Read መ/ቅዱስ ትግርኛ, Tigrigna Bible, 1997 ኦሪት ዘህልቍ 1 Bible Online

ኦሪት ዘህልቍ 1 - መ/ቅዱስ ትግርኛ, Tigrigna Bible, 1997 bible

ኦሪት ዘህልቍ 1

¹ካብ ምድሪ ግብጺ ኻብ ዝወጹ ኣብ ካልኣይቲ ዓመት፡ ኣብታ ኻልኣይቲ ወርሒ ብቐዳመይቲ መዓልቲ፡ እግዚኣብሄር ኣብ በረኻ ሲና፡ ኣብ ድንኳን ምርኻብ፡ ንሙሴ ኸምዚ ኢሉ ተዛረቦ፡

²በብዓሌቶምን በብማይ ቤት ኣቦታቶምን ተባዕታይ ዘበለ ነንርእሲ ኸም ቁጽሪ ውሰድ።

³ንስኻን ኣሮንን፡ ኣብ እስራኤል ንዘለው ኹሎም ካብ ወዲ ዕስራ ዓመት ንላዕሊ ናብ ውግእ ኪወጹ ዚኽእሉ በብሰራዊቶም ቁጽሮም።

⁴ኣብ ማይ ቤት ኣቦታቱ ዋና ዝኸውን ከካብ ነገድ ሓደ ሰብ ምሳኹም ይኹን።

⁵እቶም ምሳኻትኩም ደው ዚብሉ ሰባት ድማ ስሞም እዚ እዩ፡ ካብ ሮቤል፡ ኤሉጽር ወዲ ሽዴውር።

⁶ካብ ስምኦን፡ ሹሉሜኤል ወዲ ጹርሻዳይ።

⁷ካብ ይሁዳ ነኣሶር ወዲ ኣሚናደብ።

⁸ካብ ይሳኮር፡ ናትናኤል ወዲ ጹዓር።

⁹ካብ ዛብሎን፡ ኤልያብ ወዲ ሔሎን።

¹⁰ካብ ደቂ ዮሴፍ፡ ካብ ኤፍሬም፡ ኤሊሻማዕ ወዲ ጰዳህጹር።

¹¹ካብ ብንያም ኣቢዳን ወዲ ጊድዖኒ።

¹²ካብ ዳን፡ ኣሒዔዘር ወዲ ዓሚሻዳይ።

¹³ካብ ኣሴር፡ ጳግዓኒኤል ወዲ ዖክራን።

¹⁴ካብ ጋድ፡ ኤልያሳፍ ወዲ ድዑኤል።

¹⁵ካብ ንፍታሌም፡ ኣሒራዕ ወዲ ዔናን።

¹⁶እቶም ካብቲ ኣኼባ እተጸውዑ፡ ሹማምቲ ነገዳት ኣቦታቶም እዚኣቶም እዮም። ንሳቶም ሓላቑ ኣሽሓት እስራኤል ነበሩ።

¹⁷ሙሴን ኣሮንን ድማ ነዞም በብስሞም እተጸውዑ ሰባት ወሰዱ።

¹⁸ኣብታ ኻልኣይቲ ወርሒ ብቐዳማአይቲ መዓልቲ ንብዘሎ እቲ ኣኼባ ኣከቡ፡ ካብ ወዲ ዕስራ ዓመት ንላዕሊ ዘሎ በብዓሌቶም፡ በብማይ ቤት ኣቦታቶም ነንርእሲ፡ በብስሞም ተቖጺሮም ተጻሕፉ።

¹⁹ከምቲ እግዚኣብሄር ንሙሴ ዝኣዘዞ፡ ኣብ በረኻ ሲና ቆጸሮም።

²⁰ወለዶ ደቂ ሮቤል በኹሪ እስራኤል፡ በብዓልቶም፡ በብማይ ቤት ኣቦታቶም፡ ነንርእሲ፡ በብስሞም እተቖጽሩ፡ ካብ ወዲ ዕስራ ዓመት ንላዕሊ፡ ናብ ውግእ ዚወጹ ኹሎም ተባዕትዮ፡

²¹እቶም ካብ ነገድ ሮቤል እተቖጽሩ ኣርብዓን ሹዱሽተን ሽሕን ሓሙሽተ ሚእትን ኮኑ።

²²ወለዶ ደቂ ስምኦን በብዓሌቶም፡ በብማይ ቤት ኣቦታቶም፡ ነንርእሲ፡ በብስሞም እተቖጽሩ፡ ካብ ወዲ ዕስራ ዓመት ንላዕሊ ናብ ውግእ ዚወጹ ኹሎም ተባዕትዮ፡

²³እቶም ካብ ነገድ ስምኦን እተቖጽሩ፡ ሓምሳን ትሽዓተን ሽሕን ሰለስተ ሚእትን ኮኑ።

²⁴ወለዶ ደቂ ጋድ በብዓሌቶም፡ በብማይ ቤት ኣቦታቶም፡ በብስሞም እተቖጽሩ፡ ካብ ወዲ ዕስራ ዓመት ንላዕሊ ናብ ውግእ ዚወጹ ኹሎም፡

²⁵እቶም ካብ ነገድ ጋድ እተቖጽሩ፡ ኣርብዓን ሓሙሽተን ሽሕን ሹዱሽተ ሚእትን ሓምሳን ኮኑ።

²⁶ወለዶ ደቂ ይሁዳ በብዓሌቶም በብማይቤት ኣቦታቶም፡ በብስሞም እተቖጽሩ፡ ካብ ወዲ ዕስራ ዓመት ንላዕሊ ናብ ውግእ ዚወጹ ኹሎም፡

²⁷እቶም ካብ ነገድ እተቖጽሩ፡ ሰብዓን ኣርባዕተን ሽሕን ሹዱሽተ ሚእትን ኮኑ።

²⁸ወለዶ ደቂ ይሳኮር በብዓሌቶም፡ በብማይ ቤት ኣቦታቶም፡ በብስሞም እተቖጽሩ፡ ካብ ወዲ ዕስራ ዓመት ንላዕሊ ናብ ውግእ ዚወጹ ኹሎም፡

²⁹እቶም ካብ ነገድ ይሳኮር እተቖጽሩ፡ ሓምሳን ኣርባዕተን ሽሕን ኣርባዕተ ሚእትን ኮኑ።

³⁰ወለዶ ደቂ ዛብሎን በብዓሌቶም፡ በብማይ ቤት ኣቦታቶም፡ በብስሞም እተቖጽሩ፡ ካብ ወዲ ዕስራ ዓመት ንላዕሊ ናብ ውግእ ዚወጹ ኹሎም፡

³¹እቶም ካብ ነገድ ዛብሎን እተቖጽሩ፡ ሓምሳን ሾብዓተን ሽሕን ኣርባዕተ ሚእትን ኮኑ።

³²ደቂ ዮሴፍ፡ ወለዶ ደቂ ኤፍሬም በብዓሌቶም፡ በብማይ ቤት ኣቦታቶም፡ በብስሞም እተቖጽሩ፡ ካብ ወዲ ዕስራ ዓመት ንላዕሊ ናብ ውግእ ዚወጹ ኹሎም፡

³³እቶም ካብ ነገድ ኤፍሬም እተቑጽሩ ኣርብዓ ሽሕን ሓሙሽተ ሚእትን ኮኑ።

³⁴ወለዶ ደቂ ምናሴ በብዓሌቶም፡ በብማይ ቤት ኣቦታቶም፡ በብስሞም እተቖጽሩ፡ ካብ ወዲ ዕስራ ዓመት ንላዕሊ ናብ ውግእ ዚወጹ ኹሎም፡

³⁵እቶም ነገድ ብንያም እተቖጽሩ፡ ሰላሳን ሓሙሽተን ሽሕን ኣርባዕተ ሚእትን ኮኑ።

³⁶እቶም ነገድ ብንያም እተቖጽሩ፡ ሰላሳን ሓሙሽተን ሽሕን ኣርባዕተ ሚእትን ኮኑ።

³⁷እቶም ነገድ ብንያም እተቖጽሩ፡ ሰላሳን ሓሙሽተን ሽሕን ኣርባዕተ ሚእትን ኮኑ።

³⁸ወለዶ ደቂ ዳን በብዓሌቶም፡ በብማይ ቤት ኣቦታቶም፡ በብስሞም እተቑጽሩ፡ ካብ ወዲ ዕስራ ዓመት ንላዕሊ ናብ ውግእ ዚወጹ ኹሎም፡

³⁹እቶም ካብ ነገድ ዳን እተቖጽሩ፡ ስሳን ክልተን ሽሕን ሾብዓተ ሚእትን ኮነ።

⁴⁰ወለዶ ደቂ ኣሴር በብዓሌቶም፡ በብማይ ቤት ኣቦታቶም፡ በብስሞም እተቖጽሩ፡ ካብ ወዲ ዕስራ ዓመት ንላዕሊ ናብ ውግእ ዚወጹ ኹሎም፡

⁴¹እቶም ካብ ነገድ ኣሴር እተቖጽሩ፡ ኣርብዓን ሓደን ሽሕን ሓሙሽተ ሚእትን ኮነ።

⁴²ወለዶ ደቂ ንፍታሌም በብዓሌቶም በብማይ ቤት ኣቦታቶም፡ በብስሞም እተቖጽሩ፡ ካብ ወዲ ዕስራ ዓመት ናብ ውግእ ዚወጹ ኹሎም፡

⁴³እቶም ካብ ነገድ ንፍታሌም እተቖጽሩ፡ ሓምሳን ሰለስተን ሽሕን ኣርባዕተ ሚእትን ኮኑ።

⁴⁴እቶም እተቖጽሩ፡ ሙሴን ኣሮንን እቶም ዓሰርተው ክልተ ሰባት መሳፍንቲ እስራኤልን ዝቆጽርዎም እዚኣቶም እዮም።

⁴⁵እሞ ካብ ደቂ እስራኤል በብማይ ቤት ኣቦታቶም እተቖጽሩ ዝኾኑ ኹሎም፡ ካብ ወዲ ዕስራ ዓመት ንላዕሊ ኣብ እስራኤል ናብ ውግእ ዚወጹ ኹሎም፡

⁴⁶እቶም እተቖጽሩ ኹሎም ሹዱሽተ ሚእትን ስለስተን ሽሕን ሓሙሽተ ሚእትን ሓምሳን ኮኑ።

⁴⁷ሌዋውያን ግና ብነገድ ኣቦታቶም ምሳታቶም ኣይተቖጽሩን።

⁴⁸እግዚኣብሄር ንሙሴ ኸምዚ ኢሉ ተዛሪብዎ ነበረ እሞ።

⁴⁹ንነገድ ሌዊ ጥራይ ኣይተቖጽሮም፡ ቁጽሮም ድማ ምስቶም ደቂ እስራኤል ኣይትጸብጽቦ።

⁵⁰ንሌዋውያን ግና ንስኻ ኣብ ልዕሊ ማሕደር ምስክርን ኣብ ልዕሊ ኹሉ ኣቓሑኡን ኣብ ልዕሊ ናቱ ዘበለ ኹሉን ኣመዝዞም ንሳቶም ነቲ ማሕደርን ንኹሉ ኣቓሑኡን ይጹሩ። ንእኡ ኸኣ ንሳቶም የገልግሉ፡ ኣብ ዙርያ እቲ ማሕደር ድማ ይስፈሩ።

⁵¹እቲ ማሕደር ምስ ዚነቅል ሌዋውያን የውርድዎ። እቲ ማሕደር ምስ ዚሰፍር ከኣ፡ ሌዋውያን ይትከልዎ። ጓና እንተ ቐረባ ድማ፡ ይሙት።

⁵²እቶም ደቂ እስራኤል ከኣ ነፍሲ ወከፍ ኣብ ሰሰፈሩ፡ ነፍሲ ወከፍ ድማ ኣብ ሰሰንደቕ ዕላማኡ መምስ ሰራዊቶም ይስፈሩ።

⁵³ሌዋውያን ግና ናብ ኣኼባ ደቂ እስራኤል ቁጥዓ ምእንቲ ኸይከውንሲ፡ ኣብ ዙርያ ማሕደር ምስክር ይስፈሩ። ሌዋውያን ከኣ ነቲ ማሕደር ምስክር ይሓልውዎ።

⁵⁴ደቂ እስራኤል ድማ ከምኡ ገበሩ፡ ከምቲ እግዚኣብሄር ንሙሰኢ ዝኣዘዞ ኹሉ ገበሩ።