Read መ/ቅዱስ ትግርኛ, Tigrigna Bible, 1997 ትንቢት አሞጽ 6 Bible Online

ትንቢት አሞጽ 6 - መ/ቅዱስ ትግርኛ, Tigrigna Bible, 1997 bible

ትንቢት አሞጽ 6

¹እቶም ኣብ ጽዮን ሀዲኦም፡ ኣብ ከረን ሰማርያ ድማ ተአሚኖም ዚነብሩ፡ ቤት እስራኤል ከአ ዚኸድዎም ስሙያት ሓላቑ ኣህዛብ ወይለኦም።

²ናብ ካልነ ሕልፋነ ጠምቱን፡ ካብኡ ድማ ናብታ ዓባይ ሃማት ከዱ፡ ናብታ ናይ ፍልስጥኤማውያን ጋት ከአ ውረዱ። ንሳተንዶ ኻብዘን መንግስትታት እዚኤን ይበልጻ እየን፡ ወይስ ዶበንዶ ኻብ ዶብኩም ይገፍሕ እዩ፡

³ንስኻትኩም ነቲ ሕስምቲ መዓልቲ ኣትርሕቑ፡ ነታ መንበር ዓመጻ ኸአ እትቐርቡ ኢኹም።

⁴ኣብ ዓራት ስኒ ሓርማዝ ዚግምሰሱ፡ ኣብ መንጸፎም ድማ ዚጋደሙ፡ ካብ መጓሰ ኣባጊኦዕ ጥቦታውቲ፡ ካብ ደምበ ኣሓውን ኣባትይ ዚበልዑ፡

⁵ብደሃይ መሰንቆን ዚደርፉ፡ ከም ዳዊት ድማ መሳርያ ሙዚክ ዜዳልው፡

⁶ብገፊሕ ዋንጫ ወይኒ ዚሰትዩ፡ ብሉጽ መአዛ ኸኣ ዚልከዮ፡ ብስብራት ዮሴፍ ግና ዘይጉህዩ እዮም።

⁷ስለዚ ሕጂ ምስቶም ቅድም ዚማረኹ ኪማረኹ እዮም፡ ወኻዕታ እቶም ኣብ መኣዲ እተጋደሙ ድማ ክውዳእ እዩ።

⁸እግዚኣብሄር ኣምላኽ ብርእሱ መሐለ፡ ይብል፡ እግዚኣብሄር ኣምላኽ ሰራዊት፡ ኣነ ንትዕቢት ያእቆብ ፈንፈንኩ፡ ኣዳራሻቱ ከአ ጸላእኩ፡ ነታ ኸተማውን ምስናይ እቶም ኣብኣ ዚነብሩ ኹላቶም ኣሕሊፈ ኽህባ እየ።

⁹ኪኸውን ድማ እዩ፡ ኣብ ሓንቲ ቤት ዓሰርተ ሰብ እኳ እንተ ተረፉ፡ ኪሞቱ እዮም።

¹⁰ዘመዱ ምስቲ መንደዲ ነቲ ኣዕጽምቲ ኻብ ቤት ኬውጽኦስ፡ እንተ ኣልዐሎ እሞ፡ ነቲ ኣብ ውሽጢ ቤት ዘሎ፡ ንሱ ኸአ፡ ሐደ እኳ የልቦን፡ ኢሉ ይመልሰሉ፡ እቲ ድማ፡ ስም እግዚኣብሄር ክንሰሚ ኣይግብኣናን እዩ እሞ፡ ስቕ በል፡ ይብሎ።

¹¹እንሆ፡ እግዚኣብሄር ይእዝዝ አሎ እሞ፡ እታ ዓባይ ቤት ክትፈርስ፡ እታ ንእሽቶ ቤት ከአ ክትጭፍለቕስ ኪወቅዓ እየን።

¹²ንፍርሲ ናብ መርዚ፡ ንፍረ ጽድቂ ድማ ናብ ዕረ ለዊጥኩምዎ ኢኹም እሞ፡ ኣፍራስዶ ኣብ ልዕሊ ኸውሒ ይጎዩ እዮም፡ ወይስ ኣብዑርዶ ኣብኡ ይሕረሱ እዮም፡

¹³ንስኻትኩም ብኸንቱ ነገር እትሐጎሱ፡ ብሓይልናዶ ኣይኮንናን ብኸንቱ ነገር እትሕጎሱ፡ ብሓይልናዶ ኣይኮንናን ኣቕርንቲ ዝወሰድና፡ እትብሉ ዘሎኹም፡

¹⁴ኣቱም ቤት እስራኤል፡ ስለዚ እንሆ፡ ህዝቢ ኽተንስኣልኩም እየ፡ ንሳቶም ከአ ካብቲ መእተዊ ሃማት ክሳዕ እቲ ውሒዝ ኣርባሀ ኬጨንቕኹም እዮም፡ ይብል እግዚኣብሄር ኣምላኽ ሰራዊት።