Read መ/ቅዱስ ትግርኛ, Tigrigna Bible, 1997 ትንቢት ኢዮኤል 3 Bible Online

ትንቢት ኢዮኤል 3 - መ/ቅዱስ ትግርኛ, Tigrigna Bible, 1997 bible

ትንቢት ኢዮኤል 3

¹እንሆ ኸአ፡ በተን መዓልትታት እቲኤንን በቲ ጊዜ እትን ንይሁዳን ንዮርሳሌምን ካብ ምርኮ ምስ መለስክዎም፡

²ብዛዕባ ህዝበይን ብዛዕባ ርስተይ እስራኤልን ነቶም ፋሕ ዘበልዎም ንምድረይ ከአ እተማቐልዋ ኣህዛብ፡ ኣብኡ ምሳታቶም ንፍርዲ ኸአቱስ፡ ንኹሎም ህዝብታት ክእክብፕም፡ ናብ ለሰ ዮሳፋጥ ከአ ከውርዶም እየ።

³ንህዝበይ ዕጭ ኣውደቑሉ፡ ነመንዝራ ሰበይቲ ዋጋኣ ቖልዓ ሀቡ፡ ጓል ድማ ንወይኒ ሸጥዋ ሰተዩ ኸአ።

⁴ኣቱም ጢሮስ ሲዶናን ኹላኻትኩም ሃገር ፍልስጥኤምን፡ ምሳይ እንታይ አሎኩም፡ ብሩርን ወርቀይን ወሲድኩም፡ ነቲ ዜብህግ ክቡር ኣቓሖይ ከአ ናብ መቓድስኩም ኣእቲኹም፡ ንደቂ ይሁዳን ንደቂ ዮርሳሌምን ከአ ካብ ዶቦም ከተርእቕዎምሲ፡ ናብ ደቂ ዮናናውን ሼጥኩምዎም ኢኹም እሞ፡ ፍዳዶ ኽትፈድዩኒ ኢኹም፡ ምንም እኳ ፍዳ እንተ ፈዴኹምኒ፡ ኣነ ቐልጢፈ ብድንገር ፍዳኹም ናብ ርእስኹም ክመልሰልኩም እየ።

⁵ኣቱም ጢሮስ ሲዶናን ኹላኻትኩም ሃገር ፍልስጥኤምን፡ ምሳይ እንታይ አሎኩም፡ ብሩርን ወርቀይን ወሲድኩም፡ ነቲ ዜብህግ ክቡር ኣቓሖይ ከአ ናብ መቓድስኩም ኣእቲኹም፡ ንደቂ ይሁዳን ንደቂ ዮርሳሌምን ከአ ካብ ዶቦም ከተርእቕዎምሲ፡ ናብ ደቂ ዮናናውን ሼጥኩምዎም ኢኹም እሞ፡ ፍዳዶ ኽትፈድዩኒ ኢኹም፡ ምንም እኳ ፍዳ እንተ ፈዴኹምኒ፡ ኣነ ቐልጢፈ ብድንገር ፍዳኹም ናብ ርእስኹም ክመልሰልኩም እየ።

⁶ኣቱም ጢሮስ ሲዶናን ኹላኻትኩም ሃገር ፍልስጥኤምን፡ ምሳይ እንታይ አሎኩም፡ ብሩርን ወርቀይን ወሲድኩም፡ ነቲ ዜብህግ ክቡር ኣቓሖይ ከአ ናብ መቓድስኩም ኣእቲኹም፡ ንደቂ ይሁዳን ንደቂ ዮርሳሌምን ከአ ካብ ዶቦም ከተርእቕዎምሲ፡ ናብ ደቂ ዮናናውን ሼጥኩምዎም ኢኹም እሞ፡ ፍዳዶ ኽትፈድዩኒ ኢኹም፡ ምንም እኳ ፍዳ እንተ ፈዴኹምኒ፡ ኣነ ቐልጢፈ ብድንገር ፍዳኹም ናብ ርእስኹም ክመልሰልኩም እየ።

⁷እንሆ፡ ኣነ ኻብቲ ዝሸጥኩምዎም ስፍራ ኸበግሶም እየ፡ ፍዳኹምውን ናብ ርእስኹም ክመልሰልኩም እየ።

⁸ነወዳትኩምን ነዋልድኩምን ናብ ኢድ ደቂ ይሁዳ ኽሸጦም እየ፡ ንሳቶምውን ናብቶም ኣብ ርሑቕ ዘለው ህዝብ፡ ናብ ለሰ ሳባ ኺሸጥዎም እዮም። እዚ እግዚኣብሄር ተዛሪብዎ እዩ።

⁹እዚ ኣብ ማእከል ህዝብታት አውጁ፡ ውግእ ኣዳልው፡ ነቶም ጀጋኑ ኣንቅሕዎም፡ ኩሎም ተዋጋእቲ ይቕረቡ፡ ይውጽኡ።

¹⁰ማሕረሻኹም ሰይፊ፡ ማዕጺድኩም ከአ ኩናት ስርሕዎ። እቲ ድኹም ድማ፡ ኣነ ጅግና እየ፡ ይበል።

¹¹ኣቱም ኣብ ከባቢ ዘሎኹም ኹልኹም ህዝብታት፡ ቀልጥፉ፡ ንዑ፡ ተአከቡ። ዎ እግዚኣብሄር፡ ኣብኡ ጅጋኑኻ ኣውርዶም።

¹²ኣነ ነቶም ኣብ ዙርያ ዘለው ኹሎም ህዝብታት ክፈርድሲ፡ ኣብኡ ክቕመጥ እየ እሞ፡ እቶም ህዝብታት ይበገሱ፡ ናብ ለሰ ዮሳፋጥ ከአ ይውጽኡ።

¹³እከዮም ስለ ዝዐበየ፡ ቀውዒ በጺሑ እዩ እሞ፡ ማዕጺድ ስደዱ፡ እቲ መጽሙቑ መሊኡ፡ ኣጋንእ ከአ ይጅርብብ አሎ እሞ፡ ንዑ ርገጹ።

¹⁴መዓልቲ እግዚኣብሄር ኣብ ለሰ ምምዳብ ቀሪባ እያ እሞ፡ ጭፍራ፡ ጭፍራ ኣብ ለሰ ምምዳብ።

¹⁵ጸሓይን ወርሕን ይጽልማ፡ ከዋኽብቲ ድማ ብርሃኖም ይሐብኡ።

¹⁶እግዚኣብሄር ካብ ጽዮን ይጓዝም፡ ድምጺ ኻብ ዮርሳሌም የስምዕ፡ ሰማይን ምድርን ከአ የንቀጥቅጥ። ግናኸ እግዚኣብሄር ንህዝቡ መዕቖቢ፡ ንደቂ እስራኤል ድማ ዕርዲ እዩ።

¹⁷ኣነ ኣብ ቅዱስ ከረነይ ኣብ ጽዮን ዝነብር እግዚኣብሄር ኣምላኽኩም ከም ዝኾንኩ፡ ክትፈልጡ ኢኺም። ዮርሳሌም ከአ ቅድስቲ ኽትከውን እያ፡ ድሕርዚውን ጓኖት ኣይኪሐልፍዋን እዮም።

¹⁸በታ መዓልቲ እቲአ ኪኸውን እዩ፡ ኣኽራን ኮልዒ ወይኒ ኺነትዑ፡ ኩርባታት ድማ ጸባ ኼውሕዙ፡ ካብ ኩሉ ርባታት ይሁዳ ኸአ ማይ ጃሕጃሕ ኪብል እዪ። ካብ ቤት እግዚኣብሄርውን ዓይኑ ማይ ኪፍልፍል፡ ንለሰ ሽጢም ድማ ኬስትያ እዩ።

¹⁹ኣብ ምድሮም ንጹህ ደም ክዕዮም እዮም እሞ፡ ግብጺ ኽትባድም፡ ኤዶም ከአ ጸምጸም በረኻ ኽትከውን እያ።

²⁰ይሁዳ ግና ንዘለአለም ትነብር፡ ዮርሳሌም ከአ ንውሉድ ወለዶ።

²¹ኣነ ድማ ነቲ ጸየጽሬኽዎ ደሞም ክጽርዮ እየ። እግዚኣብሄር ኣብ ጽዮን ኪነብር እዩ።