Read መ/ቅዱስ ትግርኛ, Tigrigna Bible, 1997 ትንቢት ሆሴዕ 7 Bible Online

ትንቢት ሆሴዕ 7 - መ/ቅዱስ ትግርኛ, Tigrigna Bible, 1997 bible

ትንቢት ሆሴዕ 7

¹ሓሶት የዘውትሩ፡ ሰራቒ ይአቱ፡ ጭፍራ ኸተርቲ ድማ ኣብ ወጻኢ ይኸትሩ አለው እሞ፡ ንእስራኤል ከሕወዮም ምስ ደሌኹ፡ ሽዑ ኣበሳ ኤፍሬምን ሕሰም ሰማርያን ተገልጸ።

²ኣነ ንኹሉ እከዮም ከም ዝዝክሮ፡ ብልቦም ኣይብሉን። ሕጂ ግብሮም ይኸቦም፡ ኣብ ቅድሚ ገጸይ ከአ አሎ።

³ንንጉሰ ብእከዮም ንመሳፍንቲ ድማ ብሓሶቶምን የሐጎስዎም አለው።

⁴ኩላቶም ዘመውቲ እዮም። ከምቲ ሰንካቲ ዘርሰኖ እቶን እዮም። ንሱ፡ እቲ ብሑቑ ካብቲ ዘቔምጥዖ ክሳዕ ዚበኩዕ፡ ምቑስቋ ይሐድግ።

⁵ብመዓልቲ ንጉስና እቶም መሳፍንቲ ብረስኒ ወይኒ ንርእሶም ኣሕመሙ፡ ምስቶም መላገጽቲ ኢዱ ዘርጊሔ።

⁶ብተንከሎም ንልቦም ከም እቶን ኣዳለውዎ፡ ሰንካቲኦም ምሉእ ለይቲ ይድቅስ፡ ንግሆ ኸአ እቲ እቶን ሃልሃል ከም ዚብል ሓዊ ይነድድ።

⁷ኩላቶም ከም እቶን ይረስኑ ንፈራዶኦም ከአ ይውሕጥዎም። ኩሎም ነገስታቶም ወደቑ፡ ካባታቶም ሓደ እኳ ዚጽውዓኒ የልቦን።

⁸ኤፍሬም ምስ ህዝብታት ይጸናበር አሎ፡ ኤፍሬም ዘይተገምጠለ ቕጫ እዩ።

⁹ሓይሉ ኣጋይስ ይበልዕዎ፡ ንሱውን ኣይፈልጦን። ሽበት ተነዝሖ፡ ንሱውን ኣይፈልጦን።

¹⁰ትዕቢት እስራኤል ኣብ ገጹ ይምስክር፡ ግናኸ ናብ እግዚኣብሄር ኣምላኾም ኣይምለሱን፡ በዚ ኹሉውን ኣይደልይዎን።

¹¹ኤፍሬም ከም ልቢ ዜብላን ዓሻን ርግቢ ኽነ፡ ንሳቶም ንግብጺ ይጽውዑ፡ ናብ ኣሶር ይኸዱ።

¹²ኪኸዱ ኸለው መርበበይ ክዝርግሓሎም፡ ከም ኣዕዋፍ ሰማይ ከውርዶም፡ ከምቲ ኣብ ማሕበሮም እተነግረ ክቐጽዖም እየ።

¹³ካባይ ሀዲሞም እዮም እሞ፡ ወይለኦም። በዲሎም እዮም እሞ፡ ጥፍኣት ኣብ ልዕሊኦም ይኹን። ኣነስ መድሐንክዎም፡ ንሳቶም ግና ሓሶት ተዛረቡለይ።

¹⁴ኣብ ምድቃሶም ኮይኖም ይበኽዩ አለው እምበር። ብልቦም ናባይ ኣየድህዩን። ናብ ስርናይን ናብ ወይንን ይእከቡ፡ ንኣይ እንከ ዐለውኒ።

¹⁵ኣነ ገሰጽክዎ፡ ቅልጽሞም ከአ አበርታዕኩ፡ ንሳቶም ግና እከይ ይሐስቡለይ አለው።

¹⁶ንሳቶም ይምለሱ አለው፡ ናብቲ ልዑል ግና ኣይኮነን። ከም መታለሊ ቐስቲ ኾነ። መሳፍንቶም ብሰሪ ኹራ ልሳኖም ብሰይፊ ኺወድቁ እዮም። እዚ ኸአ ኣብ ሃገር ግብጺ መላገጺ ኪኾኖም እዩ።