Read መ/ቅዱስ ትግርኛ, Tigrigna Bible, 1997 ትንቢት ዳንኤል 7 Bible Online

ትንቢት ዳንኤል 7 - መ/ቅዱስ ትግርኛ, Tigrigna Bible, 1997 bible

ትንቢት ዳንኤል 7

¹ንቤልሻጽር ንጉስ ባቢሎን ኣብታ ቐዳመይቲ ዓመቱ፡ ዳንኤል ኣብ መደቀሲኡ ኸሎ፡ ሕልምን ራእያትን ርእሱን ረአየ። ሽዑ ነቲ ሕልሚ ጸሐፎ፡ ርእሰ ነገሩውን ኣዘንተውዎ።

²ዳንኤል ከምዚ ኢሉ ተዛረበ፡ ለይቲ ብራእየይ ርኤኹ፡ እንሆ ኸአ፡ እቶም ኣርባዕተ ንፋሳት ሰማይ ኣብ ልዕሊ ዓብዩ ባሕሪ ይጋጨው ነበሩ።

³ካብቲ ባሕሪ ድማ በበይኖም ዝዓይነቶም ኣርባዕተ ዓበይቲ ኣራዊት ወጹ።

⁴እቲ ቐዳማይ ነንበሳ ይመስል፡ ኣኽናፉ ንስሪ ድማ ነበሮ። ኣኽናፉ ኽሳዕ ዚምንቆሳ ኸአ ጠመትክዎ። ካብ ምድሪ ተንስኤ፡ ከም ሰብ ድማ በእጋሩ ደው በሉ፡ ልቢ ሰብውን ተዋህቦ።

⁵እንሆ ድማ፡ ካልኣይ፡ ንድቢ ዚመስል ካልእ ኣራዊት። ንሱ ብጎድኑ ተንስኤ፡ ሰለስተ ዓጽሚ መሰንገለ ኣብ ኣፉ ኣብ መንጎ ኣስናኑ ነበረ፡ ተንስእ ኦ ብዙሕ ስጋ ብላዕ፡ ከአ በልዎ።

⁶ድሕርዚ እንሆ፡ ካልእ ኣራዊት፡ ኣብ ጎድኑ ኣርባዕተ ኽንፊ ዑፍ ዝነበሮ ንነብሪ ዚመስል ጠመትኩ። እዚ ኣራዊት እዚ ኣርባዕተ ርእሲ ነበሮ፡ ግዝኣት ድማ ተዋህቦ።

⁷ድሕርዚ ብራእይታ ለይቲ፡ እንሆ፡ መፍርህን መሰክሕቲ ኣዝዩ ብርቱዕን ዝኾነ ራብዓይ ኣራዊት ርኤኹ። ዓበይቲ ኣስናን ሓጺን ነበሮ፡ ይውሕጥን ይጥሕንን ነቲ ዝተረፈ ኸአ በእጋሩ ይረግጾን ነበረ። ካብቶም ቅድሚኡ ዝነብሩ ኹላቶም ኣራዊት በይኑ ዝዓይነቱ እዩ ዝነበረ፡ ዓሰርተ ኣቕርንቲውን ነበሮ።

⁸ኣነ ነቶም ኣቕርንቲ ኤስተብህለሎም ነበርኩ፡ እንሆ ኸአ፡ ኣብ ማእከሎም ንእሽቶ ኻልእ ቀርኒ ወጸ፡ ካብቶም ቀዳሞት ኣቕርንቲ ድማ ሰለስተ ኣብ ቅድሚኡ ተመቆሱ። እንሆውን እዚ ቐርኒ እዚ ዓይኒ ሰብ ዚመስል ዓይንን ዓብዩ ነገር ዚዛረብ ኣፍን ነበሮ።

⁹ኣነ ዝፋናት ክሳዕ ዚንብሮ እጥምት ነብርኩ፡ ሓደ ጥንታዊ ዝመዓልቱ ድማ ተቐመጠ። ክዳውንቱ ጻዕዳ ኸም በረድ፡ ጸጉሪ ርእሱ ኸኣአ ከም ጽሩይ ጸምሪ እዩ። ዝፋን ሃልሃልታ ሓዊ መንኮርኮሩ ድማ ጉሁር ሓዊ እዩ።

¹⁰ውሒዝ ሓዊ ይውሕዝ፡ ካብ ቅድሚኡ ኸአ ይወጽእ ነበረ። ሽሕ ጊዜ ሽሕ የገልግልዎ፡ እልፊ ጊዜ እልፊ ድማ ኣብ ቅድሚኡ ቕይሞም ነበሩ። ፍርዲ ኾነ፡ መጻሕፍቲውን ተገንጸለ።

¹¹ሽዑ ኣነ ብዛዕባ እቲ ቕርኒ እተዛረቦ ድምጺ ዓበይቲ ቓላት ጠመትኩ። እቲ ኣራዊት ክሳዕ ዚቕተል ጠመትኩ፡ ስጋኡ ጠፍኤ፡ ምእንቲ ኺነድድ ከአ ንሓዊ ተዋህበ።

¹²ካብቶም ዝተረፉ ኣራዊት ድማ ግዝኣቶም ተወስደ፡ ምናሕ ህይወት ግና ንዘመንን ንውሱን ጊዜን ተወሰኸሎም።

¹³ብራእያት ለይቲ እጥምት ነበርኩ፡ እንሆ ኸአ፡ ወዲ ሰብ ዚመስል ብደበና ሰማይ ይመጽእ ነበረ፡ ናብቲ ጥንታዊ ዝመዓልቱ ድማ በጽሔ፡ ናብ ቅድሚኡውን ኣቕረብዎ።

¹⁴ኩላቶም ኣህዛብን ወገናትን ቋንቋታትን ኬገልግልዎስ፡ ግዝኣትን ክብርን መንግስትን ንእኡ ተዋህቦ። ግዝኣቱ ዘይሐልፍ ዘለአለማዊ ግዝኣት እዩ፡ መንግስቱውን ከቶ ኣይክትጠፍእን እያ።

¹⁵ኣነ ዳንኤል፡ መንፈስ ኣብ ውሽጢ ስጋይ ሰምበደ፡ እቲ ራእያት ርእሰይ ከአ ኣጨነቐኒ።

¹⁶ካብቶም ደው በሃልትስ ናብ ሓደ ቐረብኩ፡ ብዛዕባ እዚ ኹሉ ኸአ ርግጹ ሐተትክዎ። ንሱ ተዛረበኒ፡ ትርጓሜ እቲ ነገርውን ነገረኒ።

¹⁷እዞም ኣርባዕተ ዓበይቲ ኣራዊት እዚኣቶም ካብ ምድሪ ዚትንስኡ ኣርባዕተ ነገስታት እዮም።

¹⁸እቶም ናይ ልዑል ቅዱሳን ግና ነታ መንግስቲ ኪቕበልዋ እዮም፡ ነታ መንግስቲውን ንዘለአለም፡ ኤለ ንዘለአለምም ኣለም ኪወርስዋ እዮም።

¹⁹ድሕርዚ ድማ ብዛዕባ እቲ፡ ኣስናኑ ሓጺን፡ ኣጽፊፉ ኸአ ኣስራዝ ዝኾነ፡ ዝወሐጠን ዝሰባበረን ንዝተረፎ ድማ በእጋሩ ዝረገጸን ኣዝዩ ዜሰክሕን ንበይኑ ዝኾነ ዓይነቱን ራብዓይ ኣራዊት፡ ብዛዕባ እቲ ኣብ ርእሱ ዝነበረ ዓሰርተ ኣቕርንትን ብዛዕባ እታ፡ ኣብ ቅድሚኣ ሰለስተ ዝወደቑ፡ ዝወጸት ካልእ ቀርንን፡ ንሳውን ኣዒንትን ዓበይቲ ነገር ዚዛረብ ኣፍን ዝነበራ። ትርኢታውን ካብቶም ካልኦት ዝበለጸት፡ ርግጽ ኺፈልጥ ደሌኹ።

²⁰ድሕርዚ ድማ ብዛዕባ እቲ፡ ኣስናኑ ሓጺን፡ ኣጽፊፉ ኸአ ኣስራዝ ዝኾነ፡ ዝወሐጠን ዝሰባበረን ንዝተረፎ ድማ በእጋሩ ዝረገጸን ኣዝዩ ዜሰክሕን ንበይኑ ዝኾነ ዓይነቱን ራብዓይ ኣራዊት፡ ብዛዕባ እቲ ኣብ ርእሱ ዝነበረ ዓሰርተ ኣቕርንትን ብዛዕባ እታ፡ ኣብ ቅድሚኣ ሰለስተ ዝወደቑ፡ ዝወጸት ካልእ ቀርንን፡ ንሳውን ኣዒንትን ዓበይቲ ነገር ዚዛረብ ኣፍን ዝነበራ። ትርኢታውን ካብቶም ካልኦት ዝበለጸት፡ ርግጽ ኺፈልጥ ደሌኹ።

²¹እቲ ጥንታዊ ዝመዓልቱ ኽሳዕ ዚመጽእ፡ ፍርዲ ነቶም ናይ ልዕል ቅዱሳን ክሳዕ ዚውሀብ፡ እቶም ቅዱሳን ነታ መንግስቲ ዚወርሱላ ጊዜ ኽሳዕ እትመጽእ፡ እታ ቐርኒ ምስቶም ቅዱሳን ክትዋጋእን ክትስዕሮምን ከላ ርኤኹ።

²²እቲ ጥንታዊ ዝመዓልቱ ኽሳዕ ዚመጽእ፡ ፍርዲ ነቶም ናይ ልዕል ቅዱሳን ክሳዕ ዚውሀብ፡ እቶም ቅዱሳን ነታ መንግስቲ ዚወርሱላ ጊዜ ኽሳዕ እትመጽእ፡ እታ ቐርኒ ምስቶም ቅዱሳን ክትዋጋእን ክትስዕሮምን ከላ ርኤኹ።

²³ንሱ ኸአ ከምዚ ኢሉ ተዛረበ፡ እቲ ራብዓይ ኣራዊት፡ ካብ ኩለን መንግስትታት በይና ዝኾነት ዓይነታ፡ ራብዐይቲ መንግስቲ ኣብ ምድሪ ኽትከውን እያ፡ ንኹላ ምድሪ ኽትውሕጣን ክትረግጻን ክትጥሕናን እያ።

²⁴እቶም ዓሰርተ ኣቕርንቲ ኸአ፡ ካብዚ መንግስቲ እዚኣ ዓሰርተ ነገስታት ኪትንስኡ እዮም፡ ድሕሪ እዚኣቶም ድማ ካብቶም ቀዳሞት በይኑ ዝኾነ ዓይነቱ ኻልእ ኪትንስእ፡ ንሰለስተ ነገስታትውን ኬውርዶ እዩ።

²⁵ኣብቲ ልዑል ከአ ናይ ትዕቢት ቃል ኪዝረብ፡ ነቶም ናይ ልዑል ቅዱሳን ድማ ኬጽንቶም፡ ዘመናትን ሕጋጋትን ኪልወጥ ከአ ኪሕልን እዩ፡ ንሳቶምውን ክሳዕ ዘመንን ዘመናትን ፈረቓ ዘመንን ኣብ ኢዱ ኽውሀቡ እዮም።

²⁶ግናኸ ፍርዲ ኪኸውን፡ ብጥራስ ኪጸንትን ኪጠፍእን ከአ፡ ብግዝኣቱ ኻብኡ ኺውሰድ እዩ።

²⁷እቲ ኣብ ትሕቲ ኹላ ሰማይ ዘሎ መንግስትን ግዝኣትን ዕቤትን መንግስትታትን ነቲ ናይ ልዑል ህዝቢ ቅዱሳን ኪውሀብ እዩ። መንግስቱ ናይ ዘለአለም መንግስቲ እያ፡ ብዘለው ግዝኣታት ድማ ኬገልግልዋን ኪእዘዝዋን እዮም።

²⁸ኣብዚ እዩ መወዳእታ እዚ ነገር። ኣነ ዳንኤል ሓሳባተ ይኣዝዩ ኣጨኒቑኒ፡ ገጸይ ተለወጠኒ፡ ነቲ ነገር ከአ ኣብ ልበይ ዐቖርክዎ።