Read መ/ቅዱስ ትግርኛ, Tigrigna Bible, 1997 ኦሪት ዘህልቍ 22 Bible Online

ኦሪት ዘህልቍ 22 - መ/ቅዱስ ትግርኛ, Tigrigna Bible, 1997 bible

ኦሪት ዘህልቍ 22

¹ደቂ እስራኤል ድማ ተጓዕዙ፡ ናብ ስግር ዮርዳኖስ ናይ ያሪኮ ኣብ ጎልጎል ሞኣብ ከኣ ሰፈሩ።

²ባላቅ ወዲ ጺጶር ድማ፡ እስራኤል ኣብ ኣሞራውያን ዝገበሮ ኹሉ ረአየ።

³ሞአብ ከአ፡ እቲ ህዝቢ ብዙሕ ስለ ዝኾነ፡ ብእኡ ኣዝዩ ፈርሄ። ሞኣብ ብደቂ እስራኤል ተሸበረ።

⁴ሞኣብ ከአ ንዓበይቲ ሚድያን፡ ብዕራይ ሳዕሪ መሮር ከም ዚበልዕ፡ ሕጂ እዚ ኣኼባ እዚ፡ ኣብ ዙርያና ንዘሎ ኹሉ ኸምኡ ኺበልዖ እዩ፡ በሎም። በቲ ዘበን እቲ ድማ ባላቅ ወዲ ጺጶር ንጉስ ሞኣብ ነበረ።

⁵ንሱ ኸአ ናብታ ኣብ ጥቓ ርባ ዘላ ጴጠር ኣብ ሃገር ደቂ ህዝቡ ተቐሚጡ ዘሎ ናብ በላዓም ወዲ ቤዖር፡ ከምዚ ኢሎም ኪጽውዕዎ ልኡኻት ሰደድሉ፡ እንሆ ካብ ግብጺ ዝወጸ ህዝቢ። እንሆ ንሱ ገጽ ምድሪ ኸዲኑ ኣሎ፡ ንሱ ኸአ ኣብ መንጽረይ ተቐሚጡ ኣሎ።

⁶ንሱ ኻባይ ዚሕይል እዩ እሞ፡ ሕጂ ድማ መጺእካ ነዚ ህዝቢ እዚ ኽትረግመለይ ኣልምነካ ኣሎኹ። ንስኻ ዝመረቕካዮ ምሩቕ ዝረገምካዮ ኸአ ርጉም ከም ዝኾነ እፈልጥ እየ እሞ፡ ምናልባሽ ክወቖኦን ካብ ሃገር ከአ ከውጽኦን እኽእል እየ።

⁷ዓበይቲ ሞአብን ዓበይቲ ሚድያንን ድማ ዓስቢ ጥንቁልና ኣብ ኢዶም ሒዞም ከዱ፡ ናብ በላዓም ተቐመጡ።

⁸ኣምላኽ ድማ ናብ በላዓም መጺኡ፡ እዞም ምሳኻ ዘለው ሰባት እንታዎት እዮም በለ።

⁹ኣምላኽ ድማ ናብ በላዓም መጺኡ፡ እዞም ምሳኻ ዘለው ሰባት እንታዎት እዮም በለ።

¹⁰በላዓም ከአ ንኣምላኽ በሎ፡ ባላቅ ወጺ ጺጶር፡ ንጉስ ሞአብ፡ እንሆ ካብ ምስሪ ዝወጸ ህዝቢ ገጽ ምድሪ ኸዲኑ ኣሎ፡ ሕጂ መጺእካ ንእኡ ርገመለይ፡ ምናልባሽ ክዋግኦን ከውጽኦን እኽእል እየ፡ ኢሉ ለአኸለይ።

¹¹በላዓም ከአ ንኣምላኽ በሎ፡ ባላቅ ወጺ ጺጶር፡ ንጉስ ሞአብ፡ እንሆ ካብ ምስሪ ዝወጸ ህዝቢ ገጽ ምድሪ ኸዲኑ ኣሎ፡ ሕጂ መጺእካ ንእኡ ርገመለይ፡ ምናልባሽ ክዋግኦን ከውጽኦን እኽእል እየ፡ ኢሉ ለአኸለይ።

¹²ኣምላኽ ድማ ንበላዓም፡ ምሳታቶም ኣይትኺድ፡ ምሩቕ እዩ እሞ፡ ነቲ ህዝቢ እቲ ኣይትርገሞ፡ በሎ።

¹³በላዓም ከአ ብጊሓት ተንሲኡ ንሹማምቲ ባላቅ፡ እግዚኣብሄር ምሳኻትኩም ከይከይድ ከሊኡኒ እዩ እሞ፡ ንሃገርኩም ኪዱ በሎም።

¹⁴ሹማምቲ ሞኣኣብ ድማ ተንሲኡ፡ ናብ ባላቅ መጺኦም ከአ፡ በላዓም ምሳና ምምጻእ ኣብዩ፡ በልዎ።

¹⁵ባላቅ ድማ መሊሱ ኻባታቶም ዚበዝሑን ዚኸብሩን ሹማምቲ ሰደደ።

¹⁶ናብ በላዓም መጺኦም ከአ፡ ባላቅ ወዲ ጺጶር፡ በጃኻ፡ ናባይ ካብ ምምጻእ ኣይትተዐገት።

¹⁷ኣዝየ ከኽብረካ እየ፡ እትብለኒ ኹሉ ኸአ ክገብር እየ እሞ፡ በጃኻ ንዓ፡ ነዚ ህዝቢ እዚ ርገመለይ፡ ይብል ኣሎ፡ በልዎ።

¹⁸በላዓም ድማ ንገላው ባላቅ መለሰሎም በሎም ከአ፡ ባላቅ ብቤቱ መሊኡ እኳ ብሩርን ወርቅን እንተ ዚህበኒ፡ ብንእሽቶ ኾነ ወይ ብዓብዩ ቃል እግዚኣብሄር ኣምላኸይ ከፍርስ ኣይክእልን እየ።

¹⁹ሕጂ ኸአ እግዚኣብሄር መሊሱ ዚብለኒ ኺፈልጥሲ ንስኻትኩም በዛ ለይቲ እዚኣ ድማ ኣብዚ ተቐመጡ።

²⁰ኣምላኽ ድማ ብለይቲ ናብ በላዓም መጺኡ፡ እዞም ሰባት እዚኦም ኪጽውዑኻ መጺኦም እንተ ኾይኖም፡ ተንሲካ ምሳታቶም ኪድ፡ እቲ ኣነ ዝብለካ ጥራይ ደአ ግበር፡ በሎ።

²¹በላዓም ከአ ብጊሓት ተንስኤ፡ ኣድጉ ጽዒኑ ድማ ምስቶም ሹማምቲ ሞኣብ ከደ።

²²ንሱ ስለ ዝኸደ ድማ ኹራ ኣምላኽ ነደደ። ንሱ ኣድጉ ተወጢሑ ኽልተ ገላውኡ ኸአ ምስኡ ኪኸዱ ኸለው፡ መልኣኽ እግዚኣብሄር ኪኽልክሎ ኣብ መገዲ ደው በለ።

²³እታ ኣድጊ ድማ መልኣኽ እግዚኣብሄር፡ ምሉሕ ሴፍ ኣብ ኢዱ ሒዙ፡ ኣብ መገዲ ደዊ ኢሉ ረአየት፡ እታ ኣድጊ ኸአ ካብ መገዲ ኣግሊሳ ናብ ግራት ኣቢላ ኸደት። በላዓም ድማ ነታ ኣድጊ ናብ መገዲ ኽመልሳ ወቕዓ።

²⁴መልኣኽ እግዚኣብሄር ከአ ኣብ መንጎ ኣታኽልቲ ወይኒ፡ በዚ መንደቕ በቲ ድማ መንደቕ ኣብ ዘለዋ ኹዕትቲ መገዲ ደው በለ።

²⁵እታ ኣድጊ ኸአ መልኣኽ እግዚኣብሄር ርእያ፡ ናብቲ መንደቕ ተጸግዔት፡ ንእግሪ በላዓም ድማ ናብቲ መንደቕ ኣራጸመቶ። ንሱ ኸአ መመሊሱ ወቕዓ።

²⁶እቲ መልኣኽ እግዚኣብሄር ድማ ከም ብሓድሽ ንቕድሚት ሓሊፉ፡ ንየማን ወይ ንጸጋም እተግልስ ኣብ ዜብላ መገዲ፡ ኣብ ጸቢብ ቦታ ደው በለ።

²⁷እታ ኣድጊ ኸአ መልኣኽ እግዚኣብሄር ርእያ፡ ኣብ ትሕቲ በላዓም በጥ በለት። በላዓም ድማ ኮርዩ ተናደደ፡ ነታ ኣድጊ ኸአ ብበትሪ ወቕዓ።

²⁸ሽዑ እግዚኣብሄር ኣፍ እታ ኣድጊ ኸፈተ፡ ንሳ ድማ ንበላዓም፡ እዚ ስለስተ ሳዕ ዝወቓዕካኒኸ እንታይ ገይረካ እየ፡ በለቶ።

²⁹በላዓም ከአ ነታ ኣድጊ፡ ስለ ዘላገጽክለይ፡ ሴፍ ኣብ ኢደይ እንተ ዚህልወንስ፡ ሕጂ ሕጂ እኳ ምቐተልኩኺ በላ።

³⁰እታ ኣድጊ ድማ ንበላዓም፡ ኣነ ኽሳዕ እዛ መዓልቲ እዚኣ ነዊሕ ዘበንካ እተወጣሕካኒ ኣድግኻ ደይኮንኩን፡ ከምዚ ኽገብረካዶ ልማድ ነይሩን፡ በለቶ። ንሱ ኸአ፡ ኣይፋል፡ በለ፡

³¹ሽዑ እግዚኣብሄር ኣዒንቲ በላዓም ከፈተ እሞ መልኣኽ እግዚኣብሄር ኣብ መገዲ ደው ኢሉ፡ ምሉሕ ሴፉ ኸአ ኣብ ኢዱ ረአየ። ፍግም ኢሉ ድማ ብገጹ ተደፍኤ።

³²መልኣኽ እግዚኣብሄር ከአ፡ ስለምንታይ ኢኻ ነዛ ኣድግኻ ሰለስተ ሳዕ ዝወቓዕካያ፡ እዛ መገዲ እዚኣ ኣብ ቅድመይ ቅንዕቲ ኣይኮነትን እሞ፡ እንሆ፡ ክኽልክለካ መጻእኩ።

³³እታ ኣድጊ ኸአ ርእያትኒ፡ ሰለስተ ሳዕ ካብ ቅድመይ እግለሰት፡ ካብ ቅድመይ እንተ ዘይተግልስ፡ ንእኣ ብህይወት ሓዲገ ንኣኻ ምቐተልኩኻ ነይረ በሎ።

³⁴በላዓም ድማ ነቲ መልኣኽ እግዚኣብሄር፡ ንምኽልካለይ ኣብ መገዲ ደው ከም ዝበልካ ኣይፈለጥኩን እሞ፡ በደልኩ። ሕጂ ኸአ ዘጉህየካ እንተ ኾይኑስ እምለስ በሎ።

³⁵መልኣኽ እግዚኣብሄር ድማ ንበላዓም፡ ምስ እዞም ሰባት እዚኦም ኪድ፡ ግናኸ እቲ ኣነ ዝብለካ ጥራይ ደአ ተዛረብ በሎ። በላዓም ከአ ምስቶም ሹማምቲ ባላቅ ከደ።

³⁶ባላቅ ድማ፡ በላዓም ከም ዝመጸ ምስ ሰምዔ፡ ኪቃባበሎ ናብታ ኣብ ድብ ኣርኖን ዘላ ኸተማ ሞኣብ፡ ኣብ ወሰን ዶብ ከደ።

³⁷ባላቅ ድማ ንበላዓም፡ ንምጽዋዕካ ኣጽኒዔዶ ኣይለኣኽኩልካን፡ ስለምንታይ ደአ ናባይ ዘይመጻእካ፡ ኣጸቢቐ ከኽብረካዶ ኣይክእልን እየ በሎ።

³⁸በላዓም ከአ ንባላቅ፡ እንሆ፡ ናባኻ መጺኤ ኣሎኹ። ሕጂ ገለ ነገር ክዛረብዶ እኽእል እየ፡ እቲ ኣምላኽ ኣብ ኣፈይ ዜንብረለይ ቃል ንሱ እየ ዝዛረብ በሎ።

³⁹በላዓም ድማ ምስ ባላቅ ከደ፡ ናብ ቂርያት ሑጾት ከአ መጹ።

⁴⁰ባላቅ ድማ ኣብዑርን ኣባጊዕን ሓሪዱ ናብ በላዓምን ናብቶም ምስኡ ዘለዉ ሹማምትን ሰደደ።

⁴¹ኮነ ኸአ፡ ንጽብሒቱ ባላቅ ንበላዓም ወሲዱ ናብ ባሞትብዓል ኣደየቦ፡ ኣብኡ ኾይኑ ድማ ወሰን እቲ ህዝቢ ረአየ።