Read መ/ቅዱስ ትግርኛ, Tigrigna Bible, 1997 ትንቢት ዮናስ 2 Bible Online

ትንቢት ዮናስ 2 - መ/ቅዱስ ትግርኛ, Tigrigna Bible, 1997 bible

ትንቢት ዮናስ 2

¹እግዚኣብሄር ንዮናስ ዚውሕጥ ዓብዩ ዓሳ ኣዳለወ። ዮናስ ከአ ኣብ ከብዲ ዓሳ ሰለስተ መዓልትን ሰለስተ ለይትን ገበረ።

²ዮናስ ኣብ ከብዲ ዓሳ ናብ እግዚኣብሄር ኣምላኹ ጸለየ።

³በለ ድማ ፡ ካብ መከራይ እተላዕለ ናብ እግዚኣብሄር ኣእዌኹ፡ ንሱ ኸአ መለሰለይ። ኣብ ከብዲ ሲኦል ኮይነ ኣእዌኹ፡ ንስኻውን ድምጸይ ሰማዕካ።

⁴ንስኻ ናብቲ መዓሙቑ፡ ናብ ልቢ ባሕሪ፡ ደቤኻኒ፡ ወሓይዝ ከበብኒ፡ ኩሉ ማዕበልካን ሞገድካን ብልዕለይ ሐለፈ።

⁵ኣነ ኸአ በልኩ፡ ካብ ቅድሚ ኣዒንትኻ ተሰጎጉኩ፡ ግናኸ ናብ ቅዱስ መቕደስካ መሊሰ ኽጥምት እየ።

⁶ማያት ክሳዕ ነፍሰይ ከበበኒ፡ መዓሙቑ ኣብ ዙርያይ ነበረ፡ ሳዕሪ ባህሪ ኣብ ርእሰይ ተጠምጠመ።

⁷ናብ መሰተር ኣኽራን ወረድኩ፡ መሃርሃሪታት ምድሪ ንሓዋሩ ኣብ ልዕሌይ ኮነ፡ ግናኸ ንስኻ፡ ዎ እግዚኣብሄር ኣምላኸይ፡ ንህይወተይ ካብ ጉድጓድ ኣውጻእካያ።

⁸ነፍሰይ ኣብ ውሽጠይ ምስ ኣሕለለወት፡ ንእግዚኣብሄር ዘከርክዎ፡ ጸሎተይ ናባኻ፡ ናብቲ ቅዱስ መቕደስካ አተወ።

⁹እቶም ናብ ሐሰውቲ ኸንቱነት ዜድህቡ፡ ጸጋኦም ይሐድጉ።

¹⁰ኣነ ግና ብድምጺ ምስግና ኽስውኣልካ፡ ነቲ እተማባጻዕክዎ ኸአ ኽፍጽሞ እየ፡ ምስሓን ካብ እግዚኣብሄር እዩ።

¹¹እግዚኣብሄር ነቲ ዓሳ አዘዞ፡ ንሱውን ንዮናስ ናብ ንቑጽ ምድሪ ተፍኦ።