Read መ/ቅዱስ ትግርኛ, Tigrigna Bible, 1997 ትንቢት ሆሴዕ 6 Bible Online

ትንቢት ሆሴዕ 6 - መ/ቅዱስ ትግርኛ, Tigrigna Bible, 1997 bible

ትንቢት ሆሴዕ 6

¹ንሱ ቐደደ፡ ኬጥዕየና ኸአ እዩ፡ ንሱ ወቕዔ፡ ኪዝንነና ድማ እዩ እሞ፡ ንዑናይ ናብ እግዚኣብሄር ንመለስ።

²ድሕሪ ክልተ መዓልቲ ህያውና ኪገብረና እዩ፡ ብሳልሰይቲ መዓልቲ ኸአ ደው ኬብለና እዩ። ኣብ ቅድሚኡውን ብህወት ከንነብር ኢና።

³ንእግዚኣብሄር ንፍለጦ፡ ክንፈልጦ ድማ ንስዐቦ። ምውጽኡ ኸም ወጋሕታ ርግጽ እዩ፡ ንሱ ኸም ዝናም፡ ከምቲ ንምድሪ ዜጥልል ዝናም ጽብሓት ናባና ኺመጽእ እዩ።

⁴ዎ ኤፍሬም፡ እንታይ ክገብረካ እየ፡ ዎ ይሁዳ እንታይ ክገብረካ እየ፡ ሰናይኩም ከም ደበና ብጊሓት፡ ከምቲ ኣንጊሁ ዘጠፍእ ኣውሊ እዩ።

⁵ስለዚ ብነብያት ቁረጽክዎም፡ ብቓል ኣፈይ ቀተልክዎም፡ ፍርድኻ ድማ ከም ብርሃን ይወጽእ።

⁶ኣነስ ምሕረት እየ ዝፈቱ፡ መስዋእቲ ኣይኮነን፡ ካብ ዚሐርር መስዋእቲ ድማ ፍልጠት ኣምላኽ እፈቱ።

⁷ንሳቶም ግና ከም ኣዳም ኪዳን ኣፍረሱ፡ በዚውን ጠለሙኒ።

⁸ጊልዓድ ብደም እተዐለሰት ከተማ ኣበሰኛታት እያ።

⁹ከምቲ ኸተርቲ ንሰብ ዜድብዩሉ፡ ከምኡ ድማ እቶም ኣኼባ ኻህናት ኣብ መገዲ ሴኬም ይቐትሉ፡ እወ፡ ሕሰም ይገብሩ።

¹⁰ኣብ ቤት እስራኤል ዜሰክሕ ነገር ርኤኹ፡ ምንዝርና ኤፍሬም ኣብኡ እዩ፡ እስራኤል ከአ ረኸሰ።

¹¹ንምርኮ ህዝበይ ምስ መለስክዎ፡ ኣታ ይሁዳ፡ ንኣኻ ድማ ቀውዒ ተዳልዩልካ አሎ።