Read መ/ቅዱስ ትግርኛ, Tigrigna Bible, 1997 ትንቢት አብድዩ 1 Bible Online

ትንቢት አብድዩ 1 - መ/ቅዱስ ትግርኛ, Tigrigna Bible, 1997 bible

ትንቢት አብድዩ 1

¹ራእይ ኦብድያ። እግዚኣብሄር ኣምላኽ ብዛዕባ ኤዶም ከምዚ ይብል አሎ፡ ተንስኡ፡ ምስኣ ኽንውጋእስ ንለዐል፡ ዚብል መልእኽቲ ኻብ እግዚኣብሄር ሰማዕና፡ ልኡኽ ድማ ኣብ ህዝባታት ኣንኣስኩኻ፡ ንስኻ ኣዚኻ እተነዐቕካ ኢኻ።

²ኣታ ኣብ ምንቃዕ ኣኻውሕ እትነብር፡ መቐመጢኻ ልዕል ዝበለ፡ ብልብኻ ድማ፡ መን እዩ ናብ ምድሪ ዝወርደኒ፡ እትብል፡ ትዕቢት ልብኻ ኣስሐተካ።

³ኣታ ኣብ ምንቃዕ ኣኻውሕ እትነብር፡ መቐመጢኻ ልዕል ዝበለ፡ ብልብኻ ድማ፡ መን እዩ ናብ ምድሪ ዝወርደኒ፡ እትብል፡ ትዕቢት ልብኻ ኣስሐተካ።

⁴ከም ንስሪ እኳ ልዕል እንተ በልካ፡ ቤትካውን ኣብ ማእከል ከዋኽብቲ እንተ ገበርካ፡ ካብኡ ኽውርደካ እየ፡ ይብል እግዚኣብሄር።

⁵ሰረቕቲ ወይስ ከተርቲ ብለይቲ እንተ ዚመጹኻ፡ ክንደይ ኮን በረስካ፡ ክሳዕ ዚእኽሎምዶ ኣይምሰረቐን፡ ብተኽቲ ወይኒ እንተ ዚመጹኻስ፡ ገለ ዘለላዶ ኣይምሐደጉልካን፡

⁶ኣየ፡ ኤሳው ክንደይ ተጎርጎረ፡ እቲ ሕቡእ መዝገብስ ክንደይ ተደልየ።

⁷እቶም ቃል ኪዳን ዝአተውልካ ሰባት ኩሎም ክሳዕ ዶብ ሰደዱኻ፡ እቶም እትኣምኖም ሰባት ከአ ጠበሩኻ፡ ዐብለሉኻ ድማ፡ እቶም እንጌራኻ ዝበልዑውን፡ ኣእምሮ የብሉን፡ ኢሎም ኣብ ትሕቴኻ መፈንጠራ ዘርግሑልካ።

⁸እግዚኣብሄር ከምዚ ይብል አሎ፡ በታ መዓልቲ እቲኣ ኣነ ኻብ ኤዶም ጠቢባን፡ ካብ ከረን ኤሳው ከአ ምስትውዓልዶ ኣይክጥፍእን እየ፡

⁹ኣታ ቴማን፡ ሰብ ዘበለ ኻብ ከረን ኤሳው ብምቕታል ኪጥረስሲ፡ ጀጋኑኻ ተስፋ ኪቖርጹ እዮም።

¹⁰ብምኽንያት እቲ ንሓውካ ያእቆብ ዝገበረካዮ ዓመጽ፡ ሕፍረት ክኽድነካ እዩ፡ ንዘለአለም ከአ ክትጸንት ኢኻ።

¹¹በታ ኣብ ቅድሚኡ ደው ኢልካ ዝነበርካላ መዓልቲ፡ በታ ጓኖት ንገንዘቡ ዝማረኹላ፡ መጻእተኛታት ድማ ብደጌታቱ ዝአተውላ፡ ንዮርሳሌም ከአ ዕጭ ዘውደቑላ መዓልቲ ንስኻውን ከም ሓደ ኻባታቶም ነበርካ።

¹²እምበኣርሲ በታ መዓልቲ መከራኡ ንመዓልቲ ሓውካ ኣይትጠምት፡ በታ መዓልቲ ጥፍኣቶም ብደቂ ይሁዳ ኣይትተሐጎስ፡ በታ መዓልቲ ጸባባ ትዕቢት ኣይትዛረብ።

¹³በታ መዓልቲ መዓቱ ብደገ ህዝበይ ኣይትእቶ፡ በታ መዓልቲ መዓቱ ንስኻውን መከራኡ ኣይትርኤ፡ በታ መዓልቲ መዓቱ ድማ ኢድካ ናብ ገንዘቡ ኣይትዘርግሕ።

¹⁴ነቶም ዘምለጡ ኸተጥፍእ ኢልካ ኣብ ቃራና መገዲ ደው ኣይትበል፡ በታ መዓልቲ ጸበባ ኸአ ነቶም ዝተረፉ ናቱ ኣሕሊፍካ ኣይትሀቦም።

¹⁵መዓልቲ እግዚኣብሄር ንኹላቶም ህዝብታት ቀሪባ እያ እሞ፡ ከምቲ ዝገበርካዮ ኺገብሩኻ እዮም፡ ግብርኻ ኣብ ርእስኻ ኺምለሰካ እዩ።

¹⁶ከምቲ ንስኻትኩም ኣብቲ ቅዱስ ከረነይ ዝሰቴኹምዎ፡ ከምኡ ኹሎም ህዝብታት ከየባተኹ ኺሰትዩ፡ እወ ኪሰትዩ ኺጭልጡውን እዮም ከም ዝየነበሩ ኸአ ክኾኑ እዮም።

¹⁷ኣብ ከረን ጽዮን ግና ዘምለጡ ኪሕልው እዮም፡ ንሰውን ቅዱስ ኪኸውን እዩ፡ ቤት ያእቆብ ከአ ርስቶም ኪርስትዩ እዮም።

¹⁸ቤት ያእቆብ ሓዊ፡ ቤት ዮሴፍ ከአ ሃልሃልታ፡ ቤት ኤሳው ድማ ከም ሐሰር ኪኾኑ እዮም። ኣብኦም ኬንድዱን ኪውሕጥዎምን እዮም። እግዚኣብሄር ተዛሪቡ እዩ እሞ፡ ንቤት ኤሳው ሓደ እኳ ኣይኪተርፉን ኣዩ።

¹⁹እቶም ኣብ ደቡብ ዘለው ንኸረን ኤሳው፡ እቶም ኣብ ጎልጎል ዘለው ኸአ ንፍልስጥኤማውያን ኪርስትዩ እዮም። ንሳቶም ንምድሪ ኤፍሬምን ንምድሪ ሰማርያን ኪርስትይወን እዮም፡ ብንያም ድማ ንጊልዓድ ኪርስተያ እዩ።

²⁰እቶም ተማሪኾም ዝነበሩ ሰራዊት ደቂ እስራኣኤል ነቲ ናይ ከነኣናዊያን ዝነበረ ኽሳዕ ሰራጳታ ኺርስትዩ፡ እቶም ካብ ዮርሳሌም ተማሪኾም ዝነበሩ ኣብ ሰፋራድ ዘለው ድማ ንኸተማታት ደቡብ ኪወርስወን እዮም።

²¹መናገፍቲ ኸአ፡ ንኸረን ኤሳው ኪፈርዱስ፡ ናብ ከረን ጽዮን ኪድይቡ እዮም፡ መንግስቲውን ናይ እግዚኣብሄር ኪኸውን እዩ።