Read መ/ቅዱስ ትግርኛ, Tigrigna Bible, 1997 ኦሪት ዘህልቍ 15 Bible Online

ኦሪት ዘህልቍ 15 - መ/ቅዱስ ትግርኛ, Tigrigna Bible, 1997 bible

ኦሪት ዘህልቍ 15

²ንደቂ እስራኤል ተዛርቦም በሎም ከአ፡ ናብታ ኽትነብርዋ ኣነ ዝህበኩም ምድሪ ምስ ኣቶኹም፡

³እግዚኣብሄር መስዋኣቲ ሓዊ ዚሓርር መስዋኣቲ ወይ መስዋእቲ ሕሩድ፡ ንምፍጻም መብጽዓ ወይ መስዋእቲ ፍቓድ ወይ ናይ በዓላትኩም ብኣሓ ወይ ብጤለበጊዕ ንእግዚኣብሄር ጥዑም ጨና ኽትገብሩ እንተ ትስውኡ፡

⁴ሽዑ ኣቲ መስዋእቱ ንእግዚኣብሄር ዜቕርብ ንመስዋእቲ ብልዒ ዓስራይ ኣፍ ኣኤፋ ድኹም ሓርጭ፡ ብብርዒ ሂን ዘይቲ እተቖምጥዔ የቕርብ።

⁵ንመስዋእቲ መስተ ኸአ ምስቲ ዚሐርር መስዋእቲ ወይ መስዋእቲ ሕሩድ ነንሓደ ገንሸል ርብዒ ሂን ወይኒ ግበር።

⁶ወይ ንድዑል መስዋእቲ ብልዒ ኽልተ ዓስራይ ኣፍ ኤፍ ድኹም ሓርጭ፡ ብሲሶ ሂን ዘይቲ እተቖምጥዔ፡ ግበር።

⁷ንመስዋእቲ መስተ ድማ ሳልሳይ ኣፍ ሂን ወይኒ ንእግዚኣብሄር ንጥዑም ጨና ኣቕርብ።

⁸ንዚሐርር መስዋእቲ ወይ ንመስዋእቲ ሕሩድ ድማ ንምፍጻም መብጽዓ ወይ መስዋእቲ ምስጋና ንእግዚኣብሄር ዝራብዕ እንተ እቕረብካ፡

⁹ሽዑ ምስቲ ዝራብዕ ንመስዋእቲ ብልዒ ሰለስተ ዓስራይ ኣፍ ኤፋ ድኹም ሓርጭ፡ ብፈረቓ ሂን ዘይቲ ኣተቖምጥዔ፡ ኣቕርብ።

¹⁰ንመስዋእቲ መስተ ድማ፡ መስዋእቲ ሓዊ ንእግዛብሄር ንጥዑም ጬና ፈረቓ ሂ ወይን ኣቕርብ።

¹¹ከማኡ ነንብዕራይ ወይ ነንድዑል ወይ ነንገንሸል ወይ ነንወጠጦ ይገብር።

¹²ከም ቁጽሪ እቶም እተስውእዎም፡ ከምኡ ነንሓዲኦም ከም ቁጽሮም ግበሩ።

¹³ወዲ ዓዲ ዘበለ መስዋእቲ ሓዊ ንእግዚኣኣብሄር ንጥዑም ጨና ምስ ዜቕርብ፡ ነዚ ነገር እዚ ኸምዚ ይግበሮ።

¹⁴ምሳኻትኩም ዚቕመጥ ጓና ወይ ንውሉድ ወለዶኹም ኣብ ማእከልኩም ዚነብር፡ ንእግዚኣብሄር ንጥዑም ጨና መስዋእቲ ሓዊ ምስ ዚቐርብ፡ ንሱ ኸምቲ ንስኻትኩም እትገብርዎ፡ ከምኡ ይግበር።

¹⁵ኣብታ ማሕበር ንኣኻትኩምን ነቲ ምሳኻትኩም ዚነብር ጓናን ሓደ ሕጊ ይኹን። እዚ ንውሉድ ወለዶኹም ሕጊ ዘለኣለም ይኹን፡ ኣብ ቅድሚ እግዚኣብሄር እቲ ጓና ኸማኻትኩም ይኹን።

¹⁶ንኣኻትኩምን ነቲ ምሳኻትኩም ዚነብር ጓናን ሓደ ሕግን ሓደ ፍርድን ይኹን።

¹⁷እግዚኣብሄር ድማ ንሙሴ ኸምዚ ኢሉ ተዛርቦ፡

¹⁸ንደቂ እስራኤል ተዛረቦም በሎም ከአ፡ ናብታ ኣነ ዚእትወኩም ምድሪ ምስ ኣቶኹም፡

¹⁹ሽዑ ኪኸውን እዩ፡ ካብ እንጌራ እታ ምድሪ ምስ እትበልዑ፡ ንእግዚኣብሄር ዚልዐል መስዋእቲ ኣቕርቡ።

²⁰ካብ ቀዳማይ ብሒቕኩም ዚልዐል መስዋእቲ ሓደ ቅጫ ኣቕርቡ፡ ከምቲ ኻብ ዓውዲ ዚልዐል መስዋእቲ እትገብርዎ፡ ከምኡ ኣልዕልዎ።

²¹ካብቲ ቐዳማይ ብሑቕኩም ንዉሉድ ወለዶኹም ዚልዐል መስዋእቲ ንእግዚኣብሄር ሀቡ።

²²እንተ ተጋጌኹም፡ እዚ እግዚኣብሄር ንሙሴ ዝነገሮ ኹሉ ትእዛዛት እዚ፡ እቲ እግዚኣብሄር ብኢድ ሙሴ ዝኣዘዘኩም ኩሉ፡ ካባታ እግዚኣብሄር ትእዛዛት ዝህበላ መዓልቲ ንንየው ከአ ክሳዕ ውሉድ ወለዶኹም እንተ ዘይሐሎኹምዎ፡

²³እንተ ተጋጌኹም፡ እዚ እግዚኣብሄር ንሙሴ ዝነገሮ ኹሉ ትእዛዛት እዚ፡ እቲ እግዚኣብሄር ብኢድ ሙሴ ዝኣዘዘኩም ኩሉ፡ ካባታ እግዚኣብሄር ትእዛዛት ዝህበላ መዓልቲ ንንየው ከአ ክሳዕ ውሉድ ወለዶኹም እንተ ዘይሐሎኹምዎ፡

²⁴እዚ ድማ እቲ ኣኼባ ኸይፈለጠ፡ ብጌጋ ኣንተ ተገብረ፡ ሽዑ ብዘሎ እቲ ኣኼባ ንእግዚኣብሄር ንጥዑም ጨና ንዚሓርር መስዋእቲ ኸምቲ ስርዓቱ፡ ምስ ናይ ብልዒ መስዋእቱን ምስ ናይ መስተ መስዋእቱን ንመስዋእቲ ሓጢኣት ድማ ሓደ ድቤላ የቕርብ።

²⁵ንሱ ብጌጋ እተገብረ እዩ፡ ንሳቶም ከአ መስዋእቶም መስዋእቲ ሓዊ ንእግዚኣብሄር ኣምጻኡ፡ ብዛዕባ ጌጋኦም ድማ ናብ ሓጢኣት መስዋእቶም ኣብ ቅድሚ እግዚኣብሄር ኣቕርቦም እዮም እሞ፡ እቲ ኻህን ከአ ንብዘሎ ኣኼባ ደቂ እስራኤል የተዐርቕ፡ ሽዑ ይሕደገሎም እዩ።

²⁶ኣብ ብዘሎ ህዝቢ ብዘይ ፍልጠት እተገብረ እዩ እሞ፡ ንብዘሎ ኣኼባ ደቂ እስራኤልን ኣብ ማእከሎም ንዚነብር ጓናን ይሕደገሎም እዩ።

²⁷ሓደ ሰብ ብጌጋ ሓጢኣት እንተ ገበረ፡ ንመስዋእቲ ሓጢኣት ኣርሕዶ ዓመት የቕርብ።

²⁸ነቶ ብጌጋ ኣብ ቅድሚ እግዚኣብሄር ሓጢኣት ዝገበረ ሰብ ከአ ንምትዕራቑ ኣቲ ኻህን የተዐርቆ፡ ሽዑ ይሕደገሉ እዩ።

²⁹ብዛዕባ እቲ ብጌጋ ዚግበር ነገር ንወዲ ዓዲ ኻብ ደቂ እስራኤልን ኣብ ማእከሎም ንዚነብር ጓናን ሓደ ሕጊ ይኹነልኩም።

³⁰ወዲ ዓዱ ኾነ ወይ ጓና፡ እቲ ሰብ እቲ ኻብ ማእከል ህዝቡ ይመንቆስ።

³¹ቃል እግዚኣብሄር ንዒቑ፡ ትእዛዙ ኸአ ኣፍሪሱ እዩ እሞ፡ ንሱ ፈጺሙ ይመንቆስ፡ ሓጢኣቱ ኣብ ርእሱ እዩ።

³²ደቂ እስራኤል ኣብ በረኻ ኸለው፡ ሓደ ሰብኣይ ብመዓልቲ ሰንበት ዕጨይቲ ኺኣሪ ረኸቡ።

³³እቶም ዕጨይቲ ኺአሪ ዝረኸብዎ ኸአ ናብ ሙሴን ናብ ኣሮንን ናብ ብዘሎ ኣኼባን ኣቕረብዎ።

³⁴እቲ ኽገብርዎ ዚግባእ ኣይተገልጸን ነበረ እሞ፡ ኣብ ቤት ማእሰርቲ ኣእተውዎ።

³⁵እግዚኣብሄር ድማ ንሙሴ፡ እቲ ሰብኣይ እቲ ሞት ይሙት፡ ብዘሎ እቲ ኣኼባ ኣብ ወጻኢ ሰፈር ብዳርባ እምኒ ይቕተሎ፡ በሎ።

³⁶ከምቲ እግዚኣብሄር ንሙሴ ዝኣዘዞ ድማ፡ ብዘሎ እቲ ኣኼባ ናብ ወጻኣኢ ሰፈር ኣውጽኦ፡ ብዳርባ እምኒ ቐተልዎ፡ ሞተ ኸአ።

³⁷እግዚኣብሄር ድማ ንሙሴ ኸምዚ ኢሉ ተዛረቦ፡

³⁸ንደቂ እስራኤል ተዛረቦም በሎም ድማ፡ ንውሉድ ወለዶኦም ኣብ ወሰን ክዳውንቶም ኣዝፋር ኪገብሩ፡ ኣብ ዘዘፈር ወሰን ከአ ሰማያዊ ፍሕሶ ኺገብሩ ንገሮም።

³⁹ነቲ ብእኡ ናብ ምንዝርና እትኸዱ ዘለኹም፡ ደድሕሪ ድሌት ልብኹምን ዓይንኹምን ከይትስዕቡ፡ ንእኡ ርኢኹም ንኹሉ ትእዛዛት እግዚኣብሄር ምእንቲ ኽትዝክርዎን ኽትገብርዎን፡ ዘፈር መዘከሪ ይኹነልኩም።

⁴⁰ንኹሉ ትእዛዛተይ ምእንቲ ኽትዝክርዎን ኽትገብርዎን፡ ንኣምላኽኩም ከአ ቅዱሳን ክትኮኑ ኣዩ።

⁴¹ኣምላኽኩም ምእንቲ ክኸውን፡ ካብ ምድሪ ግብጺ ዘውጻእኩኹም ኣነ እግዚኣብሄር ኣምላኽኩም እየ። ኣነ እግዚኣብብሄር ኣምላክኽኩም እየ።