Read መ/ቅዱስ ትግርኛ, Tigrigna Bible, 1997 ትንቢት ሆሴዕ 11 Bible Online

ትንቢት ሆሴዕ 11 - መ/ቅዱስ ትግርኛ, Tigrigna Bible, 1997 bible

ትንቢት ሆሴዕ 11

¹ንእስራኤል ሕጻን ከሎ ኣፍቀርክዎ፡ ንወደይ ካብ ግብጺ ጸዋዕክዎ።

²ብመጠን እቲ ዝጸውዕዎም ካብ ገጾም ረሐቑ፡ ንበዓሊም ሰውኡ ንጣኦታት ከአ ዐጠኑ።

³ኣነ ንኤፍሬም ኣታቴኽዎ፡ ብቕልጽመይ ሓቖፍክዎም፡ ግናኸ ኣነ ኸም ዘሕዌኽዎም፡ ኣይፈለጡን።

⁴ኣነ ብገመድ ሰብ፡ ብማእሰር ፍቕሪ ሰሐብክዎም፡ ከምቲ ኻብ ምንጋጋኦም ኣርዑት ዜልዕል ኮንክዎም፡ ብልዒውን ኣቕረብኩሎም።

⁵ናብ ሃገር ግብጺ ኣይምለስን፡ ግናኸ ምምላስ ስለ ዝአበዩ፡ ኣሶራዊ ይነግሶ።

⁶ስለ እቲ እተማኸርዎ ምኽሮም ከአ ሰይፊ ኣብ ከተማታቱ ኼንበጥብጥ፡ ንመሀርሃሪታቱ ድማ ኪኾሞን ኪውሕጦን እዩ።

⁷ህዝበይ ካባይ ንምኽዳዕ ልቢ ተሰቕለ፡ ናብቲ ልዑል ጸዊዖምዎም ክነሶም፡ ልዕል ዚብል ሓደ እኳ የልቦን።

⁸ዎ ኤፍሬም፡ ከምይ ገይረ ኽሐድገካ፡ ዎ እስራኤል፡ ከምይ ገይረ ኣሕሊፈ ኽህበካ፡ ከም ኣድማዶ ኽገብረካ፡ ከም ጸቦይምዶኸ ኽንብረካ እየ፡ ልበይ ኣብ ውሽጠይ ተናወጸ፡ ኩሉ ምሕረተይ ነደደ።

⁹ኣነስ ኣምላኽ እየ፡ ሰብ ኣይኮንኩን፡ ኣብ ማእከልካውን ቅዱስ እየ እምበር፡ ብነድሪ ቑጥዓ ኣይመጽእን እየ እሞ፡ ሃና ነድረይ ኣይወጽእን እየ፡ ንኤፍሬም ከጥፍእ ኢለ ድማ ኣይምለስን እየ።

¹⁰ንሱ ይጓዝም፡ እቶም ደቂ ኸአ ካብ ምዕራብ እናንቀጥቀጡ ይመጹ እሞ፡ ንሳቶም ደድሕሪ እቲ ኸም ኣንበሳ ዚጓዝም እግዚኣብሄር ይኸዱ።

¹¹ካብ ግብጺ ኸም ዑፍ፡ ካብ ሃገር ኣሶር ከም ርግቢ እናንቀጥቀጡ ይመጹ፡ ኣነውን ኣብ ኣብይቶም ከንብሮም እየ፡ ይብል እግዚኣብሄር።

¹²ኤፍሬም ብሓሶት ቤት እስራኤል ከአ ብተንኮል ከበቡኒ፡ ይሁዳ ግና ነቲ ቅዱስ እሙን ኮይኑ ምስ ኣምላኽ ይነግስ።