Read መ/ቅዱስ ትግርኛ, Tigrigna Bible, 1997 ትንቢት አሞጽ 3 Bible Online

ትንቢት አሞጽ 3 - መ/ቅዱስ ትግርኛ, Tigrigna Bible, 1997 bible

ትንቢት አሞጽ 3

¹ኣቱም ደቂ እስራኤል፡ ነቲ ኣንጻርኩም፡ ኣንጻር እቲ ኣነ ኻብ ምድሪ ግብጺ ዘውጻእክዎ ኹሉ ዓሌት፡ እዚ እግዚኣብሄር ዚዛረቦ ዘሎ ቓል ስምዑ። ከምዚ ይብል ኣሎ፡

²ኣነ ኻብ ኩሎም ዓሌታት ምድሪ ንኣኻትኩም ንበይንኹም ፈለጥኩኹም፡ ስለዚ ብሰሪ ኹሉ ኣበሳኹም ክቐጽዓኩም እየ።

³ክልተ ሰብ እንተ ዘይተሳማዑስ፡ ብሓደዶ ይመላለሱ እዮም፡

⁴ኣንበሳኸ ግዳይ እንተ ዜብሉዶ ኣብ ዱር ይጓዝም እዩ፡ ሽደን እንበሳስ ገለ ኸይሐዘዶ ኻብ ጉድጓዱ የድሂ እዩ።

⁵ዑፍከ ዜፈንጥራ ኣብ ዜብሉስ ኣብ ምድሪዶ ብመፈንጠራ ትተሐዝ እያ፡ መፈንጠራዶኸ ገለ ኸይሐዘ ኻብ ምድሪ ይለዐል እዩ፡

⁶መለኸት ኣብ ከተማ ተነፊሑስ፡ ህዝቢዶ ኣይፈርህን እዩ፡ እግዚኣብሄር ከየገብሮኸ ንኸተማዶ ኽፉእ ይወርዳ እዩ፡

⁷እግዚኣብሄር ኣምላኽሲ ምስጢሩ ንባሮቱ ነብያት ከይገለጸሎም፡ ገለ እኳ ኣይገብርን እዩ። ኣንበሳ ጓዚሙስ መን እዩ ዘይፈርህ፡ እግዚኣብሄር ኣምላኽ ተዛሪቡኸ አን እይ ዘይንበ።

⁸ኣብ ኣዳራሻት ኣሽዶድን ኣብ ኣዳራሻት ሃገር ግብጽን ከአ፡ ኣብ ርእሲ ኣኽራን ሰማርያ ተአከቡ፡ ነቲ ኣብ ማእከላ ዘሎ ዓብዩ ዕግርግርን ነቲ ኣብ ውሽጣ ዘሎ ዓመጻን ጠምቱ፡ ኢልኩም ኣውጁ።

⁹ኣብ ኣዳራሻት ኣሽዶድን ኣብ ኣዳራሻት ሃገር ግብጽን ከአ፡ ኣብ ርእሲ ኣኽራን ሰማርያ ተአከቡ፡ ነቲ ኣብ ማእከላ ዘሎ ዓብዩ ዕግርግርን ነቲ ኣብ ውሽጣ ዘሎ ዓመጻን ጠምቱ፡ ኢልኩም ኣውጁ።

¹⁰እቶም ኣብ ኣዳራሻቶም ዓመጻን ዘረፋን ዚድልቡ ቕኑዕ ምግባር ኣይፈልጡን እዮም፡ ይብል እግዚኣብሄር።

¹¹ስለዚ እግዚኣብሄር ኣምላኽ፡ ጸላኢ ኣብ ዙርያ እታ ሃገር አሎ፡ ንሱ ንሃይልኺ ኻባኺ የውርድ፡ ኣዳራሻትኪውን ይብዝበዝ ይብል አሎ።

¹²እግዚኣብሄር ከምዚ ይብል አሎ፡ ጓሳ ኻብ ኣፍ ኣንበሳ እግሪ ወይስ ሓንቲ ጭራም እዝኒ ኸም ዜድሕን፡ ከምኡ እቶም ኣብ ሰማርያ ኣብ ኩርናዕ ዓራትና ኣብ ምንጻፍ ደማስቆን ተቐሚጦም ዘለው ደቂ እስራኤል ኪድሕኑ እዮም።

¹³ስምዑ ኣንጻር ቤት ያእቆብ ከአ መስክሩ፡ ይብል እግዚኣብሄር ኣምላኽ፡ ኣምላኽ ሰራዊት።

¹⁴በታ አነ ንእስራኤል ብሰሪ ምግሃሱ ዝቐጽዓላ መዓልትስ ንመሰውእታት ቤትኤልውን ክቐጽዖ እየ። እቲ ኣቕርንቲ መሰውኢ ኪቐረጽን ኣብ ምድሪ ኪወድቕን እዩ።

¹⁵ንቤት ክረምትን ንቤት ሓጋይን ክወቕዔን እየ፡ እቲ ብስኒ ሓርማዝ እተሰርሔ ኣባይቲ ኺጠፍእ፡ እቲ ዓበይቲ ኣባይቲውን ኪድምሰስ እዩ፡ ይብል እግዚኣብሄር።