Read መ/ቅዱስ ትግርኛ, Tigrigna Bible, 1997 ትንቢት ዮናስ 1 Bible Online

ትንቢት ዮናስ 1 - መ/ቅዱስ ትግርኛ, Tigrigna Bible, 1997 bible

ትንቢት ዮናስ 1

¹ንዮናስ ወዲ ኣሚታይ፡ ተንስእ እሞ ናብ ነነዌ፡ ናብታ ዓባይ ከተማ፡ ኪድ። እከዮም ናብ ቅድመይ ደዩቡ እዩ እሞ፡ ኣንጻራ አውጅ፡ ዚብል ቃል እግዚኣብሄር መጸ።

²ንዮናስ ወዲ ኣሚታይ፡ ተንስእ እሞ ናብ ነነዌ፡ ናብታ ዓባይ ከተማ፡ ኪድ። እከዮም ናብ ቅድመይ ደዩቡ እዩ እሞ፡ ኣንጻራ አውጅ፡ ዚብል ቃል እግዚኣብሄር መጸ።

³ዮናስ ግና ካብ ገጽ እግዚኣብሄር ናብ ተርሲስ ኪሀድም ኢሉ ተበገሰ፡ ናብ ያፋ ኸአ ወረደ፡ ናብ ተርሲስ እትሐልፍ መርከብ ድማ ረኸበ። ካብ ገጽ እግዚኣብሄር ርሒቑ፡ ምሳታቶም ናብ ተርሲስ ኪኸይድ ከአ ዋጋ ኸፊሉ ናብ መርከብ አተወ።

⁴እግዚኣብሄር ድማ ናብቲ ባሕሪ ህቦብላ ንፋስ ሰደደ፡ እታ መርከብ ክትስበር ክሳዕ እትቐርብ፡ ኣብቲ ባሕሪ ብርቱዕ ማዕበል ኮነ።

⁵እቶም ባሕረኛታት ድማ ፈርሁ፡ ነፍሲ ወከፎምውን ነናብ ኣምላኹ ተማህለለ። ምእንቲ ኺፈኽሰሎም ከአ፡ ነቲ ኣብታ መርከብ ዝነበረ ኣቓሑ ናብ ባሕሪ ደረበይዎ። ዮናስ ግና ናብቲ ታሕታይ ክፍሊ እታ መርከብ ወሪዱ ተገምሲሱ፡ ከቢድ ድቃስውን ደቂሱ ነበረ።

⁶እቲ ሐለቓ መርከብ ናብኡ ቐረበ እሞ፡ ኣታ ደቃሲ፡ እንታይ ትገብር አሎኻ፡ ተንስእ፡ ምናልባሽ እቲ ኣምላኽ ከይጠፍእ እንተ ሐሰበናስ፡ ናብ ኣምላኽካ ተምህለል በሎ።

⁷ንሓድሕዶም ድማ፡ እዚ መከራ እዚ ብሰሪ መን ከም ዚረኸበና ዘሎ ኽንፈልጥሲ፡ ንዑ ዕጭ ነውድቕ፡ ተባሃህሉ። ዕጭ ኣውደቑ፡ እታ ዕጭውን ኣብ ዮናስ በጽሔት።

⁸ሽዑ ንሳቶም፡ ንገረና ኾታ፡ እዚ ረኪቡና ዘሎ መከራስ ብሰሪ መን እዩ፡ ዕዮኻ እንታይ እዩ፡ ካበይከ መጺእካ፡ ካብ ኣየናይ ህዝቢኸ ኢኻ በልዎ።

⁹ንሱ ኸአ፡ ኣነ እብራዊ እየ፡ ነቲ ባሕርን ንቑጽን ዝገበረ እግዚኣብሄር ኣምላኽ ሰማይውን እፈርሆ እየ፡ በሎም።

¹⁰ሽዑ እቶም ሰባት ንሱ ኻብ ገጽ እግዚኣብሄር ርሒቑ ኸም ዝሀደመ፡ ባዕሉ ስለ ዝነገሮም ፈለጡ፡ ዓብዩ ፍርሃትውን ፈርሁ እሞ፡ ስለምንታይ ደአ እዚ ገብረካ፡ ከአ በልዎ።

¹¹እቲ ባሕሪ ማዕበሉ እናበርትዔ ይኸይድ ነበረ እሞ፡ ንሳቶም፡ ባሕሪ ኺሀድኣልናስ እንታይ ንግበርካ በልዎ።

¹²ንሱ ድማ፡ እዚ ብርቱዕ ማዕበል ብሰረይ ከም ዝበጽሓኩም፡ እፈልጥ አሎኹ እሞ፡ ወሲድኩም ናብ ባሕሪ ደርብዩኒ፡ እቲ ባሕሪ ኸአ ኪሀድኣልኩም እዩ፡ በሎም።

¹³እቶም ሰባት ናብ ምድሪ ኽምለሱ ብምቕጻፍ ይጋደሉ ነበሩ፡ ግናኸ እቲ ባሕሪ ማዕበሉ እንበርትዖም ስለ ዝኸደ ኣይኮነሎምን።

¹⁴ሽዑ፡ ዎ እግዚኣብሄር፡ ንልምነካ አሎና፡ ምእንቲ ነፍሲ እዚ ሰብኣይ እዚ ኣይተጥፍኣና። ንስኻ፡ ዎ እግዚኣብሄር፡ ከም ዝፈቶኻዮ ፌርካ ኢኻ እሞ፡ ንጹህ ደም ኣብ ልዕሌና ኣይተንብር፡ ኢሎም ናብ እግዚኣብሄር ኣእወዩ።

¹⁵ንዮናስ ወሲዶም ድማ ናብ ባሕሪ ደረበይዎ፡ እቲ ባሕሪውን ካብ ምንዋጹ ሀድኤ።

¹⁶እቶም ሰባት ከአ ንእግዚኣብሄር ኣዝዮም ፈርሁ፡ መስዋእቲ ድማ ንእግዚኣብሄር ሰውኡሉ፡ መብጽዓውን ተማባጽዑ።