Read መ/ቅዱስ ትግርኛ, Tigrigna Bible, 1997 ትንቢት ሆሴዕ 1 Bible Online

ትንቢት ሆሴዕ 1 - መ/ቅዱስ ትግርኛ, Tigrigna Bible, 1997 bible

ትንቢት ሆሴዕ 1

¹ብዘመን እቶም ነገስታት ይሁዳ፡ ኡዝያን ዮታምን ኣሃዝን ህዝቅያስን ብዘመን እቲ ንጉስ እስራኤል፡ ንዮሮብዓም ወዲ ዮኣስፕ ንሆሴእ ወዲ ባኤረ ዝመጾ ቓል እግዚኣብሄር እዚ እዩ።

²እግዚኣብሄር ብሆሴእ ኪዛረብ ምስ ጀመረ፡ እግዚኣብሄር ንሆሴእ፡ እታ ሃገር ካብ እግዚኣብሄር ርሒቓ ዓብዩ ምንዝርና ትምንዝር ኣላ እሞ፡ ኪድ፡ ውለድ ምንዝርና ዘለውዋ ሰበይቲ ምንዝርና አእቱ፡ በሎ።

³ከደ እሞ ንጎሜር ጓል ዲብላይም ኣእተወ። ንሳ ኸአ ጠነሰት ወዲውን ወለደትሉ።

⁴እግዚኣብሄር ድማ፡ ድሕሪ ቕሩብ ጊዜ ንደም ይዝሬኤል ኣብ ልዕሊ ቤት ይሁዳ ኸውርዶ፡ ንመንግስቲ ቤት እስራኤል ከአ ከጥፍኣ እየ፡ በታ መዓልቲ እቲኣ ድማ ንቐስቲ እስራኤል ኣብ ለሰ ይዝሬኤል ክሰባብሮ እየ እሞ፡ ስሙ ይዝራኤል ኢልካ ስመዮ በሎ።

⁵እግዚኣብሄር ድማ፡ ድሕሪ ቕሩብ ጊዜ ንደም ይዝሬኤል ኣብ ልዕሊ ቤት ይሁዳ ኸውርዶ፡ ንመንግስቲ ቤት እስራኤል ከአ ከጥፍኣ እየ፡ በታ መዓልቲ እቲኣ ድማ ንቐስቲ እስራኤል ኣብ ለሰ ይዝሬኤል ክሰባብሮ እየ እሞ፡ ስሙ ይዝራኤል ኢልካ ስመዮ በሎ።

⁶ከም ብሓድሽ ከአ ጠነሰት ጓል ድማ ወለደት። በሎውን፡ ድሕርዚ ንቤት እስራኤል ይቕረ ኢለ ከቶ ኣይክምሕሮምን እየ እሞ፡ ስማ ሎሩሓማ ኢልካ ስመያ።

⁷ንቤት ይሁዳ ግና ክምሕሮም እየ፡ ብእግዚኣብሄር ኣምላኾም እየ ዘድሕኖም እምበር፡ ብቐስትን ብሰይፍን ብውግእን ብፍራስን ብፈረሰኛታትንሲ ኣየድሕኖምን እየ።

⁸ንሎሩሓማ ጡብ ምስ ኣሕደገታ፡ ጠነሰት ወዲ ኸአ ወለደት።

⁹እግዚኣብሄር ድማ፡ ንስኻትኩም ህዝበይ ኣይኮንኩምን፡ ኣነውን ናትኩም ኣይክኸውንን እየ እሞ፡ ስሙ ሎዓሚ ኢልካ ስመዮ በሎ።

¹⁰ግናኸ ፍቕዲ ደቂ እስራኤል ኸምቲ ኺሰፍርን ኪፍቀድን ዘይከአል ሑጻ ባሕሪ ኪኸውን እዩ፡ ኣብቲ፡ ህዝበይ ኣይኮንኩምን እተባህሉሉ ስፈኣ ኸአ፡ ንስኻትኩም ደቂ ህያው ኣምላኽ ኢኹም፡ ኩብልዎም እዮም።