Read መ/ቅዱስ ትግርኛ, Tigrigna Bible, 1997 ኦሪት ዘህልቍ 14 Bible Online

ኦሪት ዘህልቍ 14 - መ/ቅዱስ ትግርኛ, Tigrigna Bible, 1997 bible

ኦሪት ዘህልቍ 14

¹ብዘለው እቶ ኣኼባ ድማ ቃሎም ዓው ኣቢሎም ጨርሑ፡ እቲ ህዝቢ ኸአ በታ ለይቲ እቲኣ ኺበኪ ሓደረ።

²ኩሎም ደቂ እስራኤል ድማ ኣብ ሙሴን ኣብ ኣሮንን ኣጉረምረሙ፡ ብዘሎ እቲ ኣኼባ ኸአ በሎም፡ ኣብ ምድሪ ግብጺ ኸም ሞትና መን ምሀበና።

³ንሕና ብሴፍ ክንወድቕ፡ ኣንስትናን ደቅናን ከኣ ክማረኹ፡ ንምንታይ እግዚኣብሄር ናብዛ ምድሪ እዚኣ ኣእተወና፡ ናብ ግብጺ እንተ ንምለስዶ ግዳ ኣይምሕሸናን፡

⁴ንሓድሕዶም ከአ፡ ሓለቓ ግዳ ንሽም ኣሞ ናብ ግብጺ ንመለስ ተባሃሃሉ።

⁵ሽዑ ሙሴን ኣሮንን ኣብ ቅድሚ ብዘላ እታ ማሓበር ኣኼባ ደቂ እስራኤል ብገጾም ተፈፍኡ።

⁶ኣያሱ ወዲ ኔዌን ካሌብ ወዲ የፋነን፡ ካብቶም ሰለይቲ ኣታ ሃገር ዝነበሩ፡ ክዳውንቶም ቀደዱ፡

⁷ንብዘሎ ኣኼባ ደቂ እስራኤል ከአ ከምዚ ኢሎም ተዛረቡ፡ እታ ኽንስልያ ዝሓለፍናያ ምድሪ ኣዝያ፡ ኣዝያ ጽብቕቲ ምድሪ እያ።

⁸እግዚኣቤር እንተ ዘትዩናስ፡ ናብታ ጸባን መዓርን እተውሕዝ ምድሪ ናብታ ምድሪ እቲኣኣ ኼእትወና፡ ንሳውን ኪህበና እዩ።

⁹ኣብ እግዚኣብሄር ግዳ ኣይትዐምጹ፡ ንሳቶም እንጌራና እዮም ኣሞ፡ ንስኻትኩም ንህዝቢ እታ ምድሪ ኣትፍርህዎም። ኣቲ ዜጽልለሎም ካባታቶም ኣግሊሱ፡ ኣግዚኣብሄር ከአ ምሳና እዩ፡ ኣይትፍርህዎም።

¹⁰ብዘሎ እቲ ኣኼባ ግና ብዳርባ እምኒ ኪቐትሎም ተዛራረበ። ክብሪ እግዚኣብሄር ከአ ኣብ ድንኳን ምርኻብ ንኹሎም ደቂ እስራኤል ተራእየ።

¹¹እግዚኣብሄር ድማ ንሙሴ፡ እዚ ህዝቢ እዚ ኽሳዕ መአዝ እዩ ዚንዕቀኒ፡ ክሳዕ መአዝከ እዮም በቲ ኹሉ ኣብ ማእከሎም ዘገበርክዎ ትእምርትታት ዘይኣምኑኒ፡

¹²ብፌራ ኽወቖምን ከጥፍኦምን እየ፡ ንኣኻ ግና ካባታቶም ዚዐብን ዚብርትዕን ህዝቢ ኽገብረካ እየ፡ በሎ።

¹³ሙሴ ኸአ ንእግዚኣብሄር በሎ፡ እቶም ግብጻውያን፡ ንስኻ እኳ ነዚ ህዝቢ ኻብ ማእክለኦም ብሓይልኻ ዘደየብካዮ፡ እዚ ኺሰምዑ እዮም፡

¹⁴ነዞም ኣብዛ ምድሪ እዚኣ ዚነብሩ ድማ ኪነግሩ እዮም፡ ንስኻ እግዚኣብሄር ኣብ ማእከል እዚ ህዝቢ እዚ ኸም ዘሎኻ፡ ንስኻ እግዚኣብሄር ገጽ ንገጽ ከም እተርኤኻ፡ ደበናኻውን ኣብ ልዕሊኦም ከም ዚቐውም፡ መዓልቲ ብዓንዲ ደበና፡ ለይቲ ኸአ ብዓንዲ ሓዊ ቐቅድሚኦም ከም እትኸይድ ድማ ሰሚዖም አለው።

¹⁵ሕጂ ኸአ ነዚ ህዝቢ እዚ ኸም ንሓደ ሰብ ጌርካ እንተ ቐተልካዮ፡ ሽዑ እቶም ወሬኻ ዝሰምዑ ህዝብታት፡

¹⁶እግዚኣብሄር ነዚ ህዝቢ እዚ ናብታ ዝመሓለሎም ምድሪ ኼእትዎም ስለ ዘይከአለን፡ ኣብ በረኻ ሓረዶም፡ ኢሎም ኪዛረቡ ኣዮም።

¹⁷ሕጂ ኸአ እልምነካ ኣሎኹ፡ ሓይሊ እግዚኣብሄር ይዕበ፡ ከምቲ እተዛረብካዮ ኸምዚ ኢልካ፡

¹⁸እግዚኣብሄር ንኹራ ደንጓይ በዓል ብዙሕ ምሕረት እዩ፡ ንሱ በደልን ሓጢኣትን ይቕረ ይብል፡ ሓጢኣት ኣቦታት ኣብ ውሉድ ክሳዕ ሳልሳይ ክሳዕ ራብዓይ ወለዶ ይቐጽዕ እምበር፡ ንበዳሊ ኸይቀጽዔ ኣይሓድጎን።

¹⁹ነዚ ህዝቢ እዚ ኸምቲ ኻብ ግብጺ ሒዝካ ኽሳዕ ናብዚ ይቕረ ዝበልካሉ፡ ሕጂ ኸአ እልምነካ ኣሎኹ፡ ነዚ ህዝቢ እዚ ኸምቲ ዓቡ ምሕረትካ ሓጢኣቱ ሕደገሉ።

²⁰እግዚኣብሄር ድማ በለ፡ ከምቲ ቓልካ ይቕረ ኢለ እየ።

²¹ግናኸ ኣነ ብሓቂ ህያው እየ፡ ብዘላ ምድሪ ኸአ ብኽብሪ እግዚኣብሄር ክትመልእ እያ፡

²²ኩሎም እቶም ክብረይን ኣብ ግብጽን ኣብ በረኻን ዝገበርክዎ ተኣምራተይን ዝረአዩ ሰባት፡ ድሮ ዓሰርተ ሳዕ ፈተኑኒ፡ ቃለይ ከአ ኣይሰምዑን፡

²³ነታ ነቦታቶም ዝመሓልኩሎም ምድሪ ከቶ ኣይርእይዋን፡ ካባቶም ዝነዐቑኒውን ሓደ እኳ ኣይርእያን።

²⁴ንባርያይ ካሌብ ግና፡ ካልእ መንፈስ ስለ ዝነበሮ ፈጺሙውን ስለ ዝሰምዐኒ፡ ናብታ አትይዋ ዝነበረ ሃገር ከእትዎ እየ፡ ዘርኡ ኸኣ ኪወርሳ እዩ።

²⁵ኣብ ለሰ ድማ ኣማሊቃውያንን ከነኣናውያንን ይነብሩ ኣለው እሞ፡ ጽባሕ ተመለሱ፡ በመገዲ ባሕሪ ኤርትራ ኣቢልኩም ናብ በረኻ ተጎዐዙ።

²⁶እግዚኣብሄር ድማ ንሙሴን ንኣሮንን ከምዚ ኢሉ ተዛረቦም።

²⁷ነዚ ዜጉረምርመለይ ሕሱም ኣኼባ እዚ ኽሳዕ መአዝ ክጾሮ እየ፡ እቲ ደቂ እስራኣኤል ዜጉረምሩሙለይ ምጉርምራም ሰሜዔ ኣለኹ።

²⁸በሎም ከአ፡ ኣነ ህያው እየ፡ ከምቲ ኣብ እዝነይ እተዛረብኩዎም፡ ከምኡ ኽገብረኩም እየ፡ ይብል እግዚኣብሄር፡

²⁹ኣቱም ዘጉረምረምኩምለይ ኩላትኩም እተቖጸርኩም ከምቲ ኹሉ ቖጽርኹም፡ ካብ ወዲ ዕስራ ዓመት ንላዕሊ፡ ሬሳኹም ኣብዚ በረኻ እዚ ኺወድቕ እዩ።

³⁰ናብታ ኣብኣ ኸናብረኩም ኢለ ኢደይ ዘልዓልኩምላ ምድሪ ብጀካ ካሌብ ወዲ የፋነን እያሱ ወዲ ነዌን፡ ንስኻትኩም ኣይታትውን።

³¹ነቶም ምርኮ ኪኾኑ እዮም ዝበልኩምዎም ደቅኹም ግና ከአትዎም እየ፡ ነታ ዝነዐቕኩምዋ ምድሪ ኺፈልጥዋ እዮም።

³²ንስኻትኩም ግና፡ ሬሳኹም ኣብዚ በረኻ እዚ ኼወድቕ እዩ።

³³ደቅኹም ከአ ኣብ በረኻ ኣርብዓ ዓመት ጓሶት ኪኾኑ እዮም፡ ሬሳኹም ኣብ በረኻ ኽሳዕ ዚጠፍእ ከአ ምንዝርናኹም ኪጾሩ እዮም።

³⁴ከም ቁጽሪ እተን ነታ ሃገር ዝሰሌኹምለን መዓልትታት ኣርብዓ መኦኣልቲ፡ ሓንቲ ዓመት ኣብ ክንዲ ሓንቲ መዓልቲ፡ ኣርብዓ ዓመት ሓጢኣትኩም ክትጾሩ ኢኹም፡ ካባኻትኩም ከም ዝረሓቕኩ ኸአ፡ ኽትፈልጡ ኢኹም።

³⁵ኣነ እግዚኣብሄር እየ እተዛረብኩ፡ ነዚ ኹሉ ኣባይ ብሓደ እተሓባበረልይ ሕሱም ኣኼባ ብሓቂ ኸምኡ ኸገብሮ እየ፡ ኣብዚ በረኻ እዚ ኽወድኡ እዮም፡ ኣብኡውን ክሞቱ እዮም።

³⁶እቶም ምድሪ ኺስልዩ ሙሴ ዝሰደዶም ሰባት ተመሊሶም ድማ ብዛዕባ እታ ምድሪ ኽፉእ ብምውራዮም ብዘሎ እቲ ኣኼባ ኣብ ልዕሊ ዘጉረምረሙሉ፡

³⁷እቶም ብዛዕባ እታ ምድሪ ኽፉእ ዘውረዩ ሰባት ብመቕዘፍቲ ኣብ ቅድሚ እግዚኣብሄር ሞቱ።

³⁸ካብቶም ምድሪ ኺስልዩ ኸይዶም ዝነበሩ ሰባት ግና፡ እያሱ ወዲ ነዌን ካሌብ ወዲ የፋነን ብህይወት ተረፉ።

³⁹ሙሴ ድማ እዚ ቓላት እዚ ንኹሎም ደቂ እስራኤል ተዛረቦም። እቲ ህዝቢ ኸአ ብብዙሕ ሓዘነ።

⁴⁰ንብጊሓት ድማ ኣንጊሆም ተንስኡ፡ በዲልና ኢና እሞ፡ እኔና ናብታ እግዚኣብሄር ዝበለና ቦታ ንደይብ ኣሎና፡ ኢሎምውን ናብ ርእሲ እቲ ኸረን ደየቡ።

⁴¹ሙሴ ግና በሎም፡ ሕጂ ንስኻትኩም ስለምንታይ ትእዛዝ እግዚኣብሄር እትጥሕሱ፡ ኣይቐንዓኩምን እዩ።

⁴²እግዚኣብሄር ኣብ ማእከልኩም ኣይኮነን እሞ፡ ብጸላእትኹም ከይትስዐቱ፡ ኣይትደትቡ።

⁴³ኣብኡ ኣማሊቃውያንን ከነኣናውያንን ኣብ ቅድሜኹም ኣለው እሞ፡ ብሴፍ ክትወድቁ ኢኹም። ንእግዚኣብሄር ከአ ምሳኻትኩም ኣይኸውንን እዩ።

⁴⁴ንሳቶም ግና ናብ ርእሲ እቲ ኸረን ኪድይብ ደፊሩ፡ ታቦት ኪዳን እግዚኣብሄር ሙሴን ግና ካብ ሰፈር ኣይለቐቑን።

⁴⁵እቶም ኣብታ ኸረን ዝነበሩ ኣማሌቃውያንን ከነአናውያንን ድማ ወሪዶም ወቕዕዎ፡ ክሳዕ ሖርማ ኸአ ቀጥቀጥዎም።