልዕሊኦም ሰለስተ ኣርአሰሎም፡ ሓደ ኻብ እዚኣቶም ከአ ዳንኤል እዩ።

³ዳንኤል ግና፡ ብሉጽ መንፈስ ሓዲርዎ ነበረ እሞ፡ ካብቶም ራእስታትን መሳፍንትን በለጸ፡ እቲ ንጉስ ድማ ኣብ ብዘላ መንግስቲ ኼርእሶ ሐሰበ።

⁴ሽዑ እቶም ራእስታትን መሳፍንትን ንዳንኤል ብናይ መንግስቲ ጉዳይ ምኽንያት ኪረኽቡሉ ደለዩ፡ ግናኸ እሙን ነበረ፡ ገለ ጌጋ ወይስ መንቀፊ ኸአ ሰአኑሉ እሞ፡ ምኽንያት ወይስ መንቀፊ ኽረኽቡሉ ከቶ ኣይከአሉን።

⁵ሽዑ እቶም ሰባት፡ ነዚ ዳንኤልሲ፡ በታ ሕጊ ኣምላኹ እንተ ዘይኮይኑ፡ ካልእ ምኽንያት ክንረኽበሉ ከቶ ኣይንኽእልን ኢና፡ በሉ።

⁶ድሕርቲ እቶም ራእስታትን መሳፍንትን ኣብ ቅድሚ ንጉስ ተአከቡ እሞ ከምዚ ኢሎም በለዎ፡ ዎ ንጉስ ዳርዮስ ንዘለአለም ህያው ኩን።

⁷ኩላቶም ራእስታት መንግስትን ሹማምትን መሳፍንትን ኣማኸርትን ምስለኔታትን፡ በዘን ሰላሳ መዓልቲ እዚኤን፡ ዎ፡ ንጉስ፡ ንኣኻ እንተ ዘይኮይኑ፡ ንዝኾነ ይኹን ኣምላኽ ወይስ ንሰብ ዝለመነ ኣብ ጉድጓድ ኣናብስ ከም ዚድርበ፡ ትእዛዝ ንጉስ ኪጸንዕ፡ ብርቱዕ ክልክል ከአ ኪእውጅ ሓቢሮም መኸሩ።

⁸ዎ ንጉስ፡ ከምቲ ዘይልወጥ ሕጊ ሜዶንን ፋርስን ኪኸውን እሞ ከይልወጥሲ፡ ስምካ ጽሂፍካ ነቲ ኽልክል ኣጽንዓዮ።

⁹ንጉስ ዳርዮስ ድማ ነቲ ጽሑፍን ክልክልን ኣጽንዖ።

¹⁰ዳንኤል ድማ እዚ ሕጊ እዚ ኸም እተጻሕፈ ምስ ፈለጠ፡ ናብ ቤቱ ኸደ፡። እተን መሳኹቲ እታ ኣብ ደርቢ ዝነበረት ቤቱ ናብ ዮርሳሌም ኣቢለን ተኸፊተን ነበራ እሞ ከምቲ ቐደም ዚገበሮ ዝነበረ ሰለስተ ሳዕ ኣብ መዓልቲ ኣብ ቅድሚ ኣምላኹ ብብርኩ እናተምበርከኸ፡ ጸለየን ኣመስገነን።

¹¹ሽዑ እቶም ሰባት ተአኻኸቡ፡ ዳንኤል ኣብ ቅድሚ ኣምላኹ ኺጽልን ኪምህለልን ከሎ ኸአ ረኸብዎ።

¹²ሽዑ ቐሪቦም ኣብ ቅድሚ ንጉስ ብዛዕባ እቲ ኽልክል ንጉስ፡ ዎ ንጉስ፡ በዘን ሰላሳ መዓልቲ እዚኤን፡ ንኣኻ እንተ ዘይኮይኑ፡ ንዝኾነ ይኹን ኣምላኽ ወይስ ንሰብ ገለ ዝለመነ ናብ ጉድጉድ ኣናብስ ኪድርብ፡ ኢልካዶ ኸልክል ኣይአወጅካን፡ ኢሎም ተዛረብዎ። እቲ ንጉስ ድማ፡ እዚ ነገር እዚ ኸምቲ ኺልወጥ ዘይከአል ሕጊ ሜዶንን ፋርስን ኮይኑ ጸኒዑ እዩ፡ ኢሉ መለሰ።

¹³ሽዑ ንሳቶም ኣብ ቅድሚ ንጉስ፡ እዚ ኻብ ደቂ ምርኮ ይሁዳ ዝኾነ ዳንኤል ኣብ መዓልቲ ሰለስተ ሳዕ ልማኖኡ ይልምን አሎ እምበር፡ ዎ ንጉስ፡ ንኣኻ ወይስ ነቲ ዝአወጅካዮ ኽልክል ግዲ የብሉን፡ ኢሎም መለሱ።

¹⁴እቲ ንጉስ እዚ ነገር እዚ ምስ ሰምዔ፡ ኣዝዩ ጎሀየ፡ ምእንቲ ኼንግፎ ኸአ ልቡ ናብ ዳንኤል ኣድሀበ፡ ጸሓይ ክሳዕ እትዐርብውን፡ ኬድሕኖ ተጋደለ።

¹⁵ሽዑ እቶም ሰባት ናብ ንጉስ ተአከቡ እሞ፡ ዎ ንጉስ፡ እቲ ንጉስ ዘጽንዖ ኽልክል ትእዛዝን ከይልወጥሲ፡ ኣብ ሜዶንን ፋርስን ሕጊ ኸም ዘሎ ፍለጥ፡ ኢሎም ንንጉስ ተዛረብዎ።

¹⁶ሽዑ እቲ ንጉስ አዘዘ፡ ንዳንኤል ከአ ኣምጽእዎ፡ ናብ ጉድጓድ ኣናብስውን ደርበይዎ። ንጉስ ድማ ንዳንኤል፡ እቲ ኹሉ ጊዜ እተገልግሎ ኣምላኽካ ንሱ የናግፍካ በሎ።

¹⁷ሓደ እምኒ ኣምጺኦም ነቲ ኣፍ ጉድጓድ ዐጽውዎ። እቲ ንጉስ ከአ፡ ገለ ብዛዕባ ዳንኤል ከይልወጥሲ፡ ብቐለቤቱን ብቐለቤት መሳፍንቱን ሐተሞ።

¹⁸እቲ ንጉስ ናብ ኣዳራሹ ኸደ፡ ጸሙ ኸአ ሓደረ፡ ኣብ ቅድሚኡ ድራር አየቕረበን፡ ድቃስውን ካብኡ በረረ።

¹⁹ንጽባሒቱ እቲ ንጉስ ኣንጊሁ ተንስኤ፡ ቀልጢፉ ኸአ ናብቲ ጉድጓድ ኣናብስ ከደ።

²⁰ናብቲ ጉድጓድ ምስ ቀረበ፡ ንዳንኤል እናሕነቕነቐ ጸውዖ። እቲ ንጉስ ከአ፡ ኣታ ዳንኤል ባርያ ህያው ኣምላኽ፡ እቲ ኹሉ ጊዜ እተገልግሎ ኣምላኽካስ ካብ ኣናብስ ኬንግፈካዶ ኸአለ፡ ኢሉ ንዳንኤል ተዛረቦ።

²¹ሽዑ ዳንኤል ንንጉስ፡ ዎ ንጉስ፡ ንዘለአለም ህያው ኩን። ዎ ንጉስ፡ ኣብ ቅድሚኡ ንጹህ ኮይነ ተረኺበ እየ፡ ኣብ ቅድሜኻ ኸአ ኣይበደልኩን እሞ፡ ኣምላኸይ መልኣኹ ልኢኹ፡ ኣፍ ኣናብስ ዐጸወ፡ ከቶውን ኣይጎድኡንን፡ ኢሉ መለሰሉ።

²²ሽዑ ዳንኤል ንንጉስ፡ ዎ ንጉስ፡ ንዘለአለም ህያው ኩን። ዎ ንጉስ፡ ኣብ ቅድሚኡ ንጹህ ኮይነ ተረኺበ እየ፡ ኣብ ቅድሜኻ ኸአ ኣይበደልኩን እሞ፡ ኣምላኸይ መልኣኹ ልኢኹ፡ ኣፍ ኣናብስ ዐጸወ፡ ከቶውን ኣይጎድኡንን፡ ኢሉ መለሰሉ።

²³ሽዑ እቲ ንጉስ ኣዝዩ ተሐጎሰ፡ ንዳንኤል ካብቲ ጉድጓድ ኬውጽእዎ ኸአ አዘዘ። ንዳንኤል ድማ ካብቲ ጉድጓድ ኣውጽእዎ። ኣብ ኣምላኹ ተወኪሉ ስለ ዝነበረውን፡ ገለ ጉድኣት ኣይተረኽቦን።

²⁴እቲ ንጉስ ከአ አዘዘ፡ ነቶም ከሰስቲ ዳንኤል ኣምጺኦም፡ ንሳቶም ደቆምን ኣንስቶምን ናብ ጉድጓድ ኣናብስ ደርበይዎም። ገና ኣብ ከብዲ ጉድጓድ ከይበጽሑ ድማ፡ እቶም ኣናብስ ጎበጥዎም፡ ኩሉ ኣዕጽምቶምውን ሰባበርዎም።

²⁵ድሕርዚ ንጉስ ዳርዮስ ነቶም ኣብ ኩላ ምድሪ ዚነብሩ ኹላቶም ኣህዛብን ወገናትን ቋንቋታትን ከምዚ ኢሉ ጸሐፈ፡ ሰላም ይብዝሓልኩም።

²⁶ኣምላኽ ዳንኤል ንዘለአለም ዚነብር ህያው ኣምላኽ እዩ፡ መንግስቱ ኣይክትጠፍእን እያ፡ ግዝኣቱውን ክሳዕ መወዳእታ ኪቐውም እዩ እሞ፡ ኣብ ኩሉ ግዝኣት መንግስተይ ኣብ ቅድሚኡ የንቀጥቅጡን ይፍርሁን፡ ኢለ እእዝዝ አሎኹ።

²⁷ንሱ የናግፍን የድሕንን፡ ኣብ ሰማይን ኣብ ምድርን ከአ ትእምርትን ተኣምራትን ይገብር እዩ። ንዳንኤል ካብ ኣናብስ ዘድሐነ ድማ ንሱ እዩ።

²⁸እዚ ንዳንኤል እዚ ኣብ መንግስቲ ዳርዮስን ኣብ መንግስቲ ቂሮስ ብዓል ፋርስን ሰልጠነ።