Read መ/ቅዱስ ትግርኛ, Tigrigna Bible, 1997 ኦሪት ዘህልቍ 21 Bible Online

ኦሪት ዘህልቍ 21 - መ/ቅዱስ ትግርኛ, Tigrigna Bible, 1997 bible

ኦሪት ዘህልቍ 21

¹እቲ ኣብ ደቡብ ዚነብር ንጉስ ኣራድ ከነኣናዊ፡ እስራኤል ብመገዲ ኢታሪም ከም ዝመጸ ምስ ሰምዔ፡ ምስ እስራኤል ተዋግኤ፡ ካባታቶም ከአ ገለ ምርኮ ማረኸ።

²ሽዑ እስራኤል፡ እዚ ህዝቢ እዚ ኣብ ኢደይ ኣሕሊፍካ እንተ ሂብካንስ፡ ከተማታቶም ክሐርመን እየ፡ ኢሉ ንእግዚኣብሄር መብጽዓ ተመባጽዔ።

³እግዚኣብሄር ድማ ቃል እስራኤል ሰምዔ፡ ንከነኣናውያን ከአ ኣብ ኢዶም ሀቦም፡ ንኣታቶምን ንኸተማታቶምን ድማ ሓረምዎም፡ ስም እታ ቦታ ኸአ ሖርማ ተባህለት።

⁴ካብ ከረን ሆር ንምድሪ ኣኤዶም ኪዞሩ ንባሕሪ ኤርትራ ኣቢሎም ተጓዕዙ፡ ነፍሲ እቲ ህዝቢ ኸአ ብመገዲ ዓቕሊ ኣጸበበት እቲ ህዝቢ ድማ፡ ኣብዚ እንጌራ የልቦን፡ ማይ ድማ የልቦን ነዚ ፈኩሽ እንጌራ ኸአ ነፍስና መንያቶ እያ እሞ፡ ኣብ በረኻ ኽንመውትከ ስለምንታይ ካብ ግብጺ ኣደየብኩምና፡ ኢሎም ኣብ ኣምላኽን ኣብ ሙሴን ተዛረቡ።

⁵እግዚኣብሄር ከአ ዚነዱ ኣትማን ናብ ህዝቢ ሰደደ። ነቲ ህዝቢ ድማ ነኽስዎ፡ ካብ እስራኤል ከአ ብዙሕ ህዝቢ ሞተ።

⁶እግዚኣብሄር ከአ ዚነዱ ኣትማን ናብ ህዝቢ ሰደደ። ነቲ ህዝቢ ድማ ነኽስዎ፡ ካብ እስራኤል ከአ ብዙሕ ህዝቢ ሞተ።

⁷ሽዑ እቶም ህዝቢ ናብ ሙሴ መጺኦም፡ ኣብ ልዕሊ እግዚኣብሄርን ኣብ ልዕሌኻን ብምዝራብና ሓጢኣት ገበርና፡ ነዞም ኣትማት ኬርሕቐልና ንእግዚኣብሄር ለምነልና በሉ። ሙሴ ድማ ምእንቲ እቲ ህዝቢ ለመነ።

⁸እግዚኣብሄር ከአ ሙሴ፡ ዚነድድ ተመን ገበረ፡ ኣብ ባለውን ሰቐሎ። ኮነ ኸአ፡ ገለ ተመን ንሰብ እንተ ነኸሰ፡ ናብቲ ተመን ኣስራዚ ምስ ዝጥምት ይሓዊ ነበረ።

⁹ደቂ እስራኤል ድማ ተጓዕዙ፡ ኣብ ኣቦት ከአ ሰፈሩ።

¹⁰ደቂ እስራኤል ድማ ተጓዕዙ፡ ኣብ ኣቦት ከአ ሰፈሩ።

¹¹ካብ ኣቦት ተጓዒዞም ድማ፡ ኣብ መንጽር ሞአብ ብሸነኽ ምብራቕ ኣብ ዘሎ በረኻ ኣብ ዒየባሪም ሰፈሩ።

¹²ካብኡ ተጓዒዞም ከአ፡ ኣብ ለሰ ዘሬድ ሰፈሩ።

¹³ካብኡ ተጓዒዞም ድማ፡ ኣብ ማዕዶ እቲ ኣብ በረኻ ዘሎ ኻብ ዶብ ኣሞራውያን ዚወጽእ ኣርኖን ሰፈሩ። ኣርኖን ከአ ኣብ መንጎ ሞኣብን ኣሞራውያንን ዘሎ ዶብ ሞአብ እዩ።

¹⁴ስለዚ ኣብ መጽሓፍ ውግእ እግዚኣብሄር ተባሂሉ እዩ፡ ዋሄብ ኣብ ሱፉ ለሴታት ኣርኖን ከአ፡

¹⁵ናብቲ ዓር እትነብረሉ ዜብል፡ ቁልቁለት ለሴታት ድማ፡ ናብ ዶብ ሞኣብውን ዚጽጋዕ።

¹⁶ካባኡ ድማ ናብ ቤዓር ተጓዕዙ፡ እቲ እግዚኣብሄር ብዛዕባኡ ንሙሴ፡ ነቲ ህዝቢ ኣክቦ ኣነውን ክህቦም ኣየ፡ ዝበሎ ዔላ ንሱ እዩ።

¹⁷ሽዑ እስራኤል እዚ መዝሙር እዚ ዘመረ፡ ኣታ ዔላ፡ ፈልፍል፡ ንእኡ ዘምሩሉ፡

¹⁸እቲ ሹማምቲ ዝኾዐትዎ፡ ኣውራታት ህዝቢ ብዘንጊ መንግስቲ፡ በባትሮም ዘጎድጎድዎ ዔላ። ካብ በረኻ ድማ ናብ ማታና፡

¹⁹ካብ ማታና ኸአ ናብ ናሓላኤል፡ ካብ ናሓሊኤል ድማ ናብ ባሞት፡

²⁰ካብ ባሞት ከአ ናብቲ ኣብ መሮር ሞኣብ ዘሎ ለሰ፡ ናብቲ ናብ በረኻ ዚርኢ ርእሲ ጲስጋ ተጓዕዙ።

²¹እስራኤል ድማ ናብ ሲሆር ንጉስ ኣሞራውያን፡ ብምድርኻ ኣሕልፈኒ፡ ናብ ግርሁን ናብ ወይንን ኣይነልግስን፡ ማይ ዔላውን ኣይንሰትን፡ ዶብካ ኽሳዕ እንሓልፍ ብጎደና ንጉስ ንኸይድ፡ ኢሉ ልኡኻት ሰደደ።

²²እስራኤል ድማ ናብ ሲሆር ንጉስ ኣሞራውያን፡ ብምድርኻ ኣሕልፈኒ፡ ናብ ግርሁን ናብ ወይንን ኣይነልግስን፡ ማይ ዔላውን ኣይንሰትን፡ ዶብካ ኽሳዕ እንሓልፍ ብጎደና ንጉስ ንኸይድ፡ ኢሉ ልኡኻት ሰደደ።

²³ሲሆን ከአ እስራኤል ብዶቡ ኺሓልፍ ኣይፈቐደን እሞ ሲሆን ኩሉ ህዝቡ ኣኪቡ ንእስራኤል ኪቃባበሎም ናብ በረኻ ወጻ፡ ናብ ያሃጽ መጺኡ ኸአ ምስ እስራኤል ተዋግኤ።

²⁴እስራኤል ግና ብስሕለት ሴፍ ወቕዖ፡ ምድሩ ኸአ ካብ ኣርኖን ክሳዕ ያቦቅ፡ ክሳዕ ደቂ ኣሞን ወረደ። ዶብ ደቂ ኣሞን ግና ጽኑዕ ነበረ።

²⁵እስራኤል ድማ ንኹለን እተን ከተማታት እቲኤን ሐዘን፡ እስራኤል ከአ ኣብ ኩለን ከተማታት ኣሞራውያን፡ ኣብ ሔስቦንን ኣብ ኩለን ዓድታትን ተቐመጠ።

²⁶ሔስቦን ከተማ ሲሆን ንጉስ ኣሞራውያንን ነበረት እሞ፡ ንሱ ምስቲ ቕድም ዝነበረ ንጉስ ሞኣብ ተዋጊኡ፡ ንብዘላ ምድሩ ኽሳዕ ኣርኖን ካብ ኢዱ ወሲድዋ ነበረ።

²⁷ስለዚ እቶም መሰልቲ ይብሉ፡ ናብ ሔስቦን ንዑ። ከተማ ሲሆን ትነደቕን ትተዐረድን።

²⁸ካብ ሔስቦን ሓዊ ወጺኡ እዩ እሞ፡ ካብ ከተማ ሲሆን ድማ ሃልሃልታ፡ ንሱ ንዓር ናይ ሞኣብን ነቶም ጎይተት በረኽቲ ኣርኖንን በልዔ።

²⁹ሞኣብ ወይለኻ። ኣታ ህዝቢ ከሞሽ ጠፋኣካ። ኣወዳቱ ንምህዳም፡ ኣዋልዱ ኸኣ ንምርኮ፡ ንሲሆን ንጉስ ኣሞራውያንን ሀቦ።

³⁰ንሕና ወርወርናሎም፡ ሔስቦን ክሳዕ ዲቦን ጠፍኤት። ክሳዕ ኖፋሕ፡ ክሳዕ ሜድባ ዚበጽሕ ኣዐኖና።

³¹በዚ ኸምዚ እስራኤል ኣብ ምድሪ ኣሞራውያንን ተቐመጠ።

³²ሙሴ ድማ ናብ ያዕዘር ዚስልዩ ሰደደ፡ ዓድታተውን ሐዙ። ኣብኡ ንዝነብሩ ኣሞራውያን ከአ ኣውጽእዎም።

³³ተመሊሶም ድማ ብመገዲ ባሳን ደየቡ። ኦግ ንጉስ ባሳን ከአ፡ ንሱን ኩሉ ህዝቡን ናብ ኤድረይ ኪዋጋእን ኪቃባበሎምን ወጸ።

³⁴እግዚኣብሄር ድማ ንሙሴ፡ ንእኡን ንኹሉ ህዝቡን ምድሩን ኣብ ኢድካ ሂበካ እየ እሞ፡ ኣይትፍርሃዮ። ከምቲ ነቲ ኣብ ሔስቦን ዝነበረ ሲሆን ንጉስ ኣሞራውያን ዝገብርካዮ፡ ከምኡ ኽትገብሮ ኢኻ በሎ።

³⁵ንሳቶም ድማ ንእኡን ንደቁን ንኹሉ ህዝቡን፡ ሓደ እኳ ኽሳዕ ዘይተርፎ፡ ወቕዕዎ። ምድሩ ድማ ወረሱ።