Read መ/ቅዱስ ትግርኛ, Tigrigna Bible, 1997 ኦሪት ዘህልቍ 2 Bible Online

ኦሪት ዘህልቍ 2 - መ/ቅዱስ ትግርኛ, Tigrigna Bible, 1997 bible

ኦሪት ዘህልቍ 2

¹እግዚኣብሄር ድማ ንሙሴን ንኣሮንን ከምዚ ኢሉ ተዛረቦም፡

²ደቂ እስራኤል ነፍሲ ወከፍ ኣብ ጠጥቓ ሰንደቕ ዕላምኡን ኣብ ነናይ መንጽር ድንኳን ምርኻብ ብዙርያኡ ይሰፈሩ።

³እቶም ኣብ ቅድሚት ብሸነኽ ምብራቕ ዞሰፍሩ፡ ከም ሰራዊቶም ሰንደቕ ዕላማ ሰፈር ይሁዳ ይኹን። ሹም ደቂ ይሁዳ ድማ ነኣሶን ወዲ ኣሚናደብ እዩ።

⁴ሰራዊቱን እቶም ቁጹራቶምን ሰብዓን ኣርባዕተን ሽሕን ሹዱሽተ ሚእትን ነበሩ።

⁵ምስኡ ገጢሞም ዚሰፍሩ ኸኣ ነገድ ይሳኮር ይኹኑ። ሹም ደቂ ይሳኮር ድማ ናትናኤል ወዲ ጹዓር እዩ።

⁶ሰራዊቱን እቶም ቁጹራቱን ሓምሳን ኣርባዕተን ሽሕን ኣርባዕተ ሚእትን ነበሩ።

⁷ነገድ ዛብሎን ከኣ፡ ሹም ደቂ ዛብሎን ኤልያብ ወዲ ሔሎን እዩ።

⁸ሰራዊቱን እቶም ቁጹራቱን ሓምሳን ሾብዓተን ሽሕን ኣርባዕተ ሚእትን ነበሩ።

⁹እቶም ቁጹራት ሰፈር ይሁዳ ኹሎም ከም ሰራዊቶም ሚእትን ሰማንያን ሹዱሽተን ሽሕን ኣርባዕተ ሚእትን ነበሩ። እዚኣቶም ቅድሚት ይጎዐዙ።

¹⁰ሰንደቕ ዕላማ ደፈር ሮቤል፡ ከም ሰራዊቶም ብሸነኽ ደቡብ ይኹን። ሹም ደቂ ሮቤል ከኣ ኤሊጹር ወዲ ሸደውር እዩ፡

¹¹ሰራዊቱን እቶም ቁጹራቱን ኣርብዓን ሹዱሽተን ሽሕን ሓሙሽተ ሚእትን ነበሩ።

¹²ምስኡ ገጢሞም ዚሰፍሩ ኸኣ ነገድ ስምኦን ይኹኑ፡ ሹም ደቂ ስምኦን ድማ ሹሉሚኤል ወዲ ጹሪሻዳይ እዩ።

¹³ሰራዊቱን እቶም ቁጹራቶምን ሓምሳን ትሽዓተን ሽሕን ሰለስተ ሚእትን ነበሩ።

¹⁴ነገድ ጋድ ድማ፡ ሹም ደቂ ጋድ ኤልያሳፍ ወዲ ረዑኤል እዩ።

¹⁵ሰራዊቱን እቶም ቁጹራቶምን ኣርብዓን ሓሙሽተን ሽሕን ሹዱሽተ ሚእትን ሓምሳን ሓደን ሽሕን ኣርባዕተ ሚእትን ሓምሳን ነበሩ። እዚኣቶም ካልኣይ ሰልፊ ኾይኖም ይጎዐዙ።

¹⁶ድሕሪኡ ድማ እቲ ድንኳን ምርኻብ ምስ ሰፈረ ሌዋውያን ኣብ መንጎ እቲ ሰፈራት ይጎዐዝ። ከምቲ ኣሰፋፍራኦም ከምኡ ኸኣ ነፍሲ ወከፍ ኣብ ሰስፍራኡ መምስ ሰንደቕ ዕላምኦም ይጎዐዙ።

¹⁷ድሕሪኡ ድማ እቲ ድንኳን ምርኻብ ምስ ሰፈረ ሌዋውያን ኣብ መንጎ እቲ ሰፈራት ይጎዐዝ። ከምቲ ኣሰፋፍራኦም ከምኡ ኸኣ ነፍሲ ወከፍ ኣብ ሰስፍራኡ መምስ ሰንደቕ ዕላምኦም ይጎዐዙ።

¹⁸ሰንደቕ ዕላማ ሰፈር ኤፍሬም ከም ሰራዊቶም ብሸነኽ ምዕራብ ይኹን። ሹም ደቂ ኤፍሬም ድማ ኤሊሻማዕ ወዲ ዓሚሁድ እዩ።

¹⁹ሰራዊቱን እቶም ቁጹራቶምን ኣርብዓ ሽሕን ሓሙሽተ ሚእትን ነበሩ።

²⁰ምስኡ ገጢሙ ኸኣ ነገድ ምናሴ፡ ሹም ደቂ ምናሴ ድማ ገማልኤል ወዲ ጰዳህጸር እዩ፡

²¹ሰራዊቱን እቶም ቁጹራቱን ሰላሳን ክልተን ሽሕን ክልተ ሚእትን ነበሩ።

²²ድማ ነገድ ብንያም፡ ሹም ደቂ ብንያም ከኣ ኣቢዳን ወዲ ጊደዖኒ እዩ።

²³ሰራዊቱን እቶም ቁጹራቶምን ሰላሳን ሓሙሽተን ሽሕን ኣርባዕተ ሚእትን ነበሩ።

²⁴እቶም ቁጹራት ሰፈር ኤፍሬም ኩሎም ከም ሰራዊቶም ሚእትን ሾሞንተን ሽሕን ሓደ ሚእትን እዮም። እዚኣቶም ሳልሳይ ሰልፊ ኾይኖም ይጎዐዙ።

²⁵ሰንደቕ ዕላማ ሰፈር ዳን ከም ሰራዊቶም ብሸነኽ ሰሜን ይኹን። ሹም ደቂ ዳን ኣሒዔዘር ወዲ ዓሚሻዳይ እዩ፡

²⁶ሰራዊቱን እቶም ቁጹራቶምን ስሳን ክልተን ሽሕን ሾብዓተ ሚእትን ነበሩ።

²⁷ምስኡ ገጢሞም ዚሰፍሩ ድማ ነገድ ኣሴር ይኹኑ። ሹም ደቂ ኣሴር ከኣ ጳግዔል ወዲ ዖክራን እዩ፡

²⁸ሰራዊቱን እቶም ቁጹራቶምን ኣርብዓን ሓደን ሽሕን ሓሙሽተ ሚእትን ነበሩ።

²⁹ነገድ ንፍታሌም ድማ፡ ሹም ደቂ ንፍታሌም ኣሒራዕ ወዲ ዔናን እዩ።

³⁰ሰራዊቱን እቶም ቁጹራቶምን ሓምሳን ሰለስተን ሽሕን ኣርባዕተ ሚእትን ነበሩ።

³¹እቶም ቁጹራት ሰፈር ዳን ኩሎም ሚእትን ሓምሳን ሾብዓተን ሽሕን ሹዱሽተ ሚእትን ነበሩ። እዚኣቶም ምስ ሰንደቕ ዕላምኦም ደጀን ኮይኖም ይጎዐዙ።

³²እቶም ካብ ደቂ እስራኤል በብማይ ቤት ኣቦታቶም እተቖጽሩ እዚኣቶም እዮም። እቶም ኣብ ሰፈር በብስራዊቶም እተቖጽሩ ኹሎም ሹዱሽተ ሚእትን ሰለስተ ሽሕን ሓሙሽተ ሚእትን ሓምሳን እዮም።

³³ሌዋውያን ግና ከምቲ እግዚኣብሄር ንሙሴ ዝኣዘዞ፡ ኣብ መንጎ ደቂ እስራኤል ኣይተቖጽሩን።

³⁴ደቂ እስራኤል ድማ ከምቲ እግዚኣብሄር ንሙሴ ዝኣዘዞ ኹሉ ገበሩ፡ ከምኡ በብሰንደቕ ዕላምኦም ሰፈሩ፡ ከምኡ ድማ ነፍሲ ወከፍ በብዓሌቶም፡ በብማይ ቤት ኣቦታቶም ተጓዕዙ።