Read መ/ቅዱስ ትግርኛ, Tigrigna Bible, 1997 ትንቢት አሞጽ 9 Bible Online

ትንቢት አሞጽ 9 - መ/ቅዱስ ትግርኛ, Tigrigna Bible, 1997 bible

ትንቢት አሞጽ 9

¹እግዚኣብሄር ኣብ መሰውኢ ደዊ ኢሉ ርኤኽዎ፡ በለውን ነቲ ጎልላት ውቕዓዮ፡ እቲ ልዳውቲ ኸአ ይናቓነቕ ኣብ ርእሲ ኹላቶም ሰባብሮ፡ ነቶም ካብኦም ዝተረፉ ኸአ ብሰይፊ ኽቐትሎም እየ፡ ካብኦም ሓደ እኳ ኣይኪሀድምን እዩ፡ ካብኦምሲ ሓደ እኳ ኣይኬምልጥን እዩ።

²ኩዒቶም እኳ ናብ ሲኦል እንተ አተው፡ ካብኡ ኢደይ ከተውጽኦም እያ። ናብ ሰማይ እንተ ደየቡውን ካብኡ ኣነ ኸውርዶም እየ።

³ኣብ ርእሲ ቀርሜሎስ እኳ እንተ ተሓብኡ፡ ኣነ ደልየ ኻብኡ ኸውጽኦም እየ፡ ካብ ኣዒንተይ ናብ መዓሙቕ ባሕሪ እንተ ተሓብኡ፡ ኣብኡ ንተመን ከእዝዞ እየ፡ ኪነኽሶም ከአ እየ።

⁴ኣብ ቅድሚ ጸላእቶም ተማሪኾም እንተ ኸዱ እኳ፡ ናብኡ ንሰይፊ ዘይኮነስ ንሕሰም ኣዒንተይ ናብኦም ከጠምተን እየ።

⁵ንምድሪ ዚትንክያ እግዚኣብሄር ኣምላኽ ሰራዊት እዩ፡ ንሳ ኽአ ትመክኽ፡ እቶም ኣብኣ ዚነብሩ ኹላቶም ድማ ኪሐዝኑ እዮም። ንሳ ብዘላ ኸምቲ ወሓዚ ኽትለዐል፡ ከምቲ ርባ ግብጺ ድማ ለጠቕ ክትብል እያ።

⁶እቲ ኣዳራሻቱ ኣብ ሰማይ ዝሰርሔ፡ ጠፈሩ ኣብ ልዕሊ ምድሪ ዝሰረተ፡ ንምያት ባሕሪ ዚጽውዕ፡ ናብ ልዕሊ ገጽ ምድሪ ድማ ዚኽዕዎ፡ ስሙ እግዚኣብሄር ገጽ ምድሪ ድማ ዚኽዕዎ፡ ስሙ እግዚኣብሄር እዩ።

⁷ኣቱም ደቂ እስራኤል፡ ንስኻትኹም ንኣይ ከም ደቂ ኢትዮጵያውያንዶ ኣይኮንኩን፡ ይብል እግዚኣብሄር። ንእስራኤል ካብ ሃገር ግብጺ፡ ንፍልስጥኤማውያን ድማ ካብ ካፍቶር፡ ንሶርያውያን ከኣ ካብ ቂር ኣነዶ ኣይኮንኩን ዘውጻእክዎም፡

⁸እንሆ፡ ኣዒንቲ እግዚኣብሄር ኣምላኽ ኣብ ልዕሊ እታ ሕጥእ መንግስቲ እየን፡ ካብ ገጽ ምድሪ ኸአ ከጥፍኣ እየ፡ ግናኸ ንቤት ያእቆብ ብጥራስ ኣይከጥፍኣን እየ፡ ይብል እግዚኣብሄር።

⁹እንሆ፡ ኣነ ኽእዝዝ፡ ንቤት እስራኤል ከአ ከምቲ ብሜሔ ዚሕሔ ስርናይ ኣብ ማእከል ኩሎም ህዝብታት ክንዝንዛ እየ፡ ሓንቲ ስርናይውን ኣብ ምድሪ ኣይክትወድቕን እያ።

¹⁰እቶም፡ ሕሰም ኣይኬርከበናን ኣይክበጽሓናን ከአ እዩ፡ ዚብሉ ኹሎም ሓጥኣን ህዝበይ ብሰይፍ ኺሞቱ እዮም።

¹¹በታ መዓልቲ እቲኣ ነታ ዝወደቐት ድንኳን ዳዊት ከልዕላ፡ ነቓዓታ ኸአ ክጣጥእ እየ፡ ነቶም ካብ ኤዶም ዝተረፉን ነቶም ብስመይ እተሰምዩ ኹሎም ህዝብታትን ኪወርሱስ፡ ንዑናኣ ኸልዕሎ፡ ከምቲ ብዘመን ጥንቲ ዝነበረቶ ገይረ ኸኣአ ክሀንጻ እየ፡ ይብል እቲ ነዚ ዚገብር እግዚኣብሄር።

¹²በታ መዓልቲ እቲኣ ነታ ዝወደቐት ድንኳን ዳዊት ከልዕላ፡ ነቓዓታ ኸአ ክጣጥእ እየ፡ ነቶም ካብ ኤዶም ዝተረፉን ነቶም ብስመይ እተሰምዩ ኹሎም ህዝብታትን ኪወርሱስ፡ ንዑናኣ ኸልዕሎ፡ ከምቲ ብዘመን ጥንቲ ዝነበረቶ ገይረ ኸኣአ ክሀንጻ እየ፡ ይብል እቲ ነዚ ዚገብር እግዚኣብሄር።

¹³እግዚኣብሄር ይብል ኣሎ፡ እንሆ፡ እቲ ሓረስታይ ንዓጻዳይ፡ እቲ ጻማቑ ወይኒ ድማ ነቲ ዘራኢ ዜርክበሉ መዓልትታት ኪመጻ እየን። ኣኽራን ከአ ኮልዒ ወይኒ ኼንጠብጥብ፡ ኩሉ ኩድኩዶታት ድማ ክመክኽ ኣዩ።

¹⁴ኣነ ኸአ ንህዝበይ እስራኤል ካብ ምርኮ ኽመልሶ እየ፡ ንሳቶም ድማ ነተን ዝባደማ ኸተማታት ኪሀንጽወንን ኪነብርወንን እዮም። ኣታኽልቲ ወይኒ ኺተኽሉ፡ ወይኑ ኸአ ኪሰትዩ፡ ኣታኽልቲ ኺገብሩ፡ ፍሬኡውን ኪበልዑ እዮም።

¹⁵ኣነ ኣብ ምድሮም ክተኽሎም እየ። ድሕርዚ ኸአ ካብታ ዝሀብክዎም ምድሮም ከቶ ኣይኪምንቁሱን እዮም፡ ይብል እግዚኣብሄር ኣምላኽካ።